VOV4.Bahnar - Tru\h hăm Đà Lạt, Lâm Đồng, ‘ngoăih kơ dôm an^h tơ mang lăng lơ\m kơ pho#, lơ tơ moi tơ mang lăng ‘no\h năm tơ\ tơ ring ‘ngoăih an^h kơ drơ\m vă tơ chă hơ len lăng tơ drong ‘lơ\ng jo\h ayo\, oei sa đơ\ng pơ lei pơ la bơ ngai K’Ho nhen 1 tơ drong tru\h lăng tơ drong ‘nao.

Plei bơ ngai K’Ho B’Nơr C oei tơ\ hơ la jơ\ng kông Langbiang (apu\ng Lạc Dương) ư\h pă hơ tăih kơ hăm tơ moi tơ mang lăng lơ\m păng ‘ngoăih te\h đak dôm sơ năm tơ je# âu. ‘No\h j^ 1 pơ lei ie\ oei vei đei tơ drong hơ iă păng sơ đơ\ng đơ\ng kon pơ lei tơ ring ‘nâu.

Pơ yan rơ hơi, lơ\m dôm hnam tơ\r hăm tơ nang ‘măng ‘mo\k tôm kơ mâu tôch kơ ‘lơ\ng, bơ ngai dro\ kăn K’Ho hơ ngo\r tanh brai vai khăn. Tơ moi tơ mang lăng mơ\t tơ\ pơ lei, đe sư rơ hâu sơng pơ ma dơ nu\h păng ku\m ư\h kơ hiơt tơ roi tơ [o#h găh tơ mam tanh đơ\ng jơ\ng ti kơ hơ dre\ch hơ dru\ng sư.  

M^nh gru\p tơ moi năm tơ mang lăng tơ\ plei K’Ho B’Nơr C hơ la jơ\ng kông Langbiang

Mo\ Ka Hen (45 sơ năm) tơ băt, tơ moi năm tơ mang lăng, chă hơ len lăng găh tơ drong jang tanh brai vai khăn tơ dăh bu đei ‘me\h vă răt gô đei kon pơ lei tơ ring ‘nâu te\ch kơ tă an^h, lăng nhen đei jên yua thim [ơ\t rơ hơi. 

J^ bơ ngai pơm hơ năp jang đơ\ng an^h ăn đe chă tơ mang lăng tơ\ plei B’Nơr C, mo\ Rolan Cơ Liêng (33 sơ năm) hlôi pơ\ih hloi 1 an^h sơng tơ moi tơ mang lăng, pơ dă tơ [o#h tơ mam che\h phe Arabica păng tơ [o#h trong pơm tơ le\ch kơ loăi che\h phe ‘lơ\ng âu.

Tơ moi tơ mang lăng vei răk um rup lơ\m điên thoăi dôm jơ năr đei năm lăng tơ\ plei K’Ho

Gơ\h pơ ma nơ\r Anh klo\h kle\ch, Rolan oei sơng pơ đ^ hloi dôm khu\l tơ moi te\h đak đe tru\h tơ\ pơ lei. Đơ\ng ro\ng kơ tơ roi tơ băt ăn tơ moi găh tơ mam ‘lơ\ng che\h phe tơ ring, sư oei chông ba tơ moi năm tơ\ jơ\p pơ lei, tơ roi ăn kơ đe sư găh dôm tơ drong ‘lơ\ng hơ iă jo\h ayo\ kon kông, tơ drong ar6h sa kơ kon pơ lei dăh mă găh tơ drong tơ drong tanh brai vai khăn kơ hơ dre\ch hơ dru\ng sư.

Rolan tơ roi: “ Tơ moi te\h đak đe lu sư ‘me\h chă hơ len lăng găh jo\h ayo\ de#h kơ na ^nh hu\t jơ năr vă ba đe sư năm lăng pơ lei pơ la vă tơ roi tơ [o#h găh dôm tơ drong ‘lơ\ng hơ iă hơ dro# kơ bơ ngai K’Ho. ‘No\h ku\m jing 1 trong jang pơm tơ mang lăng tôch kơ hơ dro# đơ\ng pơ lei pơ la.”

{ơ\t ‘nao đ^ ‘măng năm tơ mang, chă hơ len lăng trong jang pơm tơ le\ch che\h phe Arabica ‘lơ\ng kơ tă hloi tơ\ pơ gar, jo\h ayo\ păng tơ drong jang tanh brai vai khăn joăt joe kơ bơ ngai K’Ho, dro\ kăn tơ mang lăng Trần Thanh Hải (pơ lei tơm Hồ Chí Minh) chhôk hơ iă: “&nh năm tơ\ Đà Lạt lơ ‘măng mă lei ‘nâu j^ ‘măng mă blu\ng đei lăng tơ drong hơ iă thoi no\h. Rim an^h năm tru\h nhen  Thung lũng Tình yêu, Langbiang, dơ nâu đak Than thở… đ^ joăt de#h bơ\ih, dang ei năm tơ\ pơ lei pơ la nhen thoi âu mă [o#h tơ\ Đà Lạt oei đei dôm tơ drong hơ iă nai dơ\ng”.

Tơ moi tơ mang lăng chă hơ len lăng găh tơ drong tanh brai vei khăn kơ bơ ngai K’Ho

Lơ\m kơ plăh ‘no\h, [ok Neil Sumer (tơ moi tơ mang lăng bơ ngai Australia) tơ băt, sư tôch hơ iă năm lăng chă hơ len lăng jo\h ayo\ kơ bơ ngai kon kông kơ tă an^h. Gơ nang thoi no\h, sư gơ\h chă lăng tơ drong ar^h sa hmă, tơ drong ‘lơ\ng jo\h ayo\ jơ hngơ\m đon đơ\ng bơ ngai K’Ho tơ ring ‘nâu đei tơ drong pha ra băl thoi yơ hăm te\h đak sư.

Dôm sơ năm tơ je# âu, tơ ring j^h Đà Lạt pơ jing dôm pơ lei pơ la K’Ho hlôi păng to\k bo\k jing an^h năm tru\h ‘nao hl^ch ăn tơ moi tơ mang lăng. ‘No\h j^ plei ie\r K’Long (xăh Hiệp An, Đức Trọng), j^ plei kon kông hơ la kông Tà Nung (xăh Tà Nung, Đà Lạt), plei kon kông Đa Blah, Long Lanh (xăh Đa Nhim, Lạc Dương)…

Mo\ Ngọc Nhiên (tơ moi tơ mang lăng tru\h đơ\ng Cà Mau) tơ băt, pơ yan pơ dơ\h ho\k âu me\ kon sư đei ‘măng năm tơ mang lăng tru\h tơ\ Đà Lạt, jơ năr kơ đe\h kơ đe\ch mă lei mo\ Nhiên ‘măn hloi 1 năr răt tour tơ mang lăng j^h pơ lei tơm Đà Lạt.

An^h sơ đơ\ng lơ\m 1 pôm hnam to\k bo\k pơ lei

An^h năm tru\h blu\ng a ‘no\h plei kon kông K’Ho tơ\ xăh Tà Nung pơm ăn mo\ kon sư tôch kơ hơ iă. “ Tru\h tơ\ pơ lei, nhôn đei chă hơ len lăng găh jo\h ayo\ kơ kon pơ lei kon kông. Đe sư tôch kơ rơ hau păng hơ lăng, dôm bơ ngai dro\ kăn lơ\m pơ lei oei phe\ asong kơ kon dro\ kăn ^nh pơ o\ pơ tăm lơ\m pơ gar kơ na kon ^nh iă de#h. Tơ pă jing tơ drong tơ băt hơ nat kơ hiơt” – mo\ Nhiên tơ roi.

Băt hơ dăh đei tơ drong ‘me\h vă đơ\ng tơ moi tơ mang lăng, lơ ko\ng ti tơ mang lăng hlôi ăn 1,2 pơ lei lơ\m tour tơ mang lăng kơ sư. Kiơ\ đơ\ng no\h, vă pơm đei tơ drong ‘nao hl^ch, hơ iă mư\h lơ an^h tơ mang lăng kơ pơ lei tơm kông Đà Lạt đ^ tôch kơ joăt joe.

{ok Nguyễn Thư Bính, kang [o# an^h jo\h ayo\ apu\ng Lạc Dương akhan, tơ mang lăng tơ\ rim pơ lei pơ la kon kông to\k bo\k jing an^h sơng tơ moi lơ\m păng ‘ngoăih te\h đak tru\h hăm dôm tơ ring ter j^h kơ Đà Lạt. Mă loi ‘no\h, kơ tă hloi tơ\ 1,2 pơ lei oei pơ jing dôm an^h pơ dơ\h jơ\ng, an^h te\ch mơ dro huch che\h phe, so\ng sa, hnam ăn tơ moi [^ch tep pơ dơ\h… kơ tă an^h vă pơ yua ăn tơ moi chă ngôi kơ na tơ moi tôch kơ lăp đon.

Thuem:Tơ blơ\