VOV4.Bahnar - Anih tơm vei lăng găh jang pơ gang athei rim Anih vei lăng jang pơ gang rim tơ ring tơ gŭm kon pơ lei lơ̆m tơ ring rim trong jang tang găn jĭ kiơ̆ tơ drong hơ găt, veh ver tơ drong chă hơ met kơ dih tơ̆ hnam mă ưh kơ kiơ̆ nơ̆r pơ tho anih jang pơ gang. Anih vei lăng jang pơ gang rim tơ ring athei tơ băt hơ dăh, kơ sô̆ điên thoăi kăl, vă sơng iŏk păng hơ met ‘lơ̆ng nơ̆r tơ roi, pơ tôch chă hơ len lăng kơ dih test hrĕnh đei ƀôh jĭ đơ̆ng anih jang păng kon pơ lei lơ̆m tơ ring. Tơ drong ‘nâu gô hơ nhăk truh tơ drong tơ poh lang să. Rim dêh char kăl kơ hơ tŏk loi dơ̆ng tơ drong jang tơ roi tơ băt, pơ tho ăn kon pơ lei, anih jang lơ̆m tơ ring pơm kiơ̆ dôm tơ drong hơ găt tang găn jĭ, mă loi ‘noh hăm tơ drong tơ lĕch jang chă hơ len lăng kơ dih, tơ gŭm chă ƀôh hrôih bơ ngai đei ngêh, tơ tom rơ̆ih tơ klăh, gơ var tơ ring păng tang găn jĭ, hơ dai hăm ‘noh tang găn tơ poh jĭ ăn tơ pôl.

Thuem: Tơ blơ̆