VOV4.Bahnar -  Pơ ‘nam, tơnăp hăm tơdrong jang Đoàn, tơguăt hăm khul tơdăm tơ\ tơring jing dôm tơdrong ang bang [ơ\t tơroi truh Y Arôn, Pho\ Bí thư đoàn xăh Thuận An, apu\ng Dak Mil, dêh char Dak Nông. Y Arôn hơnơ\ng yuk trong hơlâu lơ\m tơplih tơdrong tơroi tơbăt hăm lơ trong jang phara băl vă tro\ [lep hăm tơdrong hơpơi ‘meh đơ\ng hơdruh tơdăm, đơ\ng noh hơvơn đei lơ hơdruh tơdăm vang jang lơ\m tơdrong jang Đoàn. {ơ\t xơnăm ‘nao 2018, bơ\n atu\m mơ\ng  Y Arôn tơroi găh tơdrong yak hadoi hăm tơdrong jang Đoàn păng ako\m hơdruh tơdăm, duh nhen dôm tơdrong vă jang ‘nao lơ\m xơnăm 2018.

- Hmach kơ Y Arôn, pơm thoi yơ mă dih kâu jing he# kơdră đoàn khul tơdăm dăp đon dăp bơnôh nhen ha hrei?

          Y Arôn: Inh truh hăm tơdrong jang đoàn hơdruh tơdăm đơ\ng oei ho\k jăl 3 bơih. Ho\k đang jăl 3 noh inh năm ho\k dơ\ng, đang kơ noh vih tơ\ âu đei chi bộ pơlei rơih jang Bí thư chi đoàn pơlei Bu Dak. Adrol ki, inh lêl mă, ưh kh^n dơ\ng ăh anăp bôl lơ, đơ\ng ro\ng khei năr jang đoàn noh inh kh^n hloh. Inh băt hơdăh minh tơdrong noh, pơma dơnuh tơ\ anăp bôl boăl hơdruh tơdăm noh athei tơnăp, noh bôl boăl pơtơm mơ\ng kiơ\ ba. Noh dar deh inh hlôi pran vao hloh păng hơvơn ako\m đei lơ hơdruh tơdăm đoàn viên lơ\m pơlei truh ako\m păng vang jang tơdrong jang đoàn.

- Kiơ\ kơ ih, tơnap tap hloh lơ\m tơdrong hơvơn hơdruh tơdăm vang jang đoàn noh yă kiơ?

Y Arôn: Tơnap lơ\m tơdrong hơvơn đe boăl lơ\m pơlei vang ako\m jang đoàn noh đe boăl ưh kơ vao hơdăh xơnong jang kăp g^t đơ\ng đoàn. Noh pơtơm blu\ng hơvơn đei 1 ‘nu đe\ch vang jang, đơ\ng ro\ng noh hơvơn đei 1 boăl dơ\ng, boăl noh [ôh tơdrong ako\m đoàn pơyua, xo# chơt păng lơ tơdrong jang tơnăp noh roi đunh roi đei lơ tơdăm vang ako\m păng jang tơnăp hloh.

- Hơvơn hơdruh tơdăm vang jang đoàn hlôi tơnap, vă vei xơđơ\ng tơdăm atu\m jang đoàn noh roi tơnap hloh, mă lei ih đei jơnei pơđ^ lơ\m 2 tơdrong mă âu. Ih jang thoi yơ tơdrong mă âu?

Y Arôn: {ơ\t hlôh vao hơdăh găh tơdrong hơvơn đe boăl tơdăm noh ba athei băt hơdăh tơdrong hơpơi, tơdrong lăp đơ\ng đe ye\t. Đei boăl noh rơgei găh tơplo\ng kơdâu, đei boăl rơgei găh joh ayo\ kơdo\ xuang, đei boăl rơgei găh jang mu\k drăm. Đơ\ng noh ba chă hơvơn păng pơjao tơdrong jang ăn đe boăl. Đơ\ng noh đei tơdrong jang kiơ kơ chi đoàn pơlei noh hơvơn adoi [ônh mơ\n, hơdruh tơdăm vang jang dôm tơdrong jang kơ pơlei, kơ jơnu\m jang drăkăn...

- Đei băt, Thuận An xơ\ noh tơring tơxu\l tơxa\l lơ\m tơpôl duh nhen tơdrong mă tơdăm mơ\ng kiơ\ nơ\r đe pơchu\t kơdâu glăi truh Campuchia. Dang ei, tơdrong âu ưh đei oei. Thoi noh, xơnong jang kơ khul jang Đoàn lơ\m tơdrong hơvơn hơdruh tơdăm pơm yoch chôt vih hăm tơdrong xơđơ\ng pơm jang, tơguăt hăm pơlei pơla thoi yơ?

Y Arôn: Mưh tơdăm đei đon kơche\ng ưh [lep păng kơne# noh chi đoàn pơlei tơtom hơvơn, tơblang ăn đe ye\t băt hơdăh, ne\ kiơ\ khul kơne# pơchu\t ôh. Dang ei tơpôl hơto\k tơ iung, chi đoàn nhôn hơnơ\ng hơlen đo\k lơ\m mạng, in tơle\ch hla bar ‘lơ\ng pơyua ăn đe boăl đo\k hơlen vă đe ye\t hlôh ao đei tơdrong erih tơnăp hloh păng băt vao hơdăh găh trong jang đơ\ng teh đak bơ\n.

- Găh tơdrong pơtho tơdăm hơto\k mu\k drăm, mă kăl noh tơdăm kon kông noh thoi yơ?

Y Arôn: Ba noh bơngai che\p kơ\l athei yuk trong hơlâu, vă đe boăl jang kiơ\. Đei [ôh tơpă noh lơ tơdăm kon kông kơche\ng [ôh đang măt đe\ch, tam mă kơche\ng ataih ôh, adro# kăl măh xo\ng xa đe\ch, tam mă kơche\ng truh tơdrong erih ning nai kơnh. Duh đei lơ bơngai tam mă tơre\k hăm kih thuơ\t ‘nao lơ\m tơdrong choh jang, nhen yua pho\ng rei thoi yơ, pơgep tơm hơdre\ch thoi yơ, dăh mă pơtăm hrau lơ hơdre\ch ‘long pơtăm vă hơto\k io\k yua lơ\m minh hơgăt teh. Kiơ\ kơ inh, vă tơdăm kon kông adrin jang xut le# pơngot tơjur hin dơnuh noh anih jang đoàn athei ‘nhăk đe boăl chă ho\k hơlen tơdrong hlôh vao đơ\ng tơdăm Yuăn, pơtho ăn đe ye\t pơm jang. Păng đe boăl duh athei kơdih adrin ho\k hơlen trong jang đơ\ng đe boăl nai, kơdih hơto\k pơm pơdro\ng ưh đei gơnơm đơ\ng đe nai.

- Xơnăm âu ki, Thuận An đei lơ tơdrong tơguăt tơdăm tơ\ tơring. Thoi noh, ih hăm đei trong jang yơ ăn đoàn tơ\ xăh lơ\m xơnăm kơnh?

Y Arôn: Inh ‘meh vă tơdrong jang đoàn lơ\m xăh hơto\k hloh dơ\ng găh dôm tơdrong tơplo\ng kơdâu, hơto\k pơm jang. Inh ‘meh pơm ăn hơdruh tơdăm adrin pơm jang hloh. Inh gô chơng trong pơm jang ăn xơnăm kơnh vă tơdrong jang đoàn gơh đei jơnei tơnăp hloh, hơto\k tôm tơdrong kơ hơdruh tơdăm. Vă rim ‘măng tơbăt truh hơdruh tơdăm Thuận An noh đe băt truh tơdrong dăp đon dăp bơnôh, pơm jang rơgei, găh tơplo\ng kơdâu, hri hơxuang hơnơ\ng pran, ch^nh tr^ xơđơ\ng, lănga tu\m noh hơto\k tơ iung tôm tơdrong, atu\m minh đon.

- O| ah, bơnê kơ ih hlôi axong jơ pơma dơnuh păng thơ thâu ih gô jang keh đang tơdrong hơpơi. Hmach ăn tơdrong jang Đoàn xăh Thuận An roi năr roi hơto\k pran kơjăp.

Lan chih păng rapor