# Danak dak padang ngak palei pala birau tỉnh An Giang, kuhria tal abih thun 2017, hu blaoh 33 dalam 119 xã taduan hu tanut chuẩn palei pala birau, dalam nan hu 12 xã mek hu tanut chuẩn birau. Piah ngak hu yau nan, lac hu prein khang di taong abih dom gah dom pakat chính trị meng tỉnh tal palei pala. Meng nan mbaok meta puk palei dak harei dak salih birau, hadah hadai jang; jalan mbak hạ tầng hu buh jien tame ngak pasiam; bruk ngak nong cak rok patagok, rilo bruk ngak mbang pala drak, raong glang tui jalan ngak tabiak pandap piah pablei, bruk ngak nong tui jalan khang kajap; raidiuk bhap bini dak harei dak patagok…Ong Luu Van Nhanh, daok di xã Phú Vĩnh,ban sit Tân Châu, lac xã birau taduan hu tanut chuẩn padang ngak palei pala birau, lac:

“ Drei saong mikva hu rik daong tame ngak jalan, urak ni hu jalan lagaih piah nao mai, dahlau diah bhum dahlak biak kan kandah meng hu jeng palei pala birau raidiuk mikva hu rilo salih birau, jien duah tame dak harei dak rilo jang.”

# Yau nan min, urak ini tapa pasang iek, taong yaom di 21 xã hu tanut chuẩn palei pala birau tukvak 2011-2016, tỉnh An Giang tok hu 7 xã khik kajap tanut chuẩn birau, daok 14 xã oh daok khik hu tanut chuan palei pala birau. Dalam nan hu oh takik xã mek hu angan lac ngak salah bruk padang ngak palei pala birau min rilo tanut daok kurang khang kajap, oh ka iek praong bruk paglaong tanut…hu dom xã mek hu tanut chuẩn min oh ka salah abih, bo tapa 2 thun oh ka ngak hu. Ndem ka bruk ini, ông Trần Anh Thư, akaok Sở Ngak nong saong patagok palei pala  An Giang brei thau:

“ Hadei di tuk taduan hu tanut chuan, dom palei mboh njauk hatai paje, kurang bruk tui iek, khik kajap jeng yau paglaong dom tieu chi ba tal dom tanut nyu trun yau ye: BHYT, alam moi truong, baoh sang kan kathaot..yau di xã Tân Hòa, huyen Phú Tân; xã Châu Thành; dom xã taduan hu tanut chuan min urak ini bruk ngak sang bac oh ka salah blaoh”

# Bruk ba tal laik tanuat chuan nan lac kayua tỉnh An Giang hu dom xã bhum taphia negar, xa biak kan kan kandah, bhum urang bangsa takik…jien duah tame biak takik dut saong jien duah tame kuhria rah tapa di tỉnh saong dalam negar; urang blei BHYT di dom xa bhum taphia negar, xã hu rilo urang bangsa daok biar …; taphia di nan kayua bruk ramik veik Bộ tanut birau yau nan ye bruk ngak tui, khik kajap saong paglaong dom tieu chi gaok rilo kan kandah. Min nan lac dom makna kayua gah langiu ba tal, daok veik kayua dom pakat ủy đảng, karja oh kuhria dahlau, bruk pambuak gauk rilo gah oh ka khang kajap, oh ka ieu pataom hu taong abih gah chinh tri tame ngak.

#Tui muk Võ Thị Ánh Xuân, Bí thư tỉnh Uỷ An Giang, An Giang thau lac, padang ngak palei pala birau piah patagok kinh tế taong abih gah di tỉnh; iek bruk nan lac bruk praong di tỉnh An Giang dalm luac nhiệm kỳ, piah ba kein lagaih bhum palei sumu saong thanh thị, dui katut panak veik bruk kathaot saong kaya meda; sangka buh jien tame ka dom xã oh ka ba  tame padang ngak palei apla birau tukvak 2016- 2020. Tui jalan ngak lac salih birau akaok sahneng ka bruk padang ngak palei pala birau, jak ba khang taong abih gah chính trị meng pakat tỉnh tal puk palei; oh nduac tui bruk mek angan, oh luai ka dom xã oh ka hu ba tame padang ngak palei pala birau klak caik hadei…Yau nan ye, tukvak anak tal, tinh An Giang ba tabiak bruk ngak, jalan ngak cambaic laic ka yaok tukvak, thun 2018, An Giang kham merat hu gilac 13 xã taduan hu tanut chuan padang ngak palei pala birau, dalam nan hu 10 xã padang ngak palei pala birau di tỉnh, 3 xã tapa tanut bruk ba tabiak, patagok xã taduan hu tanut chuan padang ngak palei pala birau di tỉnh tagok 46/119 xã saong tal puac tnhiệm kỳ hu labaih 50% xa dalam tỉnh taduan hu tanut chuan palei pala birau.

# Bruk daok pamaong tal di tỉnh An Giang dalam padang ngak palei pala birau urak ini, njauk brei salih jalan sahaneng birau, jalan maong birau, brei jak ba khang tame  bruk ngak di taong abih gah chính trị meng pakat tỉnh trun puk palei, brei njauk hatai di bhap bini; oh nduac tui tanut mek angan, buh jien tame dom danak dak brei ngak siam jang, ngak njauk bruk, juai palai pajua; njauk iek praong bruk patagok sản xuất, paglaong raidiuk bhap bini, ngak brei salih birau dalam ngak nong, palei pala hu khang kajap. Meng nan, daong ka urang nong tabiak truh kan kathaot hu khang kajap./.