Thun 2011, tuk bahrau peih ngak danak dak padang ngak palei pala bahrau, xã Ea Kpam, huyện Cư Mgar bahrau hu 6/19 tiêu chí lac: bưu điện, điện, y tế, pato megru, bruk chính trị song an ninh trật tự.

Dom tiêu chí dok veik brei hu jien rilo. Min meng hatai kham merat dalam padang ngak palei pala bahrau, lingiu jien di karja buh brei, pakat ủy Đảng, karja xã  mboh lac njauk ngak brei patagok pren khang saong bruk pachreih tui di bhap bini,. Dalam nan, bruk bhap bini ngak po hu iek prong.  Ong Trần Anh Thái, Bí thư Đảng ủy, Chủ tịch hội đồng bhap bini xã Ea Kpam brei thau:

Mban tacei jalan, mban khik ramik xã jao ka bhap bini eng drei khik iek song eng drei bayar. Mboh yau nan urang biak njauk hatai , rilo urang sahaneng lac jao brei oh thau saai pandar yau habar, hu buh tabiak ginup pok jien nan halei oh. Abih di nyu nan lac thun bloh, adei saai  ngak siam bruk ni, tong abih puk palei ngak  jalan  jeng hu bhap bini biak  njauk hatai. Gah đảng ủy, ủy ban bhap bini hu  ngak siam quy chế dân chủ, nan ye dalam tuk vak meng bloh meng bruk nan urang biak  jia  tame nan ye ieu pataom hu.

Hadei di 5 thun peih ngak, danak dak padang ngak palei pala bahrau, xã Ea Kpam, huyện Cư M’gar ieu pataom hu jiak  20 tỷ đồng, bhap bini rik tame hu labaih 2.000 harei bgak bruk song brei jiak 2.000 m2 taneh piah paisam veik jalan mbak palei pala. Thun 2016, xã hu UB  bhap bini  tỉnh brei panuac lac mek hu chuẩn palei pala bahrau.   Ong Nguyễn Hồ Vỹ dok di xã Ea Kpam mboh lac:

Tuk ngak salah jalan bê tông bhap bini biak bui sambai nao mai mbuan lagaih, oh lac ngak jalan ni bo ngak dom jalan karei, urang jeng rik daong. Urang khin jalan halei jeng ngak salahi, kayua ni lac mbaok meta di bhap bini. Bruk nao mai, anek taco nao bac daa hu  mbuan lagaih jang, dom radaih nao mai jeng hu mbuan, laneing jang.

Ong Trương Văn Chỉ, chủ tịch Ủy ban bhap bin huyện Cư Mgar brei thau, urak ni,  langiu di xã Ea Kpam, huyện Cư Mgar hu 2 xã hu pok brei angan  xã palei pala bahrau lac  Quảng Tiến song  Ea Tul, 12 xã dok veik mek hu 14-18 tiêu chí. Piah mek hu angan palei pala bahrau, huyện Cư M’gar thau lac: Peih ngak dom tiêu chí palei pala bahrau brei khang kajap, oh nduac tui thành tích. Abih di nyu nan lac, dom xã oh pagam pambak tame kadung jien di karja bo tuk halei jeng thau ieu pataom pren khang di bhap bini saong dom phun  jien karei piah peih ngak hu kein lagaih danak dak. Ngan song dom tiêu chí kan ngak yau jalan mbak, krong ribong, môi trường… ye lingiu di bruk buh jien tame di karja, puk palei hu patagok bruk jak ba rik dong di bhap bini. Ong Trương Văn Chỉ lac:

Langiu di bruk dong di trung ương, di tỉnh, hội đồng bhap bini  huyện jeng hu sarak. Jalan ngak prongjeng lac patom tame dong piah patagok jalan mbak palei palai lac tiêu chí kan ngak abih urak ni. Hadei di rilo thun pathau khan, abih di nyu nan lac dom xã mek hu angan palei pala bahrau, dom jalan mbak dom puk palei hu bruk padang ngak palei pala bahrau biak siam meng nan bruk pathau khan hu mbuan lagaih jang. Bhap bini padang ngak palei pala bahrau  jeng mboh hu bruk ngak pô di drei dalam padang ngak palei pala bahrau, yau nan ye urang ngak siam jang. Khol hulin mboh lac nan jalan ba tal ngak hu bruk padang ngak palei pala bahrau.

Urak ni, tong abih phun jien buh tabiak padang ngak palei pala bahrau di huyện Cư Mgar, tỉnh Đắk Lắk labaih 150 tỷ đồng, dalam nan phun jien jak ba meng doanh nghiệp song bhap bini rik patom hu labaih  91 tỷ meteh, dok veik lac phun jien lồng ghép karei. Dalam huyện hu peih ngak bahrau, pasiam veik labaih  173 km jalan mbak palei pala, ngak pasiam, papraong 5 danao, kuac raok song ngak pakhang 43 km krong ribong nội đồng , jien mek tame kuhria tui akaok menuac yaok thun hu 30 triệu đồng, boh sang kan dok 8%. Huyện Cư Mgar kham merat tal thun 2020 meda mek hu  angan huyện palei pala bahrau./.