Ngak tui tacei pato di  rajaei  ka bruk salih xăng khoáng Ron 92 meng xăng sinh học E5, meng harei 1/1/2018 tong abih jiak  540 cửa hàng xăng menyek  di ban raya  HCM  hu peih pablei  xăng E5. Min, hadei di jiak sa adit peih pablei janih  xăng ni, bhap bini di ban raya pandar  xăng E5 oh ka rilo.Kayua habar yau nan? Urang vak  Lệ Hằng hu kadha vak ndom tal bruk ni:

 Tal tuk vak ni, Sở Công thương ban raya  HCM  oh ka thau cambaih hu hadom menuac pandar  xăng E5 dalam adit camereip peih bruk pablei janih xăng ni, min tui mong iek di urang vak di dom  labik pablei xăng menyek di jalan  Hai Bà Trưng - Quận 1,  jalan  Nguyễn Đình Chiểu - Quận 3, jalan  Hùng Vương - Quận 5… dom urang tuh xăng sinh học  E5 biak takik . Tui dom nhân viên pablei  xăng di labik ni  ye menuac tuh  xăng E5 tok hu labaih  30%.  Di  labik pablei xăng menyek  di jalan  Trần Phú song Lê Hồng  Phong - Quận 5, urang vak tui iek  ye dalam 10 urang tuh xăng tok hu  2 urang tuh xăng E5.  Bruk njauk menyai nan lac xăng ni yaom bier jang  xăng E 95  1.200 đồng/sa lít, patak patom hu jien ndua , min rilo menuac di ban raya  HCM oh tuh  xăng ni. Saai  Nguyễn Văn Tôn,  sang dok di  Quận 11 dok tuh  xăng RON 95 di jalan  Hùng Vương-Quận 5 brei thau:  

Kayua habar hulin oh pandar xăng E5?! Kayua oh ka thau cambaih, khol hulin oh ka thau hagait (meng) KA  xăng ni, brei khan angaok rayo papar sap, papar binguk, harak báo  ka janih xăng ni nyu yau  habar, siam habar, jhak yau habar? Urak ni, nyu daok bahrau lô nan ye oh ka khin pandar 

Dok saai  Nguyễn Văn Hoàng, urang pandar  xăng E5 rilo thun ni mai brei thau ka makna tuh  xăng E 5

Pandar xăng E 5 khik siam ka môi trường , yaom lap jang, patak pataom hu hasit , pandar  xăng E 5 ye radeih peih yau dahlau, oh karei hagait.  Dahlau deih hulin mboh labik halei hu xang E 5 ye  hulin tame tuh, urak ni  xăng E 5 hu pablei rilo jang , lagaih ka hulin tame tuh).

   Tui rilo  chuyên gia gah  cơ khí, pajeng ba  ye  xăng sinh học  E5 meda salih hu ka xăng khoáng Ron 92, RON 95 bo oh ngak khut jamriak.  Nyu khik siam ka jamriak, saong daok trun takik bruk tatuak dom janih ngak jhak  tal  môi trường.   Xăng  sinh học E5 lagaih ka taong abih dom  jamriak peih meng  xăng, dalam nan hu  ô tô atau radeih patuh, oh  cang ramik veik atau salih janih hagait di jamriak.  Jamriak pandar  xăng E5 RON 92 hu biak takik  khí thải CO song Hydrocarbon jang xăng khoáng RON 92 song   RON 95 tal  20% nan ye xăng sinh học  E5 biak siam ka môi trường.  Phó giáo sư- Tiến sĩ Nguyễn Lê Ninh, urang dahlau deih ngak  Chủ nhiệm Bộ môn  Ôtô, jamriak radaih  sang bac  Đại học Bách khoa ban raya HCM, lac :

Hulin meda ndom lac tuk xăng E 5 pandar g Ethanol chuẩn lai tame ye oh hu bruk hagait, Tuh tame lac peih hu ,oh huac kanda  khut jamriak, oh huac hagait . Meng lavik mai, hulin  pandar  xăng E 5 mboh  oh hu hagait.  Jamriak patuh siam jang  xăng thường, CO tathuak tabiak  thí thải dut song  xăng khoáng RON 92 takik jang ).

  Xăng sinh học hu rilo taneh ia di dunya  pandar, yau Mỹ, Brazil, Áo, Colombia …song dom taneh ia nan urang pandar tal  xăng E10, E20. Di negar drei, yaom lac bahrau peih bruk pablei xăng  E 5 di akaok thun ni , min dahlau di nan dom cửa hàng xăng menyek di ban raya  HCM  hu pablei  xăng ni bloh.  Dok di  Quảng Nam, Quảng Ngãi song Đà Nẳng, Công ty Dầu Việt Nam hu pablei rilo xăng sinh học E meng labaih 4 thun ni mai .  Ong Cao Hoài Dương –Tổng giám đốc Tổng Công ty menyek Việt Nam (PV oil)  brei thau:

Xăng 92 meng kan  hong xăng 92 song  xăng E5 oh hu hagait karei gah chất lượng song  kỹ thuật, RON jeng siam, RON 92  nyu kein jang di labik  lac siam jang ka  môi trường. Kol hulin peih pablei di  Quảng Nam, Quảng Ngãi song Đà Nẵng  xăng E5 oh hu urang halei nyai lac hagait. Meyah hu bruk hagait ye hu mboh di angaok harak  \báo song mạng xã hội ye ).

Tui rilo  chuyên gia, kayua bruk pathau khan oh ka praong dalam tal urang pandar, rilo urang oh thau cambaih ka  xăng sinh học E 5 nan ye oh pandar . Lingiu di nan, rilo urang dok huac chất lượng oh tani tanat  ngak khut tal jamriak song  độ bền di radeih, nan ye tui iek sa tuk vak bloh ka meng  salih tapa pandar xăng sinh học. Kayua yau nan ye, piah pachreih urang  dak harei dak pandar xăng sinh siam ka mội trường, dom gah chức năng di ban raya HCM song karja , kapul nyaom  njauk kham merat jhul pakhang bruk pathau khan praong dalam tal bhap bini /.