Pathau mik va song tong abih gauk!

Urang Raglai di Ninh Thuận hu rilo adat cambat, rija roya meng kan ndung bak ilamu siam gheih. Dalam nan hu adat mbang akaok padai ( atau mbang padai bahrau) lac sa adat praong. Gam song adat ni, oh meda kurang hu sap di Mã La. Alat Ragam ni hu mong lac drap ar hu yaom glaong, lac pandap ginreih lambaok ka ka bhap bini dalam palei piah taom gaok, pambuak song dom yang mebhang, likau ka bhap bini dalam palei ngak hamu bgak apuh hu siam lagaih.. Thúy Linh – urang vak di rayo sap ndom Việt Nam dok di ban raya HCM hu kadha vak yaih khan bruk gheih mekre di alat ragam ni dalam adat mbang akaok padai di urang Raglai daok di  xã Phước Hà, huyện Thuận Nam – sa dalam dom palei dok khik siam adat ni

Urak ni di  Ninh Thuận hu 2 palei ngak  adat mbang akaok padai song dom ilamu karei di nyu nan palei  Gia Ró, xã Ma Nới huyện Ninh Sơn song palei  Là A, xã Phước Hà, huyện Thuận Nam. Adat mbang akaok padai ( atau mbang padai bahrau) bhian rah tabiak dalam tuk puac bilan ngak hamu puh tui chu kỳ 3 thun, 5 thun,  7 thun atau  10 thun sa mbang, tui kinh tế di yaok boh sang. Dalam adat ini, mã la hu labik dang praong, lac pandap ginreih. Urang Raglai iek mã la lac talei pambuak menuac sia song yang mebhang, kayua lac, meyah khin nyai ndom atau likau yang mebhang daong brei hagait, jeng brei pok kakuh mã la, taih mã la. Lingiu di nan, urang jeng iek bộ mã la lac sa boh sang tui darah gah amaik. Tui panuac ieu di mik va, boh hu sap biar di abih lac amaik, patui di nan lac anek kacua, anek kreh, tal anek taluac puac di abih hu sap glong di abih

 Khol hulin mai sang sa-ai Bà Rá Thừa dalam talei pajaih Chamalé di palei  Là A, xã Phước Hà, huyện Thuận Nam tuk sang saai dok caga yuak apuh. Thun ni bilan yuak jeng njauk tame chu kỳ 3 thun, but pajaih saai ngak adat mbang akaok padai. Yuak hu hadom kaya nong sang saai ba tame mepiah abih dalam gilang. Langiu di nan, sang saai oh var caga dom pandap panda piah pok kakuh ong muk ong kei likai adat ba  mã la trun tong uan harei bui sambai di bhap bini. Tui saai Bà Rá Thừa song urang  Raglai di labik ni, mã la lac  alat ragam ginreih, yaok boh hu mong yau sa  pô yang song tok hu sap  di nyu meng meda lambaok ka panuac nyai di anek menuac piah tom gaok dom yang mebhang. Saai Bà Rá Thừa brei thau:

     \“ Sang adei lac talei  pajaih   Chamalea hu  5 boh  Mã la song 5 urang tong. Bhian di nyu adat tong  Mã la di Phước Hà lac 4 urang, min kayua sang hu  5 urang , nan ye hu 5 boh. Boh ka  5 hu  mong yau urang ame , bhain nao puac di abih. Tong mã la jeng lac brei thau boh sang tui darah gah amaik. Dang akaok lac amaik bloh tal anek kacua, anek kreh, anek taluac. Tong  mã la tui yaok but pajaih, bhain rah tabiak di tuk ngak adat mbang akaok padai

Tui  ong Nguyễn Hải Liên – sa urang roh duah ilamu bhap bini tỉnh Ninh Thuận, dalam dom adat cambat pagam tal  chu kỳ phun pala  jeng oh kurang hu mã la. Pagap yau adat mbang akaok padai bahrau, kayua di labik nan ndung bak rilo ilamu meng kan di bhap bini. Tuk ngak adat, langiu di dom pandap pok kakuh yau lisei bahrau, tangei, pabui, menuk, alak cầnye pandap camereip brei hu lac mã la. Bhian di nyu, hu  2 kadha  mã la hu pandar dalam  harei ngak adat ni  lac  “ da –a Pô trun”  song kadha ka  2 lac “ Dam dara” ragu nyu chreih chrai jang. Ong daok langyah brei thau lac
         “ Daa urang halei, da-a yau habar ye mã la lambaok ka boh sang meng sap  di alat ragam,  drei daa ong muk, yang mebhang, ong kaok ong kei mai.  Bloh daa tuai damuai di ong muk, ong kaok ong kei mai dreih yau urang  Việt.  Yau nan ye  mã la hu dom kadha yau ni: kadha ka sa lac  “ da –a Pô trun mai” hu makna lac da-a yang mebhang, ong muk ong kei mai song anek taco). Daa mai bloh ye anek taco hu 8 urang, likei hu, kamei hu tamia uan raok ong muk hu mai song anek taco,hu ieu lac ( ta-mia dam da-ra).

 Ong Tà Thía Banh – sa nghệ nhân prong thun  di  xã Phước Hà brei thau, adat mbang akaok padai gam ndung bak talei rohim but pajaih, gam ndung bak ilamu di urang Raglai. Tapa nan, urang mai rivang gauk, ba gauk menyum alak cần, tong  mã la song doh tamia luac melam piah var nao bruk ngak gleih glar, dom cuang kandah yaok harei, tadhau yhut ka gauk dom panuac siam mekre di abih dalam thun bahrau song cap tangin gauk tame sa vụ ngak mbang bahrau.

           Dalam tuk peih ngak adat, dom talei pajaih tuk halei jeng ngak njauk tui adat cambat, lac oh  kurang hu  mã la- lambaok ka suan yava di bangsa  . Mã la tong tagok yau sa panuac daa, panuac likau  di menuac sai dalam palei tal ong muk ong kei, dom urang lihik bloh.. brei ka sa thun ngak mbang hu hajan siam, hangin lagaih , ngak padai njauk padai, ngak tangei hu tangei, saong jeng lac, yaok thun brei thau dar phol tal ong muk ong kei… 

Urang Raglai di Phước Hà jeng yau bhap bini urang Raglai di Ninh Thuận mboh biak hadah mbaok meta tuk hu  mã la lac alat ragam meng kan di drei. Tapa dom bilan hajan, pandiak, song dom kan kandah dalam rai duik di bhum ceik glai , min urang Raglai tuk halei jeng khik hu dom bruk ilamu meng kan, adat cambat meng kan, bo di labik nan oh kurang hu sap mã la./.