Sang ong Loi bangsa Bana daok di palei Brông Thông, xã Ia Băng, huyện Đăk Đoa hu 5 sào caphe, pala meng labaih 20 thun dahlau. Urak ini, bein phun taha ye, brei baoh oh hu hadom. Ong khin pala phun birau veik abih, min kurang phun jien, bo abih 4-5 thun meng hu paik baoh tani tanat veik, nan ye oh ka pala ralo bo tok pala veik dom phun metai atau njauk halak mbang. Yaom lac thau karja hu daong brei mesraiy phun jien piah pala veik caphe  min mbiah tal harei ini sang ong Loi oh ka mesraiy hu phun jien ini:

“ Caong khin  mikva drei hu daong mesre phun jien  takik laba, kayua pala veik phun caphe  takik di nyu meng 4 tal 5 thun meng tani tanat hu, 2-3 thun camereip paik boah oh ka tani tanat.”

           Bruk caong hu phun jien piah pala veik caphe di bhap bini, abih di nyu lac urang bangsa takik nan biak ralo, min bruk daong mesre phun jien takik laba daok gaok rilo kan kandah kayua ralo mikva oh ka hu harak quyền pandar taneh. Dom sang hu harak chứng nhận atau hu drap ar karei ye hu ba nao padang haong dom gilang pariak piah mek jien ngak bruk karei. Yau nan ye, mikva kan mesre hu phun jien ưu đãi tuk adat brei mesraiy brei hu drap ar piah padang. Ong Jil bangsa Bana daok di palei Brông Thông, xã Ia Băng, huyện Đăk Đoa brei thau, diuk pasang ong hu amaik ame brei sa hecta caphe, urak ini phun caphe nan taha abih. Kayua taneh ini oh ka hu harak chung nhan quyền pandar taneh nan ye oh mesre hu phun jien:

“ Amaik ame brei ka anek bik oh ka neh tabiak yau nan ye oh hu hrak so đỏ. Khin mesre jien gialang pariak ye kan. Bein caphe nan taha ye, brei takik baoh, dak harei dak takik baoh jang”

 Langiu di nan, bruk mesre phun jien yaom laba lap piah pala birau phun caphe jeng daok gaok rilo kan kandah kayua adat brei mesre biak catang. Phun jien brei mesre kuhria tui taneh urak ini lac 150 trieu sa hecta lac biak takik. Dalam tuk nan jien jung oh ka biak pachreih; tukvak brei mesre jeng katut panak saong bruk peih brei jien rilo mbang jeng oh lagaih saong bruk ngak mbang di mikva  jeng yau dom doanh nghiep.

Tui ong Hà Ngọc Uyển, akok Chi cục Pala drak saong Khik caga phun pala Gia Lai, kuhria tal harei ini,  dalam tỉnh hu labaih 5.000 sang saong dom daonh nghiep caong mesre saong tut angan piah hu mesraiy pala veik phun caphe. Min, urak ini bahrau hu labaih 100 sang saong 2 doanh nghiep hu mesre abih tih 38 tỷ đồng. Phun jien nan biak takik duk saong bruk caong khin:

“Phun jien daong brei mesraiy di Rajaei ba tabiak dalam danak dak pala veik caphe di Gia Lai, urang nong mesre hu biak takik. Khin Gilang pariak Karja  paglaong phun jien mesre brei ka bhap bini hu rilo jang. Kadua tra, dahlau diah peih jien 2 tal 3 mbang, tui dahlak peih brei dalam 1 atau 2 mbang piah mikva hu lagaih ngak mbang. Kaklau, dom jabat gah tài nguyen moi truong jhul samar bruk brei ngak harak chứng nhận quyền pandar taneh ka mikva. Bloh Gilang pariak daong ka bhap bini hu kuhria drap ar angaok taneh piah tui nan ba padang ye hu mbuan lagaih jang”

          Dalam Tỉnh Gia Lai urak ini hu labaih 90.000 hecta caphe, lac sa dalam dom phun pala praong di tỉnh. Yau nan min, gah pala ngak caphe jeng daok dang anak ralo kan kandah kayua bein caphe dak harei dak taha ralo. Dalam tuk nan, bruk  merse phun jien yaom laba lap piah pala veik phun caphe daok gaok rilo kan kandah./.