Bhum taneh Nam Giang atah bayah di  gah  pai tỉnh Quảng Nam lac labik daok lavik Saman di bhap bini bangsa Cơ Tu. Dalam tuk vak duik rai song patagok, urang Cơ Tu  hu padang ngak ka drei sa ilamu biak karei. Dalam nan, capi  Ân Zoưl  lac sa dalam dom janih alat ragam ndung mbak hatung hatian di mik va. Kadha vak hadei ni di Nguyễn Văn Sơn, urang vak di rayo sap ndom VN dok di gah kreih negar. 

Rilo menuac tuk mai rivang bhum taneh di urang Cơ Tu daok di gah pai, tỉnh Quảng Nam oh klah tatuak drei ka bruk gheih mekre di capi Ân Zoưl. Mbang camereip hu pang sap capi Ân Zoưl di urang likei Cơ Tu, oh thei war hu . Ong Bh’ling Hạnh daok di  xã Zuôh, huyện Nam Giang lac sa dalam dom urang main capi Ân Zoưl gheih dalam bhum. Ong Hạnh brei thau, Capi  Ân Zoưl kak kajap haong ong meng tuk dok sit. Tui hatai sahaneng di  urang Cơ Tu, capi ni tok brei ka urang likei song urang dam Cơ Tu main. Ni lac janih alat ragam di bhap bini Cơ Tu hu meng kan mai. Capi Ân Zoưl  tuk halei, labik halei jeng main hu, min takre di abih lac tuk dah mesup, tuk ceik glai joa kandang, urang pang sap capi  Ân Zoưl meng mboh hu rilo jang suan yava di janih alat ragam ni.

Jeng tui  ong Bh’ling Hạnh, capi  Ân Zoưl di urang Cơ Tu dreih yau capi  Măng đôlin di urang  Kinh, min capi  Ân Zoưl sit jang, cần capi jeng katut panah jang  song hu 2 talei min. Capi  Ân zoưl hu ngak meng  phun kayau bìn lin atau meng phun kayau  hu menyek yau chò, sơn đào... hu umo labaih 50 thun. Tok hu ngak meng dom janih kayau nan, capi  Ân Zoưl meng hu sap bingi pang. Talei capi  Ân Zoưl hu ngak meng sa janih talei glai blik sit veik nde talei cước. Capi Ân Zoưl langiu di bruk piah độc tấu, dok hu pandar piah hòa tấu atau paik ka dom lagu daoh bhap bini Cơ Tu dalam dom harei rija roya meng kan di palei.

Meng kan, capi Ân Zoưl lac sa dalam dom alat ragam bhian randap dalam rai duik di urang Cơ Tu. Urang  Cơ Tu bhain ba tui  capi Ân Zoưl tagok hamu apuh, piah tuk lahaiy ye paik ka nyu chreih bui, var nao dom gleih glar. likei Dam Cơ Tu mek sap capi  Ân Zoưl piah ndom tagok hatai anit  di drei tal urang kamei drei ranam.        

Capi Ân Zoưl lac alat ragam  kak kajap song rai duik, bruk ngak mbang, ngak huak di urang  Cơ Tu daok di bhum ceik  Quảng Nam. Ni dok lac sa dalam dom yaom glong ilamu bhap bini meng kan, ngak jeng ilamu di urang  Cơ Tu. Tuk palei pataom gauk ngak dom bruk yau ye: uan pala drak njauk, mbang akaok padai bahrau….. capi  Ân Zoưl  ngak ka mikva mboh bui sambai ka rai duik siam mekre, trei sir, ginup meda. Capi Ân Zoưl tuk halei jeng lai li-an,  bingi pang..Sap capi Ân Zoưl yau brei mboh dom gheih mekre di bhum ceik glong, ngak li-an hatai urang pang.

Thei hu nao rivang puk palei  Cơ Tu di bhum Trường Sơn, labik jiak tapen negar Lào adei sai, ye hu mboh sa bhum palei ndung bak ilamu di urang   Cơ Tu, dalam nan hu sap   capi  Ân Zoưl./.