Hu peih pakak di bilan 4 meng bloh, min bruk padang Kalan Pô Patao Át daok hu bhap bini Cam xã Phan Hòa, huyen Bac Binh, tinh Binh Thuan ndom tal ralo saong mboh chreih bui kayua bruk caong khin di mikva hu jeng biak.

Tui bhap bini labik ini brei thau, Pô Patao Át lac urang pan akaok bhum taneh ini dalam dom pluh thun di kreih abap XVI, Po Patao Át lac urang tacei brei peih taneh, beik ribaong kraong ba ia tame ngak hamu. Dom mblang hamu hu ong buh prein tacei ngak, hu: Hamu Janeng, Hamu Patao, Hamu Cakan…saong dom ribaong yau Ribaong Pok, Binek Ma Tá, Kraong Nek…urak ini jeng daok pandar hu siam mekre.

Hadei di tuk peih taneh saong ngak jalan kraong ribaong ba ia pruh, Po Patao hu ba bhap bini mai daok pataom gauk di palei Panat harei ini lac Bình Thắng saong daok parai rai di palei Dhik lac palei Bình Minh…Tuk Po patao plang lahik, mikva palei Panat padang kalan kakuh ong. Tui thun bilan, kalan Po Patao At khut tayah. Tal bilan 4 thun 2016, mikva Cam labik ini jak gauk rik jien, rik prein padang ngak bimong piah hadar dhar phol Po Patao Át. Ong Mai Văn Tiền c sa urang dalam mBan padang ngak saong tui iek bruk ngak bimong brei thau: Bimon kalan hu meng lavik ye, min mik va khol huiln

Bimong Pô Patao Át hu padang tui bimong meng kan di urang Cam, angaok taneh praong 1.000 m² , bimong glaong 15m, praong 8 m, ngak abih labaih 1,5 tỷ đồng. Phun jien nan kayua Mban khik  iek, bhap bini palei Bình Thắng saong Mban padang ngak bimong jak ba mikva rik tame. Hu thau, yaok baoh sang halan hatian rik tame 300 ribau đồng, hu sang kaya ye rik tame meng 2 trieu tal yaok pluh trieu dong. Tal bilan 4 thun ini, bruk caong khin di mikva palei ini hu jeng biak tuk bimong hu ngak salah blaoh, hu labik ka mikva mai pling yang.  Oh lac mikva labik ini, bruk bui sambai nan daok hu pambak tal yaok urang Cam daok di dom bhum palei karei. Muk Qua Thị Hồng loan, palei Lạc Trị, xã Phú Lạc, h.Tuy Phong, tỉnh Bình Thuận saong muk Nguyễn Thị Bi, mai meng ban raya HCM lac: Karja biak sangka tal bruk khik ramik Bimon kalan…

Piah khik kajap adat cambat di labik kakuh po yang jeng yau piah brei ka tuai damuai  mai rivang iek, hadei di tuk ngak salah blaoh, mikva labik ini hu palih ruak menuac tame Mban khik iek bimong saong padang quy ước. Ong Nguyễn  Văn Hiểu, Bí thư Chi bộ  palei  Bình Thắng, xã Phan Hòa, huyện Bắc Bình, tỉnh Bình Thuận lac: Binh Thuận lac sa tỉnh patom hu rilo Bimon kalan …

          Bimong Pô patao Át ngak salah blaoh oh lac pabak labik piah paling yang di mikva, bo daok brei mboh bruk jum pataom, hatai thau khik ramik ilamu bangsa di bhap bini daok pak ini. Ini jeng lac bruk rik prein di bhap bini gam saong pakat ủy, karja xã Phan Hòa khik ramik, paglaong tanut padang ngak palei pala birau./.