Pathau mikva saong taong abih gauk!

        Tuk daok di dunay, Wa Hồ pato lac: “Piah pan akaok ba jalan cách mạng, Đảng brei khang. Đảng khang meng hu chi bộ siam. Chi bộ siam meng hu urang đảng siam abih gauk". Dalam tukvak tapa, pambuak haong bruk: “Bac megru saong ngak tui jalan hadah krah siam mekre di Hồ Chí Minh”, tỉnh Hậu giang hu rilo jalan ngak gheih piah ngak tui panuac pato ini, dalam nan hu bruk urang đảng ngak kinh tế joi hu maong lac kadha piah palei pakhang, paglaong bruk pan akaok ba jalan di tổ chức cơ sở đảng, di urang jakar, urang đảng. Tấn Phong – urang vak di rayo sap ndom VN hu kadha vak brei thau ka bruk ini di tỉnh Hậu Giang.

Ong Nguyễn Văn Biểu, daok di palei Đông Lợi, xã Đông Phước A, huyện Châu Thành khan lac: Dahlau meng tuk pahau khan, jak ba bhap bini tame dom bruk di palei, rilo tuk mikva oh pang, oh ngak kayua oh jia dom panuac di ong. Daok urak ini, ong ndom ye abih palei jeng pang, jeng ngak tui, rilo menuac daok  mai tal sang ong piah tangi ong jalan ngak mbang. Angan je di urang đảng hu patagok meng tuk ong roh duah hu jalan patagok kinh tế  sang meng phun panat Thái, hadei di nan tacei pato veik ka mikva dalam palei ngak tui. Urak ini oh lac sang ong kaya meda saong yaom jien mek tame  6 - 7 rituh  triệu đồng yaok thun meng phun panat Thái bo dom urang đảng dalam chi bộ saong rilo mikva dalam bhum palei jeng hu raidiuk ginup meda meng janih phun pala ini:

      “ Sang urang đảng bo kathaot lô jeng gaok kan kandah. Lisei oh hu ye jeng kan nao ngak bruk. Drei kham merat ngak habar piah yam tagok jeng sa urang đảng hadah krah, ngak tabiak jien piah daong ka urang kathaot, piah tabiak truh kathaot. Drei ngak hu siam lagaih ye drei ndom urang pang tui, drei ndom bo drei oh ngak hu ye bhap bini oh pang tui”.

             Ong Nguyễn Văn Bảy- Bí thư Huyện ủy Châu Thành rei thau: Meng bruk pathau khan, jka ba pambuak saong dom bruk kayua Trung ương saong puk palei ba tabiak, rilo urang jakar, urang đảng dalam huyện kham merat ngak kinh tế joi. Meng nan, urang jakar, urang đảng kaya meda dak harei dak rilo, trun hu bruk lac kayua ngak mbang kan kandah, urang đảng klaak palei nao ngak mbang tah, klak sinh hoạt đảng.

 “ mBan thường vụ Huyện ủy tacei pato dom urang dalam mBan thường vụ, mBan chấp hành đảng bộ huyện hu brei bruk tacei pato xã ye brei thau cambaih saong tacei pato jalan ngak mbang, pok panuac tagok gilang pariak brei mesraiy jien piah ngak habar ngak mbang hu hu kein, laba. Bruk ka dua lac hu panuac piah iek glang labik mbang, labik daok ka urang đảng kan kathaot caong hu sang daok. Nan lac jalan ngak di anak tal, Châu Thành padang ngak habar ka chất lượng di urang đảng dak harei dak patagok gah kinh tế sang piah ngak siam bruk di drei.”

             Thau lac, urang Đảng lac dom urang ba kaok nao dahlau ye njauk kham merat ngak habar ka raidiuk di dom urang nan cakrok patagok piah ka bhap bini maong tame bloh ngak tui, nan ye Thường trực Tỉnh ủy hu tacei dom huyện, thị, pasang iek, duah thau dom sang urang đảng kathaot, nao ngak mbang atah, dalam nan hu urang đảng klaak sinh hoạt đảng;  dom urang jakar xã, ấp.. klaak bruk kayua jien bilan takik, oh ginup mbang, saong duah thau makna ba tal kathaot piah hu jalan daong dom urang đảng ini patagok kinh tế sang. Bruk urang đảng ngak kinh tế joi di Hậu Giang dak harei dak pambak praong ngak brei salih bharau mbaok meta puk palei. Urak ini urang đảng kathaot, jaik kathaot di Hậu Giang daok takik, dom rituh urang min, daok urang đảng nao ngak mbang atah jeng daok labaih 1.000 urang min.

          Meda ndom lac, meng tabiak bruk urang đảng ngak kinh tế joi, tỉnh Hậu Giang hu daong ka dom urang đảng yam tagok brei mboh labik dang hadah krah, brei mboh bruk ba akaok nao dahlau, pakhang jang angan je ngan saong bhap bini, tapa nan daong ngak brei cơ sở đảng di puk palei dak harei dak patagok khang kajap njauk yau panuac Wa Hồ bhian patao lac: "“Piah pan akaok ba jalan cách mạng, Đảng brei khang. Đảng khang meng hu chi bộ siam. Chi bộ siam meng hu urang đảng siam abih gauk" ". /