Pathau mik va song tong abih gauk!  Yaom lac umo labaih 70 thun, min jeng daok abih hatai roh duah rup thaot , tư liệu ndom ka Wa, cuak ariya ka Wa song peih tal  pato dom uranaih sang kan kandah… nan lac bruk bo amuk  Lê Linh Thìn dok di ban sit Cầu Ngang, huyện Cầu Ngang, tỉnh Trà Vinh daok ngak dalam rilo thun tapa. Bruk ngak ni brei mboh hatai iek prong iek glong Wa bo dok lac jalan piah ka rup drei song dom urang karei bac megru song ngak tui jalan hadah krah siam mekre di Wa tapa dom tư liệu quý ni. Sa Oanh – Urang vak di rayo sap ndom VN dok di bhum taneran krong CL  brei thau  ka hatung hatian di urang kamei ni.

Hadei di harei gah merong peih paha, anai gru  Lê Linh Thìn, sang bac tiểu học Mỹ Hòa B, ban sit Cầu Ngang, huyện Cầu Ngang tỉnh Trà Vinh meng hu roh duah rup thaot Wa. Yaok tuk puac tapuk, báo mboh rup thaot Wa ye anai khik piah veik. Labaih 40 thun tapa, anai Sáu Thìn roh duah hu  thaot  Wa 20 Album prong. Dalam nan anai parabha jeng chủ đề karei di gauk: Chân dung Wa Hồ tapa dom thun; Dom rup thaot ka bruk ngak di Wa meng thun 1911 tal thun 1969; Jalan nao duah “Nhật kí dalam guk”; dom tư liệu song dom inem krung kak pagam song bruk ngak di Wa ….Langiu di nan, dalam sang di anai Sáu, labik trang trọng jeng hu tual thaot Wa  Hồ. Anai Lê Linh Thìn brei thau:

 “ Tuk dok sit, dalam sang hu muk  ngoại song saai kamei bhian dak dalikan ndom tal Wa Hồ. Meng nan, drei biak iek prong , biak ranam Wa lo, bloh dalam dom thun taneh ia oh ka hu peih paha, mboh khol khamang nyu pametai rahra, metai lihik biak rilo, bloh dom cei bộ đội jeng vaih tame sang main, khan bruk tong khamang ka drei pang, ngak ka drei mboh pamaok kol khamang, meng nan drei dak ranam Wa, anit  bộ đội rilo jang. Peih paha bloh drei meng hu điều kiện, mboh harak báo halei hu thaot Wa lac cakak piah dalam tu.

Oh lac takre roh duah, anai Sáu Thìn dok duah thau asal kadha di yaok bruk pambuak tal dom thoat  nan, bloh daok  photo brei ka urang thau, abih di nyu nan lac anek saih. Dalam dom mbang ginum biai chi bộ, dom mbang  họp tổ dân cư atau dom kapul nyaom, anai Sáu Thìn hu dak dalikan ndom tal Wa piah ka menuac urang pang song ngak tui. Meng dom klah rabha di anai Sáu Thìn, bo chi bộ khóm Minh Thuận A, ban sit Cầu Ngang – labik anai sinh hoạt tuk halei jeng ba akaok nao dahlau dalam bruk “ Bac megru song ngak tui jalan hadah krah siam mekre di Hồ Chí Minh".

Anai Sáu Thìn brei thau, tapa dom dalikan, dom blah rup thaot nan, anai bac megru hu tui Wa biak rilo yau: diukrai giản dị, anit ranam menuac sia, iek praong talei rohim puk paga, bruk patak pataom, oh palai pajoa. Bruk dok ngak ka anai suh sah di abih urak ni lac, ngak yau habar  khik hu labaih 2.800 thaot binguk ni song khan brei rilo menuac thau ka jalan hadah krak siam mekre di Wa

Anai  Lê Linh Thìn dahlau deih lac Hiệu trưởng sang bac  Tiểu học B ban sit Cầu Ngang, Phó Chủ tịch Hội Liên hiệp urang kamei  huyện. Yaom lac urak ni umo prong, min anai dok halan hatain hu mbaok tame dom bruk xã hội, ngak pahla song pachreih bac. Yaok thun anai jeng khik tal bac anit ranam pato phụ đạo ka anek saih Tiểu học song jak ba dong brei pandap bac daa ka anek saih kathaot yaok rituh triệu đồng di tuk tame thun bac bahrau. Nan ye, anai Sáu Thìn lac menuac njauk caik hatai jia, hu jao brei ngak rilo bruk prong di palei pala yau: ủy viên Thường vụ kapul pachreih bac, Phó trưởng Đoàn Hội Thẩm bhpa bini huyện, ủy viên Ban Chấp hành kapul urang dahlau daih ngak gru pato huyện Cầu Ngang...  Ong Kim Thành Long, Phó chủ tịch MT negar  huyện Cầu Ngang brei thau:

           “Dalam báo, tap chí meyah hu ndom tal Wa atau hu thaot  Wa ye anai Sáu Thìn cakak khik veik abih, piah pato anek kamuan harei hadei, abih di nyu nan lac dom anek saih.Sa bruk ngak praong lac brei ka dom anek saih thau piah ngak tui Wa. Anai Sáu biak sangka tal bruk pato pakai abih di nyu nan lac bruk pachreih bac pachreih megru, hu tuk vak lahaiy ye anai dong ka dom adei kathaot, sang kan kandah

 Meng hatung hatian saong bruk ngak siam nan, anai Lê Linh Thìn hu palih ruah lac sa dalam dom urang hadah krak tỉnh Trà Vinh ka bruk  “Bac megru song ngak tui jalan hadah krak siam mekre di Hồ Chí Minh” song taduan hu rilo harak meyaom meng Trung ương tal puk palei . Anai Lê Linh Thìn ndom lac: "Ngan song anai, bruk tự hào di abih lac yaok ribau  blah rup thaot brei mboh ka rai duik, bruk ngak di Chủ tịch Hồ Chí Minh prong uranam"./.