# Pathau mik va song tong abih gauk! Mai palei Noong La, phường Chiềng Sinh, ban  Sơn La tangi sua akaok palei – urang đảng “9x” Cà Văn Hoan thei jeng thau. Saai oh lac sa akaok palei ranaih umo, hadah krah, hu trách nhiệm dalam bruk ngak bo dok sami samar, gam  song mik va padang ngak puk palei dak harei dak trei si. Chẻo Thu  urang vak di rayo sap ndom Việt Nam hu kadha vak ka saai.

Thun  2009 hadie di tuk bac bloh Trung học phổ thông, ranam amaih ame rambah rambup, saai Hoan dok di sang piah dong amaik ame kuhira bruk sang danaok. Hu mbaok tame sinh hoạt Đoàn di  puk palei, Hoan hu pok ngak Bí thư chi đoàn. Tal thun 2015, saai hu pok ngak Phó Bí thư chi bộ - Akaok palei  Noong La tuk umo bahrau 24 thun.

Dom harei camereip ngak akaok palei ranaih umo di abih kuhria meng dahlau mai, ranaih meng umo thun tal ilamu, bruk ndom puac daok dang jeng oh hu rilo ilamu nan ye saai gaok oh takik kan kandah dalam bruk pathau khan jak ba mik va. Kayua yau nan ye saai caik rilo tuk vak nao tal yaok boh sang, caik hatai tui pang dom cong khin di mik va, bac megru dom urang nao dahlau piah pabak ilamu, tui jalan sahaneng lac “ Bruk hagait hu kein ka bhap bini ye njauk ngak”.  Saai Cà Văn Hoan brei thau:

 “Bruk jak ba lac biak kan, hu tuk mik va oh thau. Mbang ka sa oh hu, mbang ka dua pathau khan ka urang thau kein laba di danak dak, lavik livik harei mik va jeng thau. Bruk an ninh di palei, dalam thun bloh oh hu bruk halei ngak suan adat hukum”

Rilo bruk hu mong lac kan kandah tavak tavaiy di palei yau: Giải phóng mặt bằng, jak ba bhap bini brei taneh, kandah  gauk dalam dom baoh sang di bhap bini….jeng hu saai langyah siam mekre. Saai Cà Biên Ùi, palei Noong La, phường Chiềng Sinh, ban  Sơn La lac: 

 “Sang lin hu 500 mét vuông taneh ngak nong, tui sarak mek taneh piah ngak pasak đăng kiểm, tuk camereip sang lin oh njauk hatai, min hu akaok palei song dom urang dalam ban chi ủy bhian trun sang pathau khan makna di danak dak, nan ye sang lin njauk hatai brei taneh ka Po đầu tư”

Oh lac ngak siam bruk hu jao brei, Akaok palei Cà Văn Hoan tuk halei jeng nao dahlau dalam bruk patagok kinh tế boh sang, kham merat jak ba mik va salih phun pala janih rong, ba ilamu kỹ thuật tame bruk ngka mbang pala drak . Palei Noong La hu  54 boh sang urang  Thái, song jiak 200 menuac dok. Hadei di tuk karja mek veik taneh ngak nong piah padang ngak jalan mbak palei pala, saai Hoan song mik va kham merat salih jalan ngak  kinh tế tapa pablei salih tổng hợp, peih dịch vụ mbang menyum, pablei salih pandap panda. Urak ni, palei hu  30 boh sang ginup meda , oh hu sang kathaot. Rilo thun gam palei hu pok brei angan palei ilamu, oh hu jru pheil, oh hu bruk likhah caga dalam umo sit, oh ndik tapui anek ka 3. 

Ndom tal dom rik dong, dom kham merat di akaok palei Cà Văn Hoan, ong Cà Văn Định, Phó chủ tịch UB bhpa bini phường Chiềng Sinh brei thau

 “ Yaom lac akaok palei ranaih umo, min saai Hoan tuk halei jeng sami samar abih hatai jak ba mik va bhap bini dalam palei ngak siam sarak di Đảng hukum di karja, jak ba bhap bini patagok kinh tế. Saai Hoan tuk halei jeng ngak siam bruk di drei, hu pakat ủy karja phường taong yaom glong.”

Palei Noong La, phường Chiềng Sinh, ban Sơn La urak ni dak harei dak hadah hadai. Hu yau nan, lac hu bruk rik dong oh sit di urang akaok palei, urang đảng "9x" Cà Văn Hoan. Saai lac kreih camin hadah krah k urang đảng ranaih umo bac megru ngak tui./.