Pathau mikva saong grauk ayut!

Rah bingu atau rah ralin lac sa dalam dom janih halak palai pajoa bhian mboh di phun kandiuk. Mikva pala  kandiuk njauk brei ngak tui dom jalan pacang caga tổng hợp piah pametai rah. Hadei di ini, khol dahlak likau khan tal mikva saong grauk ayut: 

  Piah pacang caga rah ralin di phun kandiuk hu siam mekre, mikva brei ngak tui dom jalan yau ala ini:

Kasa lac jalan pala: Mikva brei pala phun kandiuk mbiah iek, jhui  pala jiak gauk rilo. Brei bhian ramik hacih mblang hamu, pataom mek saong ba nao am cuh klaak dom hala thu di takai phun, cakak klak dom dhar phun halak  mbang, dhar sraiy ala haluk, buac hacih hareik, hala druh dalam bein piah ngak ka bein laneing, piah phun  tamuh praong siam, klah rah nyu diuk. Mikva kanal pruh ia, buh khak ginup klak rah nyu diuk nyu praong khang. Dalam tuk pruh ia ka phun pandiuk caga pandiak bhang, njauk pruh khang tame labik hu rah daok piah ngak ka nyu seik tui ia, ngak brei tathah phun saong takik rah.

Bluh thak nan lac sa dalam dom jalan hu pachreih brei ngak piah pacang rah nyu praong nyu ngak khut metai phun kayau jeng yau phun kandiuk.

Kadua lac jalan sinh học: Jalan ngak ini biak mbuan, nan lac mikva brei khik dom anek halak hu kein lagaih dalam bein  kandiuk yau bọ rùa,,,, danko saong dom janih karei karei piah pametai rah ralin.

  Ka klau lac jalan hoa học: Mikva bhian rivang iek bein kadiuk, takik di nyu 1 adit sa mbang, caik hatai tal caduk meda, hala meda, bingu, baoh meda….bo rah ralin bhian ndam saong ngak khut, piah samar pacang caga meng dom janih jru hóa học. Brei  pandar jru đặc hiệu atau pandar jru khik hu dom hlak cim brim hu kein lagaih yau danko…

Rah ralin hu sa tal ralin meom gah langiu, nan ye mikva brei lai pabak tame janih ndam tame nyu gam veik.

Tuk pruh jru hóa học, mikva brei ngak tui jalan 4 njauk saong  brei padeih pruh tui tukvak ba tabiak hu tacei di ingiu kanduh papaok jru. Oh pandar jru oh thau cambaih asal di nyu saong oh hu dalam dom janih jru khik caga phun mbang baoh jeng ye phun kandiuk kayua Mentri Ngak nong saong patagok  palei pala patabiak. Ngan saong yaok janih jru, mikva brei iek cambaic panuac tacei pato jalan pandar hu vak di kanduh papaok jru. Tadhau ayuh mikva ngak hu jak jeng. -