Kreih thun 2015, dalam tuk khin  hu jien  piah pala vụ cà phê bahrau, duik pasang saai Ponh  dok di palei Nglâm, xã Ia Pết, huyện Đăk Đoa, tỉnh Gia Lai hu muk Nguyễn Thị Đây (dok di palei 10, lac urang dalam xã haong gauk) tacei sa-ai nao taom  amuk  Hồ Thị Thu Thanh (ndih tapui thun 1983) dok di jalan Trần Qúy Cáp, phường Tây Sơn, ban sit  Pleiku. Amuk Thanh khan lac drei daok ngak bruk di gilang pariak CPTM, meda dong ngak harak gar mesraiy jien. Tui tacei pato,  duik pasang  Ponh padang sổ đỏ 2 mblang taneh, prong abih tih 1,5 ha tal sa  phòng công chứng di ban sit  Pleiku piah ngak harak  chuyển nhượng quyền pandar taneh ka muk  Thanh song pasang lac ong Trần Xuân Kiên (ndih tapui thun 1977). Hadei di nan, muk Thanh yar  250 triệu đồng ka duik pasang  Ponh, pandar bayar laba  0,8%/ sa bilan  song vak harak sinya, hadei di  2 thun, tuk  Ponh bayar veik pok jien ni, muk Thanh bayar veik  sổ đỏ:

 “Amuk Thanh lac  njauk chuyển nhượng taneh ka muk  Thanh piah muk  Thanh dang angan meng mesraiy hu phun jien. Amuk Thanh ndom lac sang nhượng min, oh lac pablei. Tuk halei hu jien, bayar veik ka muk Thanh, muk Thanh bayar  sổ đỏ. Sa thun muk  Thanh  mek  liba  2 mbang , oh yar ka muk Thanh bo yar ka muk  Đây mek brei.”

Langiu di sang saai Ponh, dok hu  10 boh sang karei di  xã Ia Pết, huyện Đăk Đoa song  xã Ia Tiêm, huyện Chư Sê,  njauk  amuk Thanh pachot yau nan. Dalam nan hu 8 boh sang chuyển nhượng 10 harak chứng nhận quyền pandar taneh ngak nong praong abih tih labaih pluh ha. Hu urang nyim muk Thanh dong ngak harak chuyển nhượng taneh ka anek likei, min njauk muk ni pachot chuyển brei ka drei. Rilo harak chứng nhận quyền pandar taneh dalam nan hu chuyển ka pasang likei song amaik pajeng di muk Thanh lac  Trần Xuân Kiên song muk Võ Thị Hồng Vân.

Chuyển nhượng taneh bloh, Hồ Thị Thu Thanh oh gaok tapak urang halei piah mek jien liba, bo mek tapa muk  Nguyễn Thị Đây. Gam song nan, amuk Thanh yar địa chỉ ja ka dom nạn nhân. Saai Phăn, daok di palei  O Đeh, xã Ia Pết, sa urang njauk muk  Thanh pachot chuyển nhượng labaih 8 sào taneh ngak nong brei thau:

 “Tuk  công chứng, dahlak bac abih, song hu panuac tangi sua ni lac pablei taneh halei oh? Amuk  Thanh ndom lac, vak angaok nan lac pablei, min drei  hợp đồng oh lac pablei. Amuk Thanh brei  số điện thoại, brei  địa chỉ sang . Ginup 2 thun , dahlak khin taom muk  Thanh piah bayar jien, min oh hu dok di labik nan, ieu muk  Thanh ye muk nan klao saoh.”

Tal urak ni, dom harak chứng nhận quyền pandar taneh di  10 boh sang njauk muk  Thanh pachot mek quyền pandar taneh hu  padang mesraiy phun jien labik ni labik deih takik abih di 4 gilang pariak CPTM di ban sit  Pleiku. Tal puac thun  2017, kayua muk  Thanh oh bayar sre, yau nan ye, 4 mblang taneh dalam nan njauk sa gilang pariak khởi kiện dân sự, chi cục thi hành án dân sự ban sit  Pleiku kê biên piah pablei to yaom, mek veik sre ka gilang pariak. Biak patuah, dalam tuk vak ni, rilo menuac dalam tỉnh  thau drei njauk lah pachot hu ngak harak pathau tal công an huyện Đăk Đoa, nan ye bruk  kê biến, pablei to yaom drap ar di gilang pariak brei padeih. Dok  Hồ Thị Thu Thanh tabiak truh labik dok meng rilo bilan ni mai. 

Hadei di tuk thau hu bruk nan, Ubbhap bini huyện Đăk Đoa, tỉnh Gia Lai hu ba tabiak rilo jalan ngak piah paglong akaok sahaneng di bhap bini, abih di nyu nan lac di bhumbhap bini bangsa takik. Ong Lương Nam Xuất Thế, Trưởng phòng bangsa, Ubbhap bini  huyện Đăk Đoa brei thau:

Sa dalam makna lac, di bhum urang bangsa takik, khin patagok bruk pala drak, mikva biak caong hu phun jien. Piah nao mesraiy hu jien ye harak gar oh mbuan. Dalam tuk nan, bruk mesraiy jien di dom kapul nyaom  tín dụng, menuac urang biak  mbuan. Kayua yau nan ye, hu bruk bhap bini  njauk lah pachot. Urak ni , Ubbhap bini huyện hu dom harak tacei pato dom mban, ngành, tacei pato Ubbhap bini  dom  xã pathau khan  dom  thủ đoạn di kol pachot piah mik va thau 

Gam song karja palei , urak ni gah điều tra, Công an tỉnh Gia Lai dok duah thau, ngak brei cambaih laih bruk nan./.