Urang  “peih jalan” lac urang nong Huỳnh Văn Quới daok di palei  Phú Thiện, ban sit Phú Hòa, tỉnh An Giang song ong Lê Văn Tùng daok di palei Phú Hòa, xã Tây Phú meng bruk pala chanh bông tím pablah phun mbang boh.

Thun 2012, saai Tùng salih 5 héc-ta taneh dok pala padai tapa pala chanh bông tím pablah song phun darun, jien mek tame rilo jang dut song pala padai song peih prong jalan ngak ni. Dalam tuk vak ni, hadei di tuk padai oh njauk, laik yaom, saai  Quới ba  4 công padai tapa pala 600 got chanh bông tím, tapa labaih sa thun pala iek, saai paik baoh mbang camereip hu tal 2 tấn/công song hu urang mai tal bein  blei yaom 16.000 đồng/kg, liba hu yaok rituh triệu đồng.

Njauk hatai song yaom kaom ni, dom mbang paik mek hadei, saai ba kruac aik tabiak ban Long Xuyên pablei hu 20.000 đồng/kg. Lavik lavik harei, saai jeng urang pablei janih baoh ni. Ong Hồ Quốc Dũng khang hatai  ba 2.000m2 taneh ngak padai tapa pala kruac aik song rilo boh sang jiak di nan jeng pok ro pala kruac aik pablah song phun  cam, darun song kruac bung klik hajao, kein liba glong jang pala padai.

Mboh padai laik yaom,  mboh duik di drei song rilo urang nong yaok mbang nao pasa blei cam, quýt, kruac bung yaom glong, nan ye  saai Phan Thanh Mạnh daok di palei Bắc Thạnh, xã Thoại Giang jeng khang hatai salih tapa pala dom janih phun mbang boh. Saai mai palei duik di  Đồng Tháp duah thau , bac megru bloh ba 13 công taneh ngak padai tapa pala quýt đường. Tui jalan di saai, urang adei angan Phan Thành Tài jeng ba 11 công padai tapa pala quýt. Tapa 3 thun, meng rilo mbang paih pablei, yaok urang mek jien tame hu labaih 100 triệu đồng/sa thun. Urak ni, 2  urang dok pok ro di angaok taneh praong labaih  1 héc-ta piah pala patei. Saai Phan Thanh Mạnh brei thau: “Pala quýt tok buh pren, glaih bruk  pacang caga jit ruak, min janih baoh ni laik lo, hu urang blei abih, pablei rilo ka tuai vãng lai song mik va di labik ni. Phun quýt tabiak boh gam song yaom meng 25.000 tal 30.000 đồng/kg, jien duah hu rilo jang dom mbang dut song pala padai.

 Dom thun jiak di ni, rah tui jalan Tỉnh lộ 943 mboh hu rilo bein phun mbang boh yau Táo hồng, darun, darang, di xã Định Thành, kruac bung klik hajao di xã Vĩnh Trạch (Thoại Sơn). Ong Thắng pala labaih  40 got kruac bung song bein liu, boh oh ginup pablei ka menuac nao mai .

Rilo mik va salih taneh padai tapa pa dom janih yau: tangei, bimao, hareik rog limo palimek, njam patam, hu dom mik va ngak bein phun mbang boh, pasiam veik bein tạp, brei jien tame rilo song tani tanat. Yau ong Nguyễn Văn Náo di  xã Thoại Giang salih 5 công padai tapa pala 600 got phun me-mbat pablak haong 400 phun darun song njam patama. Hadei di 3 bilan, darun brei boh pablei hu 8.000 đồng/kg. Labaih sa thun hadei, me-mbat paik boh pablei hu yaom meng  30.000 tal 35.000 đồng/kg. Tui nan, saai duah hu labaih 100 triệu/ sa thun.

Kadha  “Urang ngak hamu cong thau” adit ni tal ni likau padeih. Kadha ni kayua rayo sap ndom VN pambuak song pasak pachreih nong pakat negar  ngak./.