Pathau mikva saong taong abih gauk! Du lịch cộng đồng daok lac jalan ngak praong dalam bruk patagok du lịch di ralo puk palei, piah rik daong khik ramik cảnh quan môi trường, khik ramik ilamu di yaok bhum palei. Min, di tỉnh Bà Rịa – Vũng Tàu dom urang ngak du lịch cộng đồng jeng daok ngak tui hatai di drei, oh ka hu siam lagaih. Kadha vak di Lưu Sơn, urang vak di rayo sap ndom VN daok di ban raya HCM brei thau ka bruk ini:   

Mblang hamu Cừu daok di xã Suối Nghệ, huyện Châu Đức, labik hu biak ralo dam dara mai tal dalam tukvak jaik di ini, kayua nyu mekre saong hoang sơ, sa gah lac ceik glaong, sa gah lac dom mblang hamu praong, ngak ka tuai mboh chreih chrai tuk thaot, abih di nyu nan lac dom diuk pasang ranaih thaot likhah. Ayut Lê Xu, tuai  mai meng tỉnh Đồng Nai lac:      

 “Lac menuac nao du lịch drei nao biak ralo labik, drei mboh Đồi Cừu di labik ini biak mekre, bhap bini jeng siam hatai”.

Labik du lịch sinh thái Giếng phun Đá Bạc, daok di xã Đá Bạc, huyện Châu Đức jeng lac sa labik du lịch tamuh tabiak kayua bhap bini buh jien tame ngak. Ong Trần Trung Nghĩa, urang buh jien tame ngak labik du lịch ini brei thau, thun 2015 dalam sa mbang rok bingun mek ia pruh ka phun ong rok njauk mạch ia ngầm pruh tabiak jaik 20m. Tui nan, sang ong padang sa labik du lịch sinh thái praong labaih 13 ha, vir taom dar lac mbon ceik, phun kayau hijao, ngak jeng sa labik biak joa mekre. Tuai damuai mai tal ini meda rivang iek bein phun mbang baoh, tram takai dalam danao ia khoáng, mbang pandap mbang palei pala. Ong Trần Trung Nghĩa lac:

 “Akaok meti urang mai khin thau, min hadei di nan urang mai kayua labik du lịch di drei, urang mboh lagaih hong urang. Labik ini daok tamo, urang mai hong ceik glai hu labik ka urang padeih padai vah ikan”.

 Labik du lịch Bưng Bạc, daok di palei Phước Hữu, xã Long Phước, ban sit Bà Rịa praong labaih 1,7 ha dahlau daih xã viên Hợp tác xã Phước Lập raong ikan, pala phun mbang baoh, njam patam… Mboh lac meda patagok jeng labik du lịch sinh thái, dom xã viên khang hatai salih tapa mô hình hoạt động, saong buh jien tabiak ngak dom hạng mục karei piah taduan tuai damuai yau: nhà hàng, ghe rivang iek hồ sen, dom dịch vụ giải trí yau juak radaih ala ia, vak ikan, saik mbia… Ong Trần Ngọc Cường, Chủ nhiệm Hợp tác xã Phước Lập lac:

 “Bruk caik hatai akaok meti di tuai damuai lac labik mekre, joa kandang. Daok pandap mbang di labik ini mbak carak ilamu di puk palei”.

Tui ong Trịnh Hàng, Giám đốc Sở Du lịch Bà Rịa – Vũng Tàu, jaik abih bruk ngak du lịch cộng đồng dalam tỉnh urak ini jeng lac tamuh eng, oh ka hu pambuak bruk, urang ngak du lịch oh ka tapa bac megru nan ye bruk ngak daok sit sot. Piah rik daong tame bruk patagok du lịch ka puk palei, tukvak anak tal sở du lịch brei pasang iek, duah thau hatai caong di bhap bini piah gam saong karja daong ka urang patagok dom labik du lịch cộng đồng.

 “Ngak jeng labik du ịch pabak ka dom tuai halei nan. Lingiu di nan hu ba bruk ngak ka bhap bini di dom bhum palei, rik daong yaih khan rup binguk bhum taneh, anek menuac tỉnh Bà Rịa - Vũng Tàu.”

Amuk Nguyễn Thị Thương, Giám đốc OSC Việt Nam Travel mboh lac, taphia bruk buh jien tame ngak, pato pasram menuac ngak, dom labik du lịch sinh thái dalam tỉnh Bà Rịa – Vũng Tàu meda pambuak bruk saong dom baoh sang jaik taphia piah peih praong taneh bein phun mbang baoh, parilo janih jang. Langiu di nan, njauk peih quầy pandap lưu niệm saong dom janih baoh kayau hacih duh ka tuai damuai pak labik saong ba mai sang ngak pandap alin ka gauk gar hong ayut sahabat. Amuk Thương lac:         

 “Dom công ty du lịch njauk ngak ka nyu siam piah tuai damuai oh ndom hagait ka janih du lich ini. Caong khin karja daong palagaih, sangka jang ka du lịch công đồng ini”.

Sa bruk biak chreih chrai nan lac tỉnh Bà Rịa – Vũng Tàu daok caga hu dom danak dak pato pakai takik harei piah daong urang ngak gah du lịch hu bac ilamu taom gaok, ndom puac, meng nan ngak brei tuai damuai dalam taneh ia saong dunya mboh pachreih hatai tuk mai tal labik du lịch cộng đồng ini./.