Rilo urang tong yaom : Kayua  đề án pataom abih 3 gah, dalam tuk yaok gah jeng hu  kadha karei di gauk, nan ye ba tal dàn trải. Đề án jeng daok dok trak gah jalan palih ruah, min urang palih ruah ye oh cambaih laih, pandar Nghị định 140/2017 di rajaei ye yau dalam taneh ia, oh hu makna prong  tuk ban raya HCM hu cơ chế đặc thù.

Phó Giáo sư – Tiến sỹ Trần Hoàng Ngân, Giám đốc Học viện urang jakar  ban raya HCM ndom lac  bruk jien padai oh lac bruk praong di abih bo njauk ngak yau habar ka dom urang ilamu khoa học hu  labik ngak bruk, buh pren yava tame. Ong Ngân tong yaom dom sarak jalan ngak urak ni  oh ka lagaih, oh tong yaom njauk bruk cống hiến di dom chuyên gia urang ilamu khoa học. Ong Ngân caong lac bruk palih ruah njauk caik ka cơ sở tabiak bruk daa song chi thu nhập tui bruk di drei. Ban raya njauk ngak dom  đề bài, đề tài cambaih laih piah dom urang ilamu khoa học hu mbaok tame song peih ngak tui jalan khoán tuk  đề tài hu ba tame ngak ye urang ilamu khoa học hu mbang tui thành quả oh lac jien bilan saoh … Phó Giáo sư – Tiến sỹ Trần Hoàng Ngân lac

Khol hulin sahaneng lac dom urang ilamu njauk hu min bruk nan oh lac  taong abih.. Khin lac khin sa môi trường piah ka dom urang ilamu hu ba tabiak jalan ngak, hu buh pren yava tame ngak. Yau nan njauk padang môi trường ka dom urang ilamu  khoa học hu buh pren yava tame, oh njauk lac  ưu tiên dom triệu đồng halei nan)

Dok  Giáo sư – Tiến sỹ Nguyễn Kỳ Phùng, Phó giám  đốc Sở Khoa học – Công nghệ ban raya HCM caong neh karei 2 nyaom  đối tượng chuyên gia, urang ilamu  khoa học  song lao động sáng tạo ranaih umo tabiak song hu tanut cambaih laih jang, brei ngak samu gauk gah sarak, bruk ngak, jien bilan gam song kein laba di bruk ngak:

Oh jeng meyah dalam jabat song gauk bo sa adei bahrau tame ngak hu jien bilan 30 triệu/sa bilan, hu adei jakar , công chức jien bilan meng 3,5 – 4 triệu/sa bilan, meda rah tabiak bruk oh samu gauk, yaom lac adei bahrau tame ngak biak gheih. Hulin caong brei hu bruk samu gauk gah sarak song điều kiện ngak bruk, pambuak saong kein laba di bruk ngak)

Urak ni ban raya bahrau dieu pataom hu  300 – 400 urang dalam abih tih 400 ribau trí thức kiều bào; dom trí thức Việt kiều tuk mai  Việt Nam ralo meng ngak bruk ka doanh nghiệp, patui di nan lac đại học, meda lac oh thei tame jabat khik ramik karja. Kayua yau nan ye, ban raya HCM brei abih hatai lang khan ieu daa, njauk klak nao dom thủ tục hành chính trak damak hu mong yau “gai paku biak huac ala khan lang.. Brei ưu tiên dui pachreih  trí thức Việt kiều meng dom bruk dong brei sang dok, nao mai… dok dalam bruk ngak brei tong yaom ka njauk, ka tantu cambaih laih. Giáo sư – Tiến sỹ Nguyễn Ngọc Giao lac

Jhui neh rabha dom urang ilamu  khoa học dalam negar song Việt kiều. Brei đối xử yau gauk  ngak rilo mbang rilo. Min ngan saong trí thức negar langiu, Việt kiều khol drei hu ưu tiên karei  yau sang dok, bruk nao mai, min bruk  đối xử brei samu gauk

Rilo panuac daok suh sah ka dom tiêu chuẩn, bloh labik ngak bruk yau habar, tuk abih dự án ye urang ngak nao halei, kayua đề án oh palih ruah biên chế. Tui Phó Giáo sư – Tiến sỹ Đặng Văn Phan, Akaok  Hội địa lý ban raya, đề án ni hu mong yau “ăn sẵn” tuk pamong tame dom urang naih gheih, bo oh iek glang raong ba: 

Khol drei ngak hagait piah rong ba urang naih gheih meng sit tal prong, mboh naih ghieh khol drei njauk raong ba. Oh cang tal tuk jeng tiến sỹ, giáo sư khol drei meng paik ye ngak hagaih hu ? khol drei njauk palih ruah tuk dok dalam sang bac, tuk mboh urang halei naih ghieh ye njauk raong ba

Ndom ka bruk ni , Giáo sư – Tiến sỹ Võ Văn Tới, Đại học Quốc tế  di Đại học Quốc gia  ban raya HCM mboh lac  Đại học Quốc gia lac  mỏ nhân tài yau nan ye ban raya njauk hu sarak piah pato pakai meng avar dom urang naih gheih. Ban raya njauk hu  đề án dui pachreih urang naih gheih hu hatai sahaneng patagok ban raya 

Palih ruah dom chuyên gia, urang ilamu khoa học song urang ngak naih gheih mai ngak bruk di dom  sở, ngành, dom khu công nghệ glong hu mong lac jalan jhul patagok piah urang jakar, công chức, viên chức kham merat, paglaong ilamu ngak bruk, ngak jeng labik meriak gauk công bằng, samu gauk,  bình đẳng song ba tal salih bahrau dalam bruk pasang iek, rami ramik ka nyu lagaih bộ máy song kapul urang jakar, công chức, viên chức. Ni jeng lac sa jalan ngak prong dalam bruk cụ thể hóa Nghị quyết 54 ka  cơ chế đặc thù di ban raya HCM./.