Pathau mik va song tong abih gauk: Urang nong  tỉnh Gia Lai dok dalam bialn paik paloi song yaom pablei  glaong di abih dalam rilo thun. Yaom lac pablei hu yaom, min rilo urang nong oh bui sambai kayua paloi  biak takik baoh. Công Bắc, urang vak di rayo sap ndom VN daok di Tây Nguyên hu kadha vak brei thau ka bruk ni  di  huyện Chư Pưh, bhum pala paloi prong di tỉnh Gia Lai.

Sang saai Lê Quang Thanh, dok di palei  Phú An, xã Ia Le, huyện Chư Pưh, tỉnh Gia Lai vụ ni dok paik mek labaih 2 ha paloi, min năng suất trun khang. Saai Thanh (kuhri)  kuhria mboh lac, 2ha ni tok  hu labaih  7 tấn boh, trun tal labaih 80% dut song dom thun dahlau. Kayua yau nan ye, yaom lac  paloi urak ni yaom dok biak glong, min kein liba di boh sang dalam vụ ni oh hu hadom.

 “Thun ni, paloi biak takik baoh nan ye jien mek tame oh samu dom thun dahlau. Makna ba tal paloi takik baoh lac kayua langik oh siam,meng nan tamuh tabiak jit ruak, ngak brei paloi takik baoh.”

          Chư Pưh lac sa dalam dom huyện (prong) pala paloi praong di tỉnh Gia Lai song mblang taneh pala yaok thun  trun tagok meng 600-1000ha. Yaom paloi vụ ni dok biak glong, hu tuk tagok tal  12.000đồng/sa kg, dok urak ni lac 9.000đồng/sa kg, glong jang 2 mbang yaom trung bình di rilo thun song glaong jang 4 mbang thun bloh.

Tui  phòng ngak nong huyện, yaom lac yaom glong kỷ lục, min jien liba di urang pala paloi tagok oh hadom, kayua năng suất vụ ni tok hu labaih 10tấn/ha, trun sa meteh dut song dom thun dahlau. Hu dom boh sang dok khat trak kayua năng suất trun tal  80-90%, chất lượng boh paloi trun biak rilo. Ong Nguyễn Long Khánh, Phó Trưởng phòng ngak nong song patagok palei pala  huyện Chư Pưh, tỉnh Gia Lai brei thau, langik tasik  vụ paloi thun ni oh salih karei hagait khang. Năng suất paloi biar, hu makna lac kayua bruk pala drak di bhap bini oh lagaih

“Thun ni, jeng hu dom tuk vak pandiak dui atah nan ye ảnh hưởng tal bruk tabiak bingu,  thụ phấn. Ka dua,  dom bhum  taneh lagaih pala paloi ye mik va pala yaok thun, nan ye halak jit ruak nyu jeng tagok khang jang, ba tal trun năng suất. Khol hulin hu panuac kakei urang nong parai  tabiak vụ pala dalam thun song brei salih tapa pala phun karei piah paatah jit ruak .”./.