Quận 4  lac quận nội thành, hu taneh prong 4,18km2, dok di gah Merong  ban raya  Hồ Chí Minh, hu 3 gah lac krong ribong  (krong  Sài Gòn, rạch Bến Nghé song Kênh Tẻ). Meng labik lac sa palao klau kieng dok dalam ban raya  .HCM, Quận 4 hu pacang meng 3 gah krong ia. Kênh Bến Nghé gah Tây Bắc mong tapa gah Quận 1, Kênh Tẻ gah merong  jiak Quận 7 song gah  Đông Bắc lac krong  Sài Gòn, pamong nao gah  Khu đô thị bahrau Thủ Thiêm – Quận 2. Tui jalan patagok nao gah  về merong  song pamong tabiak tasik  di ban raya HCM, Quận 4 hu jeng sa binah di pasak ban rayo urak ni, hu patagok cơ sở hạ tầng, abih di nyu nan lac gah pablei salih dịch vụ.

 Nao vil val  Quận 4 harei ni, khol drei mboh hu bruk salih karei di mbaok meta quận 4 tapa rai duik yaok harei. Meyah dahlau deih bhum taneh palao kaoh Khánh Hội kan nao mai ye urak ni hu jalan nao tal dom pasak ban raya song dom  quận dok jiak tapen yau  Quận 1, Quận 5, Quận 7, Quận 8 meng hu dom boh tatua bahrau, hu padang ngak  

Dom baoh tatua Calmette, Ông Lãnh, Nguyễn Văn Cừ  bahrau ngak nao tapa rạch Bến Nghé hu ngak brei mekre jang saong peih praong jang  meta mong meng bhum taneh Quận 4 tapa  Quận 1, Quận 5, Quận 8 dom khu đô thị pasak di ban roya. Pamong nao gah Đông bắc, tatua Khánh Hội tapen Bến Nhà Rồng dok mbeik drei tapa khu vực phường Bến Nghé, phường Bến Thành – Quận 1, caga ba tuai nao rivang iek dom labik pablei salih, khu thương mại, tài chính chreih chrai abih di ban raya meng dahlau mai.

Dom thun jiak di ni, bruk tpaagok jalan mbak nao mai, dalam nan hu 7 boh tatua bahrau song anak tal dok padang ngak rilo tatua bahrau, dok dong ka  quận 4 pambuak hong:- Quận 1 song quận 5: pasak ban raya. Jeng lac pasak  kinh tế, ilamu - xã hội, Pasak  jien padai- Quận 7: Khu đô thị bahrau  Phú Mỹ Hưng - Nam Sài gòn song bruk patagok  ralo dịch vụ bak siam mekre di anak tal.- Quận 2: Khu đô thị bahrau Thủ Thiêm song lac pasak  tài chính anak tal.- Quận 8: sa labik oh padeih salih bahrau song patagok  .

 Bruk pambuak gauk nan nyu daong ka Quận 4 oh daok cô lập yau dahlau daih. Tui nan, nyu daong ka quận 4 hu taom gaok song nao tagok haong bruk patagok di ban raya, palagaih ka  quận 4 patagok kinh tế, abih di nyu nan lac  kinh tế dịch vụ yau ye: cao ốc văn phòng brei pah; jien padai – gilang pariak; Dịch vụ pablei salih; Dịch vụ cảng; Dịch vụ du lịch - khách sạn - nhà hàng – labik main giải trí  song dom bruk ngak meng kan di quận

Angaok dom jalan nan, rilo  chung cư glong, tòa nhà cao ốc văn phòng daok tamuh tagok. Meng dom jak jeng dalam bruk ramik pasiam mbaok meta, ye kinh tế Quận 4 dom thun tapa dok salih bahrau, nao njauk jalan, dalam nan ralo meng lac patagok dom gah  dịch vụ pablei salih; tapa nan, dịch vụ pablei salih dalam  cơ cấu kinh tế quận meblah 70%.

Kadha njauk biai nan lac, bruk jhul pakhang giao thương jang yau dom pasak  jien padai hu quy hoạch rah tui jalan  Hoàng Diệu – Nguyễn Tất Thành. Lac  quận pambuak pasak  Quận 1 song  khu đô thị bahrau di dom quận gah Merong ban raya,  Quận 4 hu labik dang praong  dalam bruk nao mai di angaok jalan mbak, jalan krong ribong. 

 Piah pambuak song  Quận 1, langiu di dom baoh tatua  Ông Lãnh, Calmette, Khánh Hội, Nguyễn Văn Cừ urak ni, tui kuhria dok hu tatua Trần Đình Xu meda hu padang ngak piah patagok  bruk mbuan lagaih gah nao mai angaok jalan mbak. Urak ni, Quận 4 hu mong lac sa binah di pasak ban raya, oh daok lac “jiak pasak quận 1” yau dahlau daih. Daok atah pasak jien padai quận 1 dom minite  tapa tatua  Calmette atau tatua Ông Lãnh, sa pambah mbang ba tame khu đô thị Nam Sài Gòn tapa tatua  Kênh Tẻ atau Tân Thuận, samar nao tal quận 5 tapa tauta Nguyễn Văn Cừ, atau abih dom minite tal hầm Thủ Thiêm piah tapa jalan roya  Mai Chí Thọ, quận 2.

Jeng tui quy hoạch, dom boh tatua Thủ Thiêm 3, tatua Nguyễn Khoái, tatua Long Kiểng hu ngak tapa Kênh Tẻ song krong  Sài Gòn, gam saong dom boh tatua Tân Thuận, tatua Kênh Tẻ di urak ni. Pambuak haong dom jalan tàu điện (metro), Quận 4 jeng lac sa labik di jalan  metro ka  4 (Thạnh Xuân, Q.12 – Nguyễn Văn Linh, Q.7) ngan song  jalan prong tal  50m.  Oh lac patagok gah kinh tế song jalan mbak, Quận 4 anak tal dok lac sa  “hala phổi hajao” di ban raya, ndung bak ilamu  phương Nam tuk hu biak rilo  mblang bein daok hu ramik pasiam song quy hoạch tapen dom krong ribong dok hajao yaok harei .Dom labik mblang bein praong yau: Cù Lao Nguyễn Kiệu prong 2,7 ha, mblang bein Hồ Khánh Hội prong  17,6 ha, mblang bein tapen krong  Bến Nghé, Kênh Tẻ,…daok ngak ka  Quận 4 dak harei dak patagok siam mekre , khang kajap, ba drei tame sa ban raya dok salih bahrau mbaok meta yaok harei./.