Ong Kim Cơ, umo 64 thun, dok di  palei Cổ Tháp B, xã Nguyệt Hóa, huyện Châu Thành, tỉnh Trà Vinh, ba taneh ngak padai takik kein liba tapa pala phun karei, tuk camereip hu ba mai kein liba kinh tế glong jang. Ngọc Tươi, urang vak di rayo sap ndom Việt Nam hu kadha vak ka kreih camin ni:

Urang ngak nong  angan Kim Cơ brei thau: Tuk bahrau tok duik, tabiak dok karei, ong hu 12 công taneh  hamu. ngak padai kein liba oh hu hadom, ong khang hatai pok ro 8  công taneh piah pala li-u . Dom thun hadei, li-u hu boh. Jien duah hu meng li-u, ong pandar cai dalam sang song rong 4 urang anek mbang bac. Dok labaih veik hadom ong patak patom blei 7 công taneh hamu.

Kayua ngak padai oh njauk, ong brei pah taneh ka urang pala lác, min kein liba oh rilo nan ye urang pah bayar taneh veik, ong oh thau ngak hagait, klak taneh saoh dom thun saong diukrai pagam pambak tame bein li-u.

Lac urang dang akaok dhar kapul urang nong palei  Cổ Tháp B, bo dok klak saoh kayua ngak padai oh kein, nan lac bruk daok ngak ka ong Kim Cơ mboh suh sah dalam hatai. Thun bloh, ong Kim Cơ ba 7 công taneh ngak padai tapa pala kruac bung klik hajao. Min, kruac bung klik hajao meng 3-4 thun meng hu boh pablei.  Ong pala pablak patei song lahong dalam bein kruac bung klik hajao. Jien mek tame meng patei song lahong hu jiak  400 ribau đồng yaok harei. Min, suai lavik jeng lac phun kruac bung klik hajao.

Ong Kim Cơ chreih chai khan lac: "Hu mik va anit ranam brei dang akaok dhar kapul urang ngak nong palei, nan ye tuk vak tapa, palagaih ka hulin hu bac megru, thau hu rilo ilamu, meng nan hulin salih meng bruk ngak padai tapa ngak bein liu, bein kruac bung klik hajao. Urak ni, hulin daok pala patei song lahong pablah dalam bein. Tal urak ni kinh tế boh sang hulin biak siam ". 

Amuk Sơn Thị An, duik di ong Kim Cơ daok brei thau lac: Sang dok hu pala labaih 300 geing hala, yaok bilan duah hu labaih 3 triệu đồng. Yau nan, tong abih jien duah hu meng li-u, patei, lahong song hala ba mai ka ong  Kim Cơ yaok bilan labaih 20 triệu đồng./.