Pathau mik va song tong abih!

Kayua hu rilo krong ribong, tỉnh Long An urak ni hu tal  334 boh tatua. Dalam nan hu 45 boh tatua  (kuhria gam 2 boh tatua tual) gheng pasei, mbaok kayau, pandar labaih 40 thun, daok khut trak. Bruk nao mai tapa dom boh tatua ni lac bruk dut hatai di urang dalam palei.Tỉnh Long An hu ba dom boh tatua ni tame angan tatua njauk ngak  bahrau, min anak meta oh ka ngak hu  kayua kurang jien. Kadha vak di Vinh Quang, urang vak di rayo sap ndom VN dok di ban raya Hồ Chí Minh brei thau ka bruk nan: 

      Bahrau ni, sa urang amaik ranaih umo pajeng tui  anek umo 4 thun peih radeih mac tapa tatua Chồi Mồi di xã Vĩnh Thuận, huyện Vĩnh Hưng, tỉnh Long An njauk jaleih radeih ngak ka anek laik trun krong metai. Makana lac kayua mbaok tatua ni hu ngak meng kayau xuống cấp, dane, biak kan peih radeih mac nao mai  tuk langik hajan. Dahlau di nan, bilan 5/2017, tatua Tấn Đức di tỉnh lộ 833B, dalam xã Lạc Tấn, huyện Tân Trụ jeng jaleih tuk sa sruh  radeih pajeng padai nao tapa... Bruk rilo menuac nao mai di dom tatua pasei, mbaok kayau dane mbuan jaleih atau radeih tải pajeng padai nao tapa ngak ka tatua khut atau jaleih lac bruk bhian mboh di dom labik dok hu dom boh tatua klauk, khut. Amuk Võ Thị Bé, sa urang dok di  huyện Tân Trụ dut hatai lac: 

( Dom mbaik tatua pasei ni, hu rilo menuac labuh ye, hulin jeng labuh dom mbang. Harei nan lin labuh sakuah mbaok saong jaoh tangin gah hanuak njauk padeih ngak bruk dom bilan. Urang likei peih radeih jeng labuh ndom hagait tal kamei atau anek saih, rilo urang tapa tatua pasei dane labuh miet. Rilo menuac labuh lo, biak nguy hiểm.).

Dom mbaik tatua yau nan rilo meng dok di dom xã bhum atah bayah, bhum Đồng Tháp Mười.  Di dom  huyện Tân Trụ, Đức Huệ, yaok labik jeng hu tal 6 mbaik tatua  pasei klak, mbaok kayau nguy hiểm, mbuan gaok bala tuk nao mai. Dom  huyện, thị dok veik dalam tỉnh Long An jeng dok hu meng 3 tal 4 mbaik tatua khut yau nan. Kayua radaih pajeng trak nao mai rilo, nan ye dom mbaik tatua ni jaleih tuk halei oh thau yaom lac hu rilo mbang pasiam veik . Ong  Trần Văn Năm, sa urang dok jiak tatua Long Khốt, xã Vĩnh Bình, huyện Vĩnh Hưng duh hatai lac: 

         (Yaom lac urak ni daok nao mai hu min hajan dane lo, tatua oh khang, nao mai nyu megei labuh gam. Harei deih mbaik tatua di Tân Hiệp hu sa anai gru labuh, anai duh hatai lô hu khan brei thau angaok mạng xã hội, piah karja caik hatai sangka, tatua megei lô, mik va biak duh hatai.

        Tong abih dom tatua pasei, mbaok kayau bhian hu tải trọng meng 5 tal 8 tấn, dalam tuk dom jalan hu janih tatua ni hu tuh menyek, hu tải trọng glong jang rilo. Meng nan ba tal bruk, radeih peih di jalan ye bình thường min tal tatua jeng quá tải. Ndom tal bruk ni, Tiến sỹ Võ Kim Cương – urang roh duah đô thị, lac: 

        (Dom mbaik tatua ni meda khut , jaoh. Meyah tatua khut ngak ka menuac, ka radaih laik trun krong ye ni lac bruk  an toàn công trình. Bruk camereip, hulin sahaneng lac brei mong iek veik urang halei hu trách nhiệm khik iek dom tatua ni, karja njauk pasang iek veik piah khik siam mekre salamat ka bhap bini)

Ndom biai ka bruk ni,  Ong Nguyễn Văn Học, Giám đốc Sở Giao thông - Vận tải tỉnh Long An brei thau: Piah ngak tatua bê tông salih ka dom mbaik tatua pasei, kayau, yaok mbaik abih labaih 25 tỷ đồng. Yau nan, 11 mbaik tatua di 2 jalan 831 song  831C  di  2 huyện Tân Hưng, Vĩnh Hưng, tỉnh brei hu takik abih labaih 450 tỷ đồng. Tui kuhria  thun 2018 meda pandar kadung jien karja tỉnh  labaih 60 tỷ đồng piah ngak dahlau 2 tatua Long Khốt song Thái Bình Trung dok khut trak mbuan jaleih. Meng ni tal thun 2020, meda ngak salah 11 mbaik tatua di jalan 831 song 5 tatua karei di jalan 89 meng meda patui ngak.

(Langiu nan di tỉnh hu peih bruk padang ngak bahrau salih ka dom mbaik tatua pasei hu tải trọng 8 tấn yau tatua Tấn Đức bahrau jaleih di jalan 833B song tatua  Hoa Làn di jalan 838B, tui kuhria hu ba tame pandar dalam bilan 9/2017. Lingiu di nan daok brei ramik pasiam, pakhang veik 5 mbaik tatua tra di jalan 837B.) 

        Piah salih tong abih  45 mbaik tatua pasei ni ngan saong tỉnh Long An lac bruk oh mbuan, abih di nyu nan lac gah phun jien. Tui bruk yau urak ni, tal thun 2020, tỉnh meda salih hu labaih 1/3 dom mbaik tatua nan. Langiu di bruk pandar jien di tỉnh, Long An  hu pok đề án song hu panuac likau mintri  Kế hoạch - Đầu tư song  Mintri jien padai pasang iek dong brei phun jien, min tal urak ni jeng oh ka taduan hu panuac  javap jaleih ./.