# Ong Võ Hồng Chiến lac urang nong akaok meti pala thanh long tui tanut Global GAP di xã Hàm Liêm, huyện Hàm Thuận Bắc. Labaih 30 thun kak kajap haong bruk pala thanh long, ong Chiến mboh yaom thanh long oh tani tanat meyah pagam pambak tame sa darak, njauk  salih birau jalan ngak mbang. Meng ilamu di drei, ong Chien khang hatai buh jien tame ngak bein thanh long tui tieu chuần GlobalGAP. Ong Chiến lac:

“Tukvak jaik ini gah Trung Quốc blei kateik yaom, ngak ka yaom kaom oh tani tanat.  Nan ye drei ngak thanh long GlobalGAP piah palei tapa darak negar Chau Au saong dom darak kan tame hui yau Mỹ, piah paglaong yaom di baoh thanh long jang, saong yaom kaom hu tani tanat jang.”

4.000 got thanh long pala di taneh praong 45 hecta hu palA tui jalan birau, parabha jeng lô hu taong số, piah mbuan tui iek. Yaok bruk ngak jeng hu vak tame tapuk tani tanat piah thau meng halei mai tuk gaok kan kandah. Meng ngak tui jalan di Gah Ngak Nong siam di dunya iew lac GlobalGAP, thanh long di ong Chiến oh daok labaih jru khik caga phun pala hadei di tuk paik baoh. Yaok thun bein thanh long ong hu labaih 120 tấn baoh, saong meng hu chứng chỉ GlobalGAP, jeng hu pablei tapa Prang, Hà Lan, jaik di ini hu pablei tapa Mỹ ngan saong yaom tani tanat meng 25.000 – 30.000 đồng sa kilogram.

Di xã Hàm Cường, huyện Hàm Thuận Nam, sa-ai Nguyễn Quốc Nguyên Vũ daok buh jien tame pala thanh long chuẩn GlobalGAP di Trang trại Phúc An. 20 thun randap pala thanh long tui jalan klak, tuk salih tapa jalan pala birau, brei ngak catang,sa-ai Nguyễn Quốc Nguyên Vũ mboh biak having akaok. Livik livik harei, tapa dom tal pasram saong tacei pato di dom chuyên gia kaya nong hacih sa-at, sa-ai saong dom urang ngak harei ini thau abih dom bruk ngak, quy trình iek glang tui tanut chuẩn dunya. Labaih 25 hecta thanh long ralo mbong hu paik baoh bloh, trang trại daok pala gac 20 hecta  thanh long ralo tím hồng ti tanut chuan GlobalGAP. Sa-ai Vũ po trang trại thanh long Phúc An brei thau:

 “ Urak ini drei hu pablei tapa dom darak prao)ng sit di dunya ye. Rilo meng lac Đài Loan , Trung Quốc, Hàn Quốc, New Z ealand, Canada saong birau ini hu pablei sa kong thanh long ralo bhong saong sa kong ralo mbong tame darak negar Uc.”

Tui dom urang pala thanh long GlobalGAP, phun jien buh tame pala thanh long GLOBALGAP glaong jang meng 20% tal 30%. Jalan pala saong iek glang jeng glaih glan jang kayau takik pandar jru khik caga phun pala. Min tuk hu baoh thanh long siam ye oh huac kaurang labik pablei.

Daok gah lakuk ceik Tà Zôn, Trang trại Gia Thành, huyện Hàm Thuận Bắc urak ini hu rilo gah mai pambuak bruk blei. Jaik pluh tỷ đồng hu sa-ai Đỗ Khắc Đông Nghi buh tame ini. Dom danao padang ia, jalan pruh ia tự động, sang caik pandap ngak nông, daning pacang ruak meng gah langiu tame…hu padang ngak biak siam. Dom urang ngak saong po trang trại bhian ba tame dom ilamu birau, ngak njauk jlan tui iek. Meng nan, dua thun tapa, thanh long brei baoh praong siam. Bein thanh long ini taduan hu rilo urang Châu Âu mai pambuak bruk blei baoh thanh long.

Sa-ai Đỗ Khắc Đông Nghi, po trang trại Gia Thành brei thau, urak ini 5 hecta thanh long di sang oh ginup pablei. Hu labaik pablei saong yaom kaom tani tana, sang sa-ai mboh sahanang hatai tui jalan pala baoh kayau hacih sa-at:

“salaih tapa jalnpal hacih sa-at tui tanut chuan GLOBAL GAP. Camereip jien buh tame ngak oh lac takik, min tuk hu dom urang negar langiu jian urang mai duah blei, ngak hu yau nan, harei ini drei oh daok huac bruk buh jien tame tra.”

Tui Sở Ngak nong saong Patagok palei pala Bình Thuận, dalam tỉnh hu labaih 250 hecta thanh long pala tui tanut chuẩn Global GAP. Meyah duk saong 27.000 hecta thanh long uraik in di tỉnh ye taneh pala thanh long tui tanut chuẩn Global GAP oh ka hu rilo. Ngan saong dom urang nong ba akaok nao dahlau dalam bruk pala thanh long tui tanut chuẩn Global GAP, ini lac jalan ngak mbang birau meda ba mai rilo kein laba dalam thun 2018 ini, nan jeng lac jalan nao di gah ngak nong khang kajap. Tuk paglaong hu chất lượng,  baoh thanh long Binh Thuan meng hu jalan nao grauk labik di dunya./.