Lac anek naih kumei gheih rilo bruk song sami samar dalam bruk  Đoàn, Đội di ban raya HCM, meng sit angan Hướng Dương hu jeng bhian randap ngan song rilo menuac. Min bruk ngak ka urang hadar tal rilo di abih nan lac hatai kham merat yam tapa kan kandah dalam raidiuk saong abih hatai daong ka urang karei. Thun umo 25, sa bala angaok jalan ngak ka saai lihik 2 gah takai. Tuk nan thei jeng sahneng lac, sa-ai kan yam tapa hu kan kandah, glaih glar. Duik rai abih drei, ba abih hatai ranam ka dom urang jaoh jo dreih yau drei song hu mbaok tame biak rilo bruk ngak pahla, urang kamei angan Nguyễn Hướng Dương hu padang sa rai duik karei ka drei saong ka  rilo urang karei. Muk Nguyễn Thế Thanh, dahlau deih ngak Phó Giám đốc Sở ilamu  – Thông tin, urak ni lac  Sở ilamu  - Thể thao ban raya HCM hadar veik:

        “Hadei di tuk njauk bala prong, hulin sahaneng lac kamuan oh meda jeng sa urang ngak bruk xã hội siam, hu pren pambak prong yau nan. Min meng rai duik di drei, Hướng Dươnghu jeng sa kreih camin pachreih ba ka rilo uranaih jaoh jo tuk dom adei caga yam tame rai duik.

       Ndom tal Nguyễn Hướng Dương, urang sahaneng chip tal gilang tapuk menyai brei ka urang sup meta kayua saai padang tabiak. Lac giám đốc, saai nao grauk labik jak ba, khik ramik  dom bruk ngak saong pabak ilamu ka rilo urang sup meta dalam jiak 20 thun tapa, meng sap puac bingi pang di drei. Dom baoh tapuk gheih, dom dalikan hu makna, dom asar kadha hu yaom meng rai duik hu saai payua tal rilo urang sup meta tapa gilang tapuk nenyai. Muk  Phạm Phương Thảo, urang dahlau  deih ngak  Chủ tịch Hội đồng bhap bini ban raya HCM, dahlau deih ngak Bí thư Thành Đoàn ban raya HCM drut droi tuk ndom ka dom rik dong di Giám đốc gilang tapuk nenyai brei ka urang sup meta:

        “Meng sa gilang taupk oh ka hu tapuk, oh ka hu labik ngak bruk , oh ka gheih bruk ngak, Hướng Dương hu buh pren piah ngak jeng sa gilang tapuk menyai yau harei ni. Hulin sahneng lac  Hướng Dương tabiak nao dalam bui sambai hadei di dom hagait dok piah veik ka rai duik ni”.

        Rilo thun tapa, sap puac di saai Nguyễn Hướng Dương gam song dom danak dak pato pakai  kỹ năng di gilang tapuk menyai  hu pabak ilamu, hatai jia piah dak harei dak hu rilo urang sup meta tự chủ jang dalam rai duik di drei. Tuk camereip, urang duah tal labik ni kayua khin thau ka urang kamei hu hatai khang dalam raidiuk angan  Hướng Dương. Bloh meng bruk tacei pato, dong brei saong dom danak dak pok jien bac di saai bo dak harei dak hu rilo urang sup meta khang hatai yam tame rai duik. Ong Lê Tấn Tùng, sa urang dok di  quận Tân Phú brei thau, jiak 20 thun ni mai, Gilang tapuk menyai di saai Hướng Dương hu jeng sa labik bhian randap di ong song rilo urang sup meta karei. Urang halei khin tapuk ye mai nyim, urang hlaei kan kandah hu dong jamriak pang đĩa atau alin brei gai jre nao jalan. Urang halei khin bac vi tính atau janih hagait karei hu bac saoh di gilang tapuk ni. Yau nan ye. ong Tùng song ayut sahabah thau dar phol saai biak rilo:

 “Abih rai dok veik, saai  Hướng Dương kuhria ka adei saai sup meta rilo lo. Khol hulin  hu saai bo hu tapuk puac, hu dalikan pang, hu bac vi tính piah thau rilko janih song ba drei tame xã hội.”.

       Iek praong, iek glaong jalan diukrai saong bruk  “brei nao” di urang kamei oh patuah dalam rai duik, meng livik mai, nghệ sĩ Kim Cương hu mong iek saai  Nguyễn Hướng Dương lac sa urang gauk gar. Ngak bruk song gauk di Kapul dong urang jaoh jo  song uranaih metui medar  ban raya HCM rilo thun gam, nghệ sĩ Kim Cương dak mboh anit ranam urang kamei hu hatai biak siam ni. Harei mehit   Hướng Dương palang lahik, nghệ sĩ Kim Cương haiy. Muk biak damen kayua urak ni, rilo urang jaoh jo lihik nao sa urang ayut abih hatai nao gam song drei.. Nghệ sĩ Kim Cương drut drui lac:

       Hướng Dương palang lahik avar lô. Ni lac sa bruk khat lihik di rilo urang dok veik, abih di nyu nan lac dom adei jaoh jo dok khin hu sap ndom menyai song hatung hatai di  Hướng Dương. Njauk lac, bruk pandik harao ini biak praong”.

         Ia meta di rilo urang tanyaoh trun tuk ndom tal Nguyễn Hướng Dương dalam dom harei puac bilan 4 ni.  Saai nao kandang kandaih yau jalan kandang kandaih bo sa-ai ngak mekre ka rai duik luac dom pluh thun tapa. Dalam tang lễ,  urang alin brei saai dom bingu  hướng dương that mekre, yau angan di saai song pren khang duik rai di urang kamei abih drei ka urang karei. Likau la  Nguyễn Hướng Dương, bingu mekre miat miat ba pahe ka rai duik  ./.