Pathau mik va song tong abih gauk!

Tỉnh Kon Tum hu 6.000 uranaih hu rai duik biak kan kandah song labaih  31.000 uranai h karei lac anek kamuan dom boh sang kan kathaot. Yam tapa thar vak, hu oh takik adei dalam dom adei ni kham merat yam tagok jeng anek gheih, saih joi. Nao gam song dom adei kurang payuah jamo ini dok hu dom ayut sit rilo thun gam joa kandang dong ka ayut dang kajap angaok dua gah takai atau rup pabhap joh jo, hu bruk dong ba di tong bih menuac sia. Urang vak Khoa Điềm, dok di bhum  Tây Nguyên hu kadha vak “Dom bingu sit dalan bein bingu bruk siam di Kon Tum”.

Iek tame bảng thành tích bac da-a naih joi di  adei  Y Huê, bangsa  Giẻ- Triêng, anek saih tal  5K1, sang bac Tiểu học Quang Trung, ban sit  Kon Tum takik urang sahaneng lac adei hu rai duik biak kan kandah. Metui amaik ame meng sit, Y Huê mai dok di Pasak daong ba song ngak bruk  xã hội tỉnh Kon Tum. Rai diuk kurang ralo janih min  adei kumei sit ni kham merat yam tapa. Y Huê brei thau, piah 5 thun  gam mek hu angan anek saih naih joi, adei tuk halei jeng kham merat piah hu yau hatai khin:

 “Drei kham bac joi kayua drei lac urang oh patuah jamo yau dom ayut karei . Drei lac urang metui medar, drei kham yam tapa dom kan kandah, Di sang mek harak tapuk bac ka nyu kanal. Tuk halei bac, ayut jak nao main adei oh nao. Adei kham bac joi piah pabak hatai caong di dom anai brei ka adei hu mai ni. Adei cong hu jeng  bác sĩ piah dong ka menuac sia”.

Di sang bac Tiểu học Phan Chu Trinh, ban sit  Kon Tum, thei jeng thau 2 adei Lê Thùy Trang song  Đặng Trà My anek saih tal  5C. Kayua gaok tai biến tuk ndih tapui tabiak, Trà My oh nao mai hu yau dom ayut karei. Oh lac nao mai kan kandah , 2 gah tangin di adei jeng oh megei hu tui hatai khin. Anit ayut, 5 thun gam Lê Thùy Trang halan hatian likau anai gru hu dok la jiak piah iek glang song dong ka ayut. Tuk ra chơi, dalam tuk dom auyt dok main sambai di langiu mblang bein, ye Thùy Trang dok veik haong auyt piah hu menuac main 

 “Piah dong auyt yam tapa kan kandah dalam bac daa, anek tanyak cặp dong ayut nao bac, juak dep dong ayut, mek tapuk siphau brei ka auyt song dong auyt cih bài tuk auyt labuh ruak. Ayut njauk joh jo, yau nan ye auyt oh ngak hu dom bruk daih. Sang ayut kan kandah lo, nan ye anek kham dong ayut”.

Hu ayut pachreih ba, daong brei, 5 thun gam bruk bac da-a di Đặng Trà My hu meng khá tagok. Mboh yau nan, saai Lê Thị Dung, amaik di Đặng Trà My, lac:

 “Biak thau dar phol ayut  Trang dalam tal bac hu dong ka kamuan biak rilo . Ayut dok dalam nyaom blaoh dong dalam bruk bac daa dom thun bac meng bloh. Dahlak caong anek tagok tal 6 jeng hu gaok dom ayut yau nan, piah dong ka kamuan bac daa hu siam jang”.

Bahrau ni, dom bingu sit dalam bein bingu ngak bruk siam di  Kon Tum hu tom gauk di Nyaom biai pok meyaom uranaih naih gheih pakat tỉnh kayua Hội Bảo trợ Urang jaoh jo song uranaih metui medar di tinh peih ngak.  50 uranaih metui medar, 50 uranaih jaih jo yam tapa thar vak, bac da-a naih gheih song  50 uranaih kham merat dong ka uranaih hu rai duik kan kandah  di tỉnh hu pok meyaom.

Dom bruk siam yau dalikan di dom adei ngak ka urang mboh drut droi, yau adei Y Bích song  Y Vưn, anek saih tal  10C8, sang bac  THPT Trường Chinh, ban sit  Kon Tum 10 thun gam ba ayut  Y Julie njauk khuyết tật bẩm sinh, oh hu tangin, vẹo cột sống song njauk ruak boh hatai  tal sang bac; adei  Y Bông, bangsa  Sê đăng, anek saih tal  8A, sang bac  THCS bán trú  xã Đăk Rơ Nga, huyện Đăk Tô metui amaik ame gam bac joi gam kham merat ngak bruk piah rong rup drei, rong adei  … Amuk  Vũ Thị Minh Huệ, Akaok  Hội Bảo trợ Urang jaoh jo song uranaih metui medar tỉnh Kon Tum, lac

 “Khol hulin biak drut droi song biak iek prong dom kamuan sit . Dalam tuk yu nan bo dom kamuan jaoh jo, uranaih metui medar yam tagok hu yau nan lac sa kreih camin hadah  ka  xã hội”.

Piah  Kon Tum hu dom baoh bingu mekre dalam bein bingu bruk siam, jeng njauk ndom tal bruk sangka, iek glang di dom pakat, dom gah, dom kapul nyaom dalam tỉnh, dom urang ngak pahla dok dalam song langiu tỉnh. Dalam 4 thun tapa , labaih  14.700 mbang uranaih jaoh jo, uranaih metui medar, uranaih kn kathaot dalam tỉnh hu tangi rivang, dong jien, pandap panda yaom labaih 16 tỷ 700 triệu đồng; jiak  500 uranaih jaoh jo hu brei radeih lăn, radeih juak ; yaok rituh uranaih song sang di dom adei hu jao pok jien bac, pasiam sang dok, jalan ngak mbang duah jien. Ni lac bruk pachreih ba piah ka dom adei hu hatai jia jang tame rup drei yam tapa thar vak patagok bruk bac daa song rai duik jeng dom baoh bingu mekre dalam bein bingu bruk siam./.