Pathau mik va uranam:

Meteh thun dahlau di tuk bruk Cách mạng bilan 10 Nga patuh tabiak song jak jeng, Lê-nin meng labik dok lưu vong lac  Thụy Sĩ mai veik Nga. Meyah Oh hu bruk mai veik ni di Lê-nin ye oh hu “ 10 harei tatuan megei dunya” atah di ni 1 abap. Song meyah oh hu cục diện chính trị song quân sự dunya tuk nan, abih di nyu nan lac di châu Âu, ye Lê-nin oh meda salamad mai veik negar Nga. Thun ni pahadar 100 thun Cách mạng bilan 10 Nga. Kadha vak hadei ni di Sa Thảo angaok Tuần báo sap ndom  Việt Nam ndom ka  “Bruk mai veik Nga di  Lê-nin thun  1917 piah pang akaok ba jalan  Cách mạng bilan 10”:

Hadei di bruk mesruh metak dunya mbang ka sa patuh tabiak, rilo urang ngak bruk  chính trị song  xã hội di Nga njauk tabiak negar langiu piah nyaih bruk njauk pametai. Dom Urang nan pataom gauk biak rilo di Thụy Sĩ  kayua negar ni trung lập. Lê-nin song haduik jeng hu nao tal Thụy Sĩ, tuk camereip daok di Berne, hadei di nan salih mai Zurich. Di Zurich, dom urang ngak bruk chính trị song  xã hội Nga hu padang uỷ ban trung ương ka bruk hồi hương dom urang Nga lưu vong di Thụy Sĩ.Urang ngak bruk xã hội Thụy Sĩ Robert Grimm hu jao bruk taom gaok song karja Thụy Sĩ  song Đức, piah hu gah Đức brei adat quá cảnh di negar ni mai veik Nga .

Thụy Sĩ trung lập dalam BRUK mesruh metak nan ye hu rilo urang mai  lánh nạn chính trị atau piah urang hồi hương oh hu bruk hagait. Bruk njauk biai nan lac negar Đức. Tuk nan, negar Đức oh thau lac janeh atau lah dalam bruk  mesruh. Bruk nao veik negar drei di urang  Nga nduac tabiak   negar langiu, piah nyaih bruk  truy sát chính trị di karja di Nga dalam hatai sahaneng di karja Đức  meda ngak ka bruk di negar Nga srau kadau. Meng hatai sahaneng yau nan, karja Đức njauk hatai piah Lê-nin song duik song dom đồng chí di drei quá cảnh tapa negar Đức  mai veik Nga. 
    Harei 9/4/1917, Lên-in song duik song dom cộng sự tagok radeih pui song tabiak truh nhà ga Zurich. Tal jalan tapen negar di  Thụy Sĩ song  Đức, kapul salih tapa radeih pui karei hu gah Đức ramik caga bloh nao tapa negar Đức mai gah brak. Harei  11/4, tong abih kapul tal  Sassnitz di angaok palao Ruegen di Đức.

Mesup harei 12/4, kapul di  Lê-nin trun kapan tabiak truh negar Đức tal Thuỵ Điển. Kapan pataok di pambah lamnge Trelleborg. Di labik ni, Lê-nin song kapul hu dom urang đồng chí di Thụy Điển abih hatai taduan raok song ba tal ban ine Stockholm. Lê-nin song kapul padeih veik di labik ni hu lavik  harei jang. Thuỵ Điển trung lập dalam bruk mesruh metak yau Thụy Sĩ nan ye oh kan kandah hagait ka Lê-nin. Stockholm  jeng lac sa labik duy nhất hu dom blah thaot binguk dok khik veik mbiah tal ni ka bruk hồi hương ngak jeng dak rai sajarah ni di Lê-nin. Meng ban ine Thụy Điển, Lê-nin song kapul mai gah brak tal jalan tapen negar Thụy Điển song  Nga. Meng nan, Lê-nin song kapul nao tal Petrograd.

Labaih 23tuk melam, harei 16/4/1917, Lê-nin  song kapul tal nhà ga radeih pui pasak di ban ine Petrograd. Lê-nin song kapul hu đảng viên Đảng Bolshevik song bhap bini bui sambai taduan raok biak rilo. Dàn nhạc main lagu Quốc tế ca. Bhap bini song urang lin xếp hàng dang di 2 gah jalan. Lê-nin trun kapan, tabiak gah langiu song dang di angaok radeih bọc thép hu asar kadha  pathau khan akaok meti anak rilo bhap bini. Pak di harei hadei, anak Xô viết di ban ine Petrograd, Lê-nin tuyên cáo Luận cương Bilan 4 dane angan ngan song dom asar kadha prong lac ieu pajaleih rajaei lâm thời, padeih mesruh metak song padang nhà nước Xô viết. Bruk cách mạng Nga hu salih tapa tuk vak.

Sa abap tapa bloh kuhria meng bruk mai veik negar Nga nan di Lê-nin. Harei ni di anak nhà ga porong di ban ni hu rup patau Lê-nin piah Sarak tame sajarah dak rai bruk meng kan nan. Nhà ga njauk palai pajoa abih dalam mesruh metak dunya mbang ka 2. Tuk padang ngak veik, dom kiến trúc sư hu thiết kế peih 17 cửa sổ piah mong tabiak rup patau.

Dom hagait hu rah tabiak di negar Nga song di dunya, hadei di tuk Lenin  mai veik Nga oh cang ndom veik. Min oh ndom karei hu lac, oh hu Lê-nin ye oh hu Cách mạng bilan 10 thun 1917. Dom  bruk saong dom uẩn khúc chính trị  pambuak tal bruk mai veik negar Nga dahlau deih di  Lê-nin brei mboh thế sự song  thời cuộc tuk nan di  Nga, di  châu Âu song di dunya. Meng thiên tài trí tuệ song bruk ba jalan pang akaok di drei, Lê-nin pataom hu ginup dom nhân tố quyết định di abih piah ngak jeng sajarah dak rai lac njauk urang, njauk tuk song njauk labik./.