Yaok thun, di  bhum taneran krong CL yaom lac gah  ngành chức năng hu rilo cảnh báo piah patrun patakik bala ka uranaih, min bruk uranaih tame sang iek ruak cấp cứu kayua dom bala tuk me-in sambai jeng daok mboh hu ralo. Abih di nyu nan lac, dalam tuk padeih  hè, uranaih gaok rilo jang dom bala yau ye: labuh, pandung, radeih phaoh gauk, palung ia. Bruk njauk biai nan lac, lingiu di bruk mbuan metai lihik, bala daok ngak ka uraniah njauk jaoh jo oh daok nao bac da-a, me-in sambai hu, tapa nan jeng naong trak ka amaik ame saong ka xã hội. Kadha vak di  Thanh Tú – urang vak di rayo sap ndom  VN, dok di bhum taneran krong  CL, hu ndom tal bruk ni 

Saai  Nguyễn Thị Tuyết Phương, amaik di adei  Nguyễn Văn Cần, umo 5  thun daok di quận Thốt Nốt, ban sit Cần Thơ, dok ndih iek ruak di balik  ruak  chấn thương, Khoa ngoại Tổng Hợp sang iek ruak Nhi Đồng Cần Thơ, brei thau: Dalam tuk pambah mbang bahrau peih tabiak adei nduac tabiak jalan ginuh tame sruh radeih mac dok peih langiu jalan ngak ka adei jaoh talang takai hanuat IEU. Menuac dalam sang samar ba adei tame sang iek ruak  tuyến quận cấp cứu bloh hadei di nan ba tagok sang iek ruak  Nhi đồng Cần Thơ :

 “Jeng kayua sơ ý; peih pambah mbang tabiak ye adei nduac tapak tabiak jalan, radeih dok peih tal. Tuk bahrau tame ni urang ngak xét nghiệm, klauk jru, siêu âm bloh bó bột song brei jru menyum. BS lac takai jaoh 2 khúc; talang prong song talang sit ; nyu pandik lo, haiy lô lô. Tuk camereip jeng pajeng nyu duah labik ni labik deih, labik halei bo ngak ka nyu samar thit.”

Daok anek kamei di saai  Thái Thị Kim Dư, daok di palei Phú Lợi, xã Phú Thành, huyện Trà Ôn, tỉnh Vĩnh Long, jeng dreih yau nan. Saai Kim Dư khan lac: Tuk abih gauk dalam sang dok mbang menyum, anek nyu nduac me-in bloh nyu hanaik takai labuh, tangin nyu jan tame gaok lẩu daok mbang jiak bloh. Tuk nan,  samar pajeng anek nao labik iek ruak tư nhân jiak sang, min tal mesup harei hadei, labik pandung nyu brah tagok. Duik pasang saai klak abih bruk ngak mbang piah ba anek tal sang iek ruak  Nhi đồng Cần Thơ iek ruak

     “Sang bahrau ngak bloh dok jar var lo, bloh payah mikva adei sa-ai, mbang jiak bloh daok labaih meteh panyim ia  lẩu min. Tuk camereip mbang hu dom mikva dok taom dar pacang veik oh brei nyu nao jaik gaok lẩu. Min nyu nduac labuh, nyu dane tame meng jan tangin tame nan. Bloh mesup mboh pandung tagok ye ba adei mai ni. Tal ni , bác sĩ rao jru bloh cakak labik pandung  brei nyu sre ia tabiak.”
Meng akaok thun tal ni, uranaih mai khám song tame sang iek ruak Nhi Đồng ban Cần Thơ kayua gaok bala dak harei dak rilo jang; dalam nan  ngoại trú labaih 3 ribau  400 uranaih song dok ndih iek ruak di sang iek ruak lac labaih  500 uranaih. Rilo meng lac kayua pandung, jaoh talang pha song jaoh dom labik karei di takai tangin…Tui Bác sĩ Nguyễn Quang Tiến – Akaok Khoa Ngoại Tổng Hợp, dalam bilan  hè uranaih tame sang iek ruak kayua gaok bala bhian hu ralo jang dut song dom tuk vak karei dalam thun. Meyah urang prong var klaak hasit ye dom uraniah mbuan si gaok bala, dalam nan hu dom bala biak sit sot bo khol drei oh sahaneng tal. Dalam bilan hè uraniah mbuan gaok bala rilo di abih.

     “Tal bilan hè  anek naih rilo jang.. Hè ye hu dom bala yau: klaoh tangin takai kayua to bhian lac dom adei sit, adei prong jang takik klaoh tangin min bhian jaoh talang rilo kayua main  thể thao, nduac chat atau juak radeih, bloh tal dom adei sit pandung, prong takik njauk . Urak ni, mboh hu rilo, nan ye hu panuac kakei dom amaik ame khik iek anek drei siam jang piah patrun  patakik bala”

Tui  Sở Lao động Thương binh song Xã hội ban  Cần Thơ, thun bloh dalam ban  hu  7 urang metai kayua gaok bala , oh hu metai kayua palung ia song hu labaih 1 ribau 200 uranaih karei njauk rambuac. Bala  caik veik ralo pandik harao, ngak kan kandah tal rup pabhap saong pren yava di uranaih song amaik ame adei sa-ai. Bruk njauk nyai nan lac, hu oh takik mbang bala rah tabiak dalam sang di uranaih kayua urang praong takik sangka iek glang.

Piah pacang caga bala di uranaih dalam bilan hè, langiu di bruk jhul pathau khan pambuak bruk song dom sở dom gah dalam tỉnh,  ban jeng hu pataom tame dom jalan ngak yau:  paglong bruk ngak song siam lagaih bruk khik ramik, abih di nyu nan lac bruk padang ngak song pambak prong boh sang siam mekre, pacang caga bala ka uranaih.  Ong Châu Văn Tuốt - Phó trưởng phòng Bảo trợ xã hội, uranaih song  bình đẳng giới, Sở lao động Thương binh xã hội ban Cần Thơ brei thau

       “Sở hu pambuak bruk song  Thành Đoàn peih dom tal pasram  caluai ka uranaih dalam bilan hè. Abih di nyu nan lac peih dom bruk main  hè  piah patrun tal tanut beir di abih bruk uranaih palung ia, gaok bala dalam bilan hè. Abih di nyu nan lac peih bruk padang boh sang siam merke piah pacang caga bala ka uranaih, khik caga ka uranaih hu siam mekre.”

Piah patrun patakik di abih bala ngan song uranaih, abih di nyu nan lac dalam bilan  hè,  dom amaik ame song urang prong brei sangka iek glang tani tanat, ngak jeng sa labik main siam mekre ka uranaih, abih di nyu nan lac uranaih sit  . Bruk njauk iek prong di abih lac  pato pasram ka uraniah thau ilamu khik caga rup drei eng anak dom kan kandah ./.