Dom thun jiak di ni, bruk tok diuk tok pasang tuk daok sit, oh ka tal umo thun tui hukum saong bruk tok gauk dalam but pajaih dak harei dak rilo, ba tal dom kadha oh siam, abih di nyu nan lac dalam bhum urang bangsa takik daok di dom huyện bhum ceik gah timur tỉnh Nghệ An. Dalam nan, mboh ralo di abih lac  urang Đan Lai daok di Khe Khặng dalam xã Môn Sơn huyện Con Cuông. Lê Hằng - Urang pambuak bruk saong rayo sap ndom VN hu kadha vak brei thau ka bruk nan .

Umo 19 thun,  saai Lê Thị Hoá – bản Cò Pạt, xã Môn Sơn, huyện Con Cuông hu  2 urang anek. Min, anek kacua ndih tapui tabiak tuk Hóa umo bahrau 16 thun, pasang 17 thun njauk ruak bại não bẩm sinh.

Rilo meng lac tok gauk tuk umo oh ka ginup tui hukum. Rilo makna, min rilo meng lac tok gauk tuk umo sit, anek bhik njauk ruak. Adei oh thau ngak hagait ni.

Dok dalam glai, labik khe Khặng, xã Môn Sơn, huyện Con Cuông, tong abih urang bangsa Đan Lai hu 2 họ lac Lê song  họ La, nan ye bruk tok gauk dalam but pajaih mboh hu rilo, caik veik rilo kadha oh siam. Pagap yau saai Lê Thị Thảo tok pasang dalam rilaow darah tuk oh ka ginup umo likhah tui hukum, yau nan ye anek likei kacua thun ni umo jiak 3 thun bo oh ka thau nyai.  

  Adei 16, pasang 17. 2 adei huralo darah haong gauk .Ame di saai Ngoan ieu muk di adei lac mik.. Di labik ni atah lo, nan ye adei oh hu tabiak gah langiu duah thau, bo oh hu urang halei tame ini duah thau. Adei saai tok gauk , adei mboh dut hatai ka anek bhik harei hadei njauk hagait halei oh. 

Dom thun tapa, hu bruk sangka  di karja, hu bruk daong di dom urang ngak pahla, rai duik di urang bangsa Đan Lai labik Khe Khặng takik eik lipa, oh dok bruk luac thun kurang mbang kurang cuk. Tui amuk Vi Thị Lý – Akaok kapul urang kamei  xã Môn Sơn, huyện Con Cuông, karja di labik ni hu rilo jalan pato pakai, pathau khan, min mik va jeng dok trak tui adat cambat klak, jalan mbak atah bayah, kan kandah, yau nan ye oh ka pacang cakak hu bruk tok duik tok pasang tuk umo sit, atau dalam but pajaih. Rilo adei bahrau  13-14 thun ye tok duik tok pasang bloh. Lingiu di nan, hu dom adei dok tok gauk dalam but pajaih nan ye ndih tapui anek lavang lavaiy, dị tật song pataok gila.  Amuk Vi Thị Lý  lac:

Makna di labik ni ka sa lac kayua oh thau, ka dua lac kayua bruk ngak mbang kinh tế di bhap bini. Kayua lac umo 12, 13 thun ye oh nao bac bo dok di sang. Amaik ame khin ka anek hu diuk hu pasang piah salah bruk di drei, tal tuk ndih tapui anek tabiak ye anek bhik oh khang kajap pren yava, hu dom janih ruak.

Tui pathau khan di UB bhap bini  huyện Con Cuông, bruk tok dui tok pasang  tuk dok sit oh ka tal umo tui hukum di  huyện dak harei dak rilo. Meng thun  2011 tal thun 2016, huyện Con Cuông hu  103 mbang, dalam nan urang kamei hu tal  80%. Môn Sơn  lac  xã hu  bruk tok dui tok pasang tuk daok sit rilo di abih,  hu  51 mbang, rilo meng lac urang Đan Lai. Dom gu diuk pasang tok gauk dalam but pajaih jeng hu rilo. Ni lac bruk njauk duh hatai, ảnh hưởng trak tal but pajaih song bruk khik ramik di urang bangsa  Đan Lai, sa dalam dom pajaih urang dok biak takik dalam boh sang prong dom bangsa Việt Nam./.