Urang kumei anek saih angan Đinh Triệu Vi ndih tapui thun 2000, dalam sab oh sang ngak nong di bhum palei kan kathaot xã An Quang, huyện bhum ceik An Lão, tỉnh Bình Định. Meng sit dok song amaik ame song amuk pajeng ame, Vi hu pang song nyai sap di bangsa drei. Sap H’re hu njom tame ralo darah di adei meng dom var ndih tuk dok sit  . Vi khan lac:  “Adei sahaneng sap ndom lac sa dalam dom janih biak karei di yaok bangsa dalam taneh ia, nan ye bruk khik ramik saong pato pakai sap ndom bangsa drei ka dom urang ranaih lac bruk biak prong. Adei tuk halei jeng mboh hadah mbaok meta drei lac urang  H’re son thau nyai sap H’re”

Meng tuk tagok bac  pakatTrung học phổ thông, meng học lực khá di drei, anai  anek saih An Lão hut run ban  Quy Nhơn bac di sang bac bangsa gam bac gam dok tỉnh Bình Định. Di labik ni, Vi hu taom gaok song ngak krein song rilo ayut di dom  bangsa Chăm, Bana di dom huyện karei dalam tỉnh, hu ngak krein rilo jang song harak tapuk,akhar vak, sap ndom, panuac puac di bangsa. Min tapa dom var bac, Vi mboh lac sap H’re song Chăm hu dom akhar haroh oh ka taih hu tuk ngak văn bản angaok komputer. Font haroh saangsa hu  angaok  mạng meda vak hu dom ký tự di sap bangsa di  Tây Nguyên yau  Êđê, Jarai, Bana, Sédang, M’nông song  K'ho. Anai  anek saih nao tangi sua  gru Bùi Công Phúc, Phó Bí thư Đoàn sang bac , urang gru pato  Tin học, jeng lac sa urang dok duah megru sap ndom di dom di dom bangsa dalam tỉnh Bình Định. Meng nan, urang gru pato song anek saih jak gauk roh duah piah duah tabiak jalan ngak ka bruk ni.

 Hadei di sa thun roh duah saong rilo mbang ramik pasiam veik, patagok , bộ gõ sap dom bangsa takik  Bình Định hu tabiak rai. Bruk ni hu tong yaom biak glong ka  tính ứng dụng thực tiễn, mek hu giải Nhì di mbang pakacah Sáng tạo Thanh thiếu niên nhi đồng tỉnh Bình Định thun 2017. Hadei di nan,đề tài roh duah ilamu khoa học ni  mek hu giải Ba mbang pakacah  Sáng tạo Thanh thiếu niên nhi đồng pakat negar mbang ka  XIII thun 2017. Gam song dom giải thưởng, adei  Đinh Triệu Vi hu pok angan di  Festival Sáng tạo ranaih umo pakat negar thun  2017 song mek hu harak meyaom di  Trung ương Đoàn.

Meng hatai caong ba mbuan lagaih ka bhap bini dom bangsa, Đinh Triệu Vi hu pabak bộ gõ sap bangsa ni brei saoh ka tong abih dom urang halei khin pandar  . Ndom ka bruk daok caong ngak di anak tal, anai anek saih H’re brei thau lac meda pakacah tame gah Luật, kham merat jeng sa urang kamei luật sư urang  H’re, ba dom ilamu di drei mai rik dong padang ngak palei pala. Ngan song dom jak jeng dalam tuk vak tapa , dalam bilan dam dara thun  2018 ni, Đinh Triệu Vi hu Tỉnh Đoàn Bình Định pok brei angan sa dalam 10 urang ranaih umo naih gheih tỉnh Bình Định thun 2017./.