Saai Lò Thị Viện hu ngak ka dom mbon ceik thu lagu di palei drei jeng dom bein cà phê prong, hajao, ba mai kein laba  kinh tế glong. Urang kamei umo 27 thun ni  abih hatai dong ba ka dom adei saai kan kandah dalam palei, dalam xã tabiak truh kan kathaot

Ndih tapui tabiak song prong tagok di bhum ceik rilo kan kandah (palei Nong Nưa, xã Chiềng Ban, huyện Mai Sơn, tỉnh Sơn La), meng sit Lò Thị Viện  cong khin ngak kaya meda. Prong tagok tok pasang likei , gah pasang jeng biak kan kandah,  raidiuk tok caong tame meteh ha taneh pala tangei, pala bei di angaok mbon ceik glong, pala njauk ye ginup bayar sre pajaih song khak drak, sang hu rilo adei saai nan ye oh ginup mbang, oh ginup cuk.

Oh daram eik lipa, Viện kham merat bac daa, tame dom tal pasram megru   ilamu ngak nong kayua  Hội Liên hiệp urang kamei pambuak bruk  song bilai pachreih nong  huyện peih tabiak. Hadei di sa thun kham merat bac megru, thun 2009, Viện  salih  meteh ha tangei  tapa pala  cà phê, pambuak haong bruk rong glang yau rong menuk palao lingiu bein, rong dan ko

Kinh tế sang saai meng nan hu hadah hadai tagok. Viện khan lac: "Thun camereip jeng kan kandah lo, mik meng tuk hu boh cà phê, pablei  cà phê ye duah hu hasit sarak jien, drei patak patom mbiah tal harei ni.

Thun  2011, sang  sa-ai Viện mesraiy di gilang pariak labaih 100 triệu đồng, pah labaih  8 ha taneh mvon ceik thu lagu di mik va dalam palei piah pala cà phê. Dom mblang taneh thu lagu, patau randiah harei halei urak ini hu jeng dom bein   cà phê hajao mekre. 9 ha cà phê duah hu meng  700-900 triệu đồng/sa thun saong ba bruk ngak ka labaih 400 urang ngak tui bilan.

Viện bhian daong ka adei saai kumei dalam xã, dalam palei mesraiy phun jien, meng nan, dom sang kan dalam palei tok dok  3 baoh dalam 43 boh sang. Bhian hu sang saai  Viện dong, muk  Trần Thị Minh, huyện Thuận Châu, lac: "Bilan pala halei hulin jeng trun sang kamuan Viện ngak mbang pah. Cà phê sang kamuan Viện biak hu năng suất song kamuan iek dom urang ngak yau menuac dalam sang di drei.

Viện hu mik va anit ranam pok ngak đại biểu Hội đồng bhap bini  xã, akaok dhar kapul urang kamei  palei meng thun  2010 mbiah tal urak ni. Viện biak chreih chrai, bui sambai,  abih di nyu nan lac dalam bruk pathau khan dom adat bahrau, dom jalan ngak kinh tế gheih ka adei saai .

Urak ni  Lò Thị Viện hu ngak ka bruki caong ngak kaya meda di angaok bhum palei di drei hu jeng biak./.