Thun 2018 hu mong lac thun njauk hadar kanal di ban raya HCM, kayua ni lac thun ban raya peih ngak Cơ chế đặc thù tui sarak 54 di  Quốc hội. Sarak ni hu tong yaom lac sa jalan ngak praong di negar, piah ba ban raya  HCM tagok samau song dom ban prong dalam bhum, jeng labik njauk daok  di taneh ia . Kadha vak di Cao Thoa urang vak di rayo sap ndom VN daok di ban raya HCM hu khan tal bruk ni .

          Hu rilo chuyên gia di ban raya HCM brei mboh hatai bui sambai chreih chrai tuk hu tangi sua ka Cơ chế đặc thù bo ban raya HCM peih ngak dalam thun bahrau 2018. Kayua ni ni lac bruk tabiak meng hatung hatian , ilamu song pren yava di Đảng bộ, karja song bhap bini ban raya:

Băng: “Cơ chế đặc thù ngak ka karja ban raya HCM prong tangin jang, mbuan lagaih piah meda patagok hu pren khang di drei, ilamu di drei piah hu pren khang patagok siam jang.

Ban raya HCM meng livik mai hu maong lac bhum taneh siam. Lac labik pataom di rilo menuac dalam taneh ia song rilo pren khang oh ka tagok hu abih . Kayua yau nan ye, tuk hu brei cơ chế đặc thù jeng lac tuk piah ka ban raya HCM tagok hu abih yaok pren khang. Tui PGS.TS Nguyễn Lê Ninh, urang dalam Ủy ban Mặt trận negar  Việt Nam ban raya  Hồ Chí Minh, Quốc hội biak hadah hadai tuk jao cơ chế đặc thù ka ban raya HCM. Meyah daok iek ban raya HCM yau dom  tỉnh ban karei , tuk sa blah aoaw biak katil ye oh nao samar hu song oh tagok hu abih pren khang di ban raya. PGS-Tiến sĩ Nguyễn Lê Ninh ndom lac:

“Năng lực sản xuất di yaok urang ban raya HCM samu 2 mbang meteh năng suất di bhap bini di dom tỉnh ban karei, brei mboh hu rilo tiềm năng. Urang ngak di ban raya HCM thau rilo jang, ilamu rilo jang, sami samar jang. Kayua yau nan ye brei ngak yau habar piah patagok hu abih bruk ni. Dom urang pan akaok di ban raya HCM brei thau bruk ni song brei mboh piah ngak

 PGS.TS Trần Hoàng Ngân, Akaok Học viện urang jakar  ban raya  HCM, urang dalam Tổ tư vấn kinh tế di  Thủ tướng ndom lac cơ chế đặc thù hu Quốc hội brei tapa piah langyah dom tavak tavaiy bo ban raya dok dang anak

 “Quốc hội brei tapa cơ chế đặc thù lac kayua mboh  ban raya HCM dok hu rilo cuang kandah. Kayua yau nan ye tong abih dom danak dak halei di  cơ chế đặc thù jeng piah langyah dom kan kandah di ban raya, nan lac brei langyah hu bruk cơ sở hạ tầng, patrun hu bruk gar radieh bruk dauh ia, nerak môi trường song biến đổi khí hậu”

Sarak  54 di  Quốc hội hu makna biak prong ngan song bruk patagok di ban raya. Kayua yau nan ye, bruk samar ba  nghị quyết tame dalam rai duik song peih ngak siam lagaih hu daong brei mboh labik dang di ban raya, daong palagaih piah ban raya patagok dom pren khang, pasiam dom kan kandah tavak tavaiy urak ni. Tui  luật sư Trương Thị Hòa, gam song bruk peih ngak dom asar kadha di cơ chế đặc thù ye bruk prong hadei di nan, lac brei khan tal abih bhap bini thau piah ba tangin tame haong karja ban raya peih ngak cơ chế ni:

 “Brei ngak yau habar ka bhap bini thau lac ban raya drei hu cơ chế đặc thù ye drei njauk ngak tui yau habar. Dalam adat hukum nan njauk rik dong yau habar song hu bruk tong yaom di  Quốc hội di  Trung ương ngan song bruk patagok di ban raya HCM”

Dalam tuk peih ngak  cơ chế đặc thù, ban raya HCM hu 4 sinya song  Trung ương song bhap bini dalam taneh ia. Sinya ka sa, nan lac ban raya daok khik hu tanut patagok.  Sinya  ka dua lac tanut rik dong di bhap bini ban raya HCM rilo jang 3 mbang tanut di taneh ia.  Sinya ka klau  lac năng suất ngak bruk di ban raya HCM tuk halei jeng daok dang di tanut glong.  Sinya ka pak  lac ban raya.HCM  oh ngak  kan kandah  tal kadung jien di negar. Ong Nguyễn Thành Phong, Akaok  UB bhap bini ban raya HCM ndom lac

 “Meyah oh kham merat mek hu dom asar kadha drei ba tabiak ye ban raya  HCM oh tagok bahrau. Lingiu di nan, ni lac danak dak ngak iek bo Quốc hội dok pamong tame bruk ngak iek ni mek hu siam lagaih hagaih dalam bruk jhul patagok kinh tế, nan ye ni lac bruk ngak oh lac ka bhap bini ban raya, bo dok lac bruk ngak ka abih bhap bini dalam negar .

Bruk padang ngak đề án dok hu ban raya HCM samar ba tabiak piah tal bilan 4/2018 hu pok tagok  UBbhap bini ban raya HCM brei tapa  4 dalam 9 đề án prong  (dalam đề án cơ chế đặc thù) ngan song 19 bruk ngak cambaih laih. Patui di nan pok tagok  thường trực Thành ủy brei tapa song tal  bilan 6/2018 hu pok tagok HĐ bhap bini ban raya pasang iek, brei panuac .

Cơ chế đặc thù lac bruk hadah mbaok, jalan siam lagaih min jeng lac cuang kandah di ban raya  HCM. Peih ngak  cơ chế đặc thù lac brei ngak yau habar ngak jeng sa labik patagok siam lagaih, tui jalan sami samar, khang kajap, paglong pren meriak gauk di ban raya piah mek hu dom bruk bo bhap bini dalam negar dok cong khin, ba ban raya tagok samu song  dom ban prong karei karei dalam bhum Đông Nam Á./.