Yaok thun, bhap bani urang M’nông bhian peih bruk cúng cổng palei pala (Bư brah mpêr bon) dalam puac bilan 3, akaok bilan 4 saka aia bulan, dahlau di tuk dom mbang hajan akaok mereip laik trun, piah likau hajan siam hangin laghaih, yang ba ruak kik oh daok mai duah mikva dalam palei dalam luac thun. Lễ cúng hu peih ngak dalam sa harei, jaik tapen cổng tame tabiak di puk palei.

Lễ cúng hu peih ngak hadei di tuk taha akaok palei saong dom po sang ginum biai palih ruah harei peih ngak, parabha bruk ngak, ba tabiak bruk rik daong di yaok baoh sang.

Page harei rah tabiak lễ cúng, mikva dalam palei ba tui pandap panda, kaya nong, baoh karaoh, bingu la saong dom janih pandap karei mai pataom gauk pak sang taha palei kuhria caga ka lễ cúng. Dom janih pandap pandar dalam lễ cúng cổng hu: pandap ginreih (sah oonh) (nan lac ngah apui hu tapok meng 1 vòng kapah ngak khố), brah mbong (yaok sa baoh sang sa nyaom), pakao hala 1 cambuac, sa gu bla lamen saong sa take tê giác ja ngak meng kayau. Taphia di nan daok hu rup patau drei lamen, sa hala la hu cih cur, sa klaih paneng, klau gói har nếp tapok meng hala patei, 3 baoh patei hijao tuk tathak, 3 akaok bei tuk, 3 mbaik tabau yaok mbaik 3 tuk, 4 mbaik tapang dhil kluak angaok kaok pak mbaik gai kluak ngak jameng, ché tapai, lisei lam, rilo pabui am cuh saong dom baoh kong tangin meng bal likau brei pren yava...

Gah anak sạp phên kak sa ché tapai ja ngak mek baoh kadhaoh thu, gah dalam tuh bak bhau, cambuai baoh kadhaoh klauc sa ống sit ngak cần alak. Taphia ché tapai ja hu padang sa drei rimong hu ngak meng kayau, daok pajeng mbaok meng gah dalam tabiak langiu. Urang M’nông brei thau lac dom Yang kanjah jhak, Yang ác mong mboh dom rup anek rimong meda huac blaoh klaak nao, oh khin tame quấy phá puk palei. Gah likuk sạp krem, pak kreh hala paga palei saong sạp krem  nan lac sa hala paga tượng trưng piah pacang cakak dom yang ác tame quấy phá.

Pandap panda kuhria caga blaoh, taha akaok palei yuk sa sap tù và, brei ka yang mebhang saong manuac urang thau ka bruk peih ngak lễ cúng cổng puk palei. Hadei di nan taha palei ngak po lễ, ba taong abih kapul nyaom nao gah anak cổng palei piah peih ngak dom adat prong. Anak bàn thờ hu ngak meng gei krem, la-a, po lễ mek darah pabui lai gam haong alak, thik klau klaih sit gan pabui, xâu tame sa mbaok gai kluak taphia cek tapai. Taha akaok palei pok sap likau Yang, thần linh ba brei hajan siam hangin laghaih, mikva ngak padai hu padai ngak tangeiy hu tangeiy, likau Yang gam haong thần linh pacang cakak saong patuac dom hagait oh patuah jamo, dom ruak kik.

Hadei di tuk ngak lễ cúng di labik cổng puk palei, po lễ  haong mikva payeng mbaok tame gah mblang praong, ba alak hu lai darah pabui luk tagok tabung sang, tagok daning sang ngak adat patreok but malai, pacang cakak dom kadha oh patuah jamo, ruak kik mai haong puk palei, pacang cakak Yang ác tame sang ba kanjah jhak mai ka manuac urang dalam sang. Puac abih, taha palei peih ngak dom adat cambat cúng pok brei vòng pren yava ka mikva saong tuai damuai hu mbaok pak nan. Hadei di ngak blaoh adat ini, dom likau dam, kumei dara urang M’nông gam taong cồng chiêng, gam tamia, ma-in dom kadha ma-in biak bui sambai chreih chai uan harei ngak adat./.