Adat “ hia kubao” di urang Cơ Tu

Di kreih ceik glai Trường Sơn, bhapbini Cơ Tu daok lavik rai, khang kajap saong thun bilan, khik ramik hu rilo ilimo hadah krah ka adat cambat, rija roya, khan ao, ragu ragam, mbang menyum…, dalam nan hu adat hia kubao di rija klauk kubao. Daa mikva saong grauk yut tui pang :

Tame bilan padai barau, urang palei bhian ngak adat praong. Urang Cơ Tu hu adat klauk kubao dalam dom rija pala drak njauk (Bhuối A ví), rija uan padai barau (Cha ha roo Tơmêê), rija sang Gươl (Langtơrí).

Tuk nan, sang halei jeng caga dahlau dom janih pandap mbang bingi, hadei di adat klauk kubao, ba nao sang Gươl rik tame, peih bruk mbang menyum praong prang dalam luac sa adit saong adat klauk kubao jeng catang jang duk saong urak ini.

Bair harei sup di melam dahlau harei klauk kubao, taha palei, urang hu angan je dalam bhapbini peih bruk ieu yang kubao di mblang sang Gươl. Urang  Cơ Tu ieu lac dục t’trí. Ieu yang dục t’trí njauk hu akaok pabui, menuk tuk saong klaok alak ieu yang di xnur saong pok panuac khan Yàng lac abih bruk hu kuhria caga blaoh, harei paguh likau Yàng brei ka bhapbini dalam palei hu klauk kubao.

Melam ini abih urang dalam palei daoh tamia bui sambai tal kreh melam, daok urang taha bhian medheih tal dah pagaiy piah hia kubao (nơơi).

Bruk hia kubao bhian hu peih akaok meng kadha “ kubao lei, tuk ini kubao kak tame gheng, thau talaih yau habal…”. Asal kadha hia kubao bhian ndom tagok hutang hatai, anit anek athur luac rai kak kajap, duh ka anek menuac, urak ini ngak pandap piah paling Yàng.

Di kreh melam jua di ceik glai praong hu dom dalah apui sit hadah di kreh mblang Gươl, 5-6 urang daok gam tế, gam taong gar ngắt nhịp gam tui panuac daoh mbuah kan, lingik tasik tuk ini biak ginreih, biak u tịch. Nơơi lac adat hia kubao biak gheih di ilimo Cơ Tu…”, dom taha palei ndom lac, meng dom panuac mbuah kan ndung bak hatai jai, rilo drei kubao meda thau saong pang sap hia, kubao haok ia meta tui.

Adat hia kubao bhian hu peih mbaok meng sa urang taha hu angan je dalam palei, gheih ndom lý, daoh lý, lambaok ka urang dalam palei tabiak dang tapen kubao bo hia kubao tui lagu biak druh drui yau: ''Kubao lơi, kubao jhui mbuah urang dalam palei, ini lac adat cambat meng kan mai di urang dalam palei yaok thun paling kubao ka pô lingik, ka yang taneh, ka muk kei piah likau ka menuac urang dalam palei hu siam mekre, oh njauk jit ruak, njam patam baoh kraoh hijao siam, abih gauk hu khang kajap pren yava. Likau ka suan di kubao hu tagok lingik siam mekre. . .''.

Hadei adat hia kubao, kupul urang likei, dam dara, urang kumei Cơ tu ba gar, chiêng, gươm, giáo. . . tamia vil tam dal geng Gươl saong ragam tamia Tung tung- Za zá. Dom urang likei tamia gươm oai hùng, urang kumei tamia limin lamuac.

Hadei meng tamia ini, urang meng tame ngak adat klauk kubao. Bhapbini Cơ Tu kaoh akaok kubao gam saong sa jeik alak caik taphia geng Gươl piah paling lingik, taneh riya, ong amuk mai mbang; daok rup kubao sik rilo parabha ka yaok sang dalam palei. Biar harei, akaok kubao nan hadei di tuk taha palei ngak adat blaoh, urang ba nao ngak hacih, riak ka tasak limin, brei ka dom urang buh rilo pren  yava dalam bruk peih ngak rija mbang menyum harei hadei./.