Gia Lai lac bhum taneh hu rilo ilamu puk palei, ndung bak ilamu bangsa. Gam saong dom rija yau rija klauk kubao, rija likau hajan, rija uan padai bahrau mai, rija uan sang rông... rija Pơ thi ( rija klaak kubo) lac rija praong, hu rilo menuac bui sambai, ndung bak bruk ginreih saong dui pataom dom yaom glaong tâm linh dalam raidiuk di bhap bini dom bangsa takik. Mikva saong taong abih gauk duah thau ka rija klaak kubo di urang bangsa Jrai tapa kadha “dom bangsa adei sa-ai” harei ini.

Yaok thun tuk thun bahrau tal mai, tuk bingu Pơ-lang rak hadah, cim Chơ rao pakacah gauk pok sap daoh, yau brei thau lac tal tuk rija Pơ thi chreih chrai grauk bhum ceik glai Tây Nguyên. Bilan 3 lac tukvak siam lagaih piah ka sang taha Chel di palei Lút, xã Ia Phí, huyện Chư Păh ngak Pơ thi palao dom gauk gar palang lihik bloh dalam but pajaih. Taha Chel brei thau: "Mbang ngak Pơ thi ini hu 8 sang dalam but pajaih di drei ngak haong gauk piah palao 11 urang dalam but pajaih palang lihik bloh.

Piah ka bruk ngak Pơ thi hu siam mekre, rilo harei dahlau, labik sang kubo di but pajaih hu ramik pasiam ngan saong dom bức tượng nhà mồ, lac janih oh kurang hu di bruk ngak Pơ thi". Tui hatai sahneng di urang Jrai, rija Pơ thi lac harei bui sambai piah ka urang daok diuk hu taom gaok, bui sambai mbang puac di abih haong urang palang lihik bloh dahlau di tuk palao dom urang nan nao daok di lot karei. Meng tuk ini, urang daok diuk oh daok kuria lisei ia yaok harei di sang kubo tra. Tui sang, tui but pajaih bo Pơ thi hu peih ngak hadei di dom thun.

Yau dom rija karei karei, Pơ thi hu bruk ngak adat saong bruk bui sambai mbang menyum saong bhian rah tabiak dalam 3 harei. Piah ka bruk ngak Pơ thi hu praong prang saong brei mboh hatai iek praong urang palang lihik bloh, dom sang, dom gauk gar dalam but pajaih yaok urang yaok bruk, thei hu hagait ye rik tame .... Meng biar harei sup di harei camereip tame sang kubo, menuac sia dalam palei ba gauk mai sang kubo saong dom bình bak alak, urang kumei jar var haong bruk kuhria caga dom pandap mbang. Hadei di tuk pok lisei, rilo pandiak, ia li-an, dom janih pandap pabak ka bruk ngak mbang yaok harei, abih di nyu nan lac bruk hu mbaok di drei menuk sit, lac janih hu suan yava duy nhất dalam dom janih pandap cúng brei ka urang metai bloh thau lac bruk ngak Pa thi hu salah bloh.

Tuk bruk ngak adat hu ngak salah bloh jeng lac tuk melam tal mai, menuac sia dalam palei, gaok tuk mai hu urang meng dom palei jaik taphia ba gauk mai gam bui sambai tapen ché alak tapai pahe bingi. Tapa nan, dom likei, kumei tapen dalah apui bhong meriah, tamia dom lagu xoang meng kan biak mekre di drei gam saong bruk bui sambai di dom Bram – lac rup binguk di dom urang palang lihik bloh, ngak ka mikva mboh chreih chrai jang. Nan jeng lac melam oh ndih di abih urang daok di labik sang kubo piah bui sambai haong dom urang palang lihik bloh dahlau di tuk cakak klaoh talei rohim piah mai bui sambai haong rai diuk bharau./.