Adat mbang lisei barau di urang Mảng

Pathau mikva saong grauk yut ! 

Yaok  bangsa hu sa ilimo karei. Adat pauan lisaiy barau hu dalam ilimo di rilo bangsa, min yaok bangsa hu sa jalan ngak, sa adat cambat karei di gauk. Harei ini kol dahlak likau khan ka adat mbang lisaiy barau di bhapobini Mảng. Tui sap Mảng , adat mbang lisaiy barau lac “tri xả lẳm mế”. Ini lac adat piah ndua dhar phuan amuk kei, po yang po mebhang hu daong ka bilan pala drak njauk, saong piah “ pachreih suan di dom urang dalam sang sahanang hatai daok veik kayua hu padai barau …..

Hadei di tuk yuak blaoh saong ba tame piah dalam kho, urang Mảng ruah harei siam lac harei anek pabe saong harei anek saih piah “ ma lảm’ nao mek padai mai mbang lisaiy barau. Ma lảm lac amaik padai, amuk po dalam sang. Tal harei hu pilih ruah, ma lảm menaiy hacih, cuk akhar ao saong koa akaok siam mekre blaoh tagok mek padai di lán mai sok jeng brah saong tanek mbang. 

Mek padai barau mai, yaom lac glaih glan min Ma Lảm eng drei njauk sok padai piah hu brah tanek lisei, kayua ini lac bruk di amaik padai njauk ngak. “ Ma Lảm” njauk nao mek dalam 3 harei. Var pagaiy harei akaok mereip, po sang ngak menuk paling ma muk kei dalam sang piah khan brei thau ka bruk yuak blaoh vụ barau saong likau mek padai ba mai sang… Var bain harei jaik 3 tuk, urang peih bruk paling kho padai piah likau hu ba padai mai. Pandap paling hu : sa baoh menuk, sa akaok laya ; 2 cavan alak.

Dua diuk pasang po sang dang tabiak  ngak adat paling yang, mek hala dong parai  trun sàn taphia geng praong di lán, caik dom pandap paling saong kakuh likau ma padai, brei ka ma lảm hu ba padai mai mbang llisei bahrau. Hadei tuk meroi blaoh, ông po sang tuh dua cavan alak, yaok urang par sa cavan tuh hasit trun sàn da a ma padai blaoh menyum abih cavan alak. Yau nan adat paling yang kho padai hu ngak blaoh, ma lảm peih ngak dom adat ba padai barau di lán dalam 3 harei.

Harei akaok meti ma lảm mek meteh paok padai ba mai caik dalam duk ndih. Harei ka dua mek meteh paok daok veik saong jeng ba mai caik dalam duk ndih di drei. Harei ka klau mek sa paok daok tamo. Yaok harei mek padai di lán mai, ma lảm saok mek brah buh tame ống nứa ngak lisei lam mbang sa drei dalam melam sup oh brei thei thau, tok mbang taba saong njauk caik veik hasit piah harei hadei mbang veik.

Hadei di 3 harei, ma lảm mek padai di lán mai tanek lisei ka abih uerang dalam sang mbang, dom sang hu jien ye ngak menuk, mek salao lisei, alak daa adei saai but pajaih mai mbang pauan padai barau haong sang drei. Taong abih bruk ngak adat lisei barau jeng kayua amuk po sang ngak abih. Tuk saok jeng brah bloh, amuk mek jangoa hieng blaoh buh tame kathor ia tram. Tram ia dalam 15 tal 30 minit mek tabiak đồ jeng ndiuk ( meyah padai barau barau lac padai ndiuk) atau tanek lisei ( meyah padai barau lac padai tẻ). Dalam tuk amuk diuk soak brah, ông pasang tabiak craoh mek 3 drei reng ba tame ging am piah mbang saong lisaiy barau, meyah oh mek hu reng meda salih meng ikan patih. Oh brei pandar ikan jhuk, kayua tui hatai sahneng di urang Mảng, ikan jhuk atau ikan sọc lac janih ikan bhian mbang tạp, mbang gam dom janih nerak  nan ye oh brei mbang haong lisaiy barau hu. Ikan patih tok mbang rêu, dreih yau anek reng, meng mbang saong lisaiy barau.

Var melam hadei di tuk tanek lisei blaoh saong am reng atau ikan blaoh, abih urang dalam sang ba lisei tabiak mbang. Tuk abih urang dalam sang pataom gauk ginup vil salao lisei, ông po sang ndom lac : harei ini lac harei mbang lisei barau, taong abih dom urang khang kajap. Suan anek menuac oh hu nao veik. Urak ini  hu lisaiy barau mbang paje, taong abih dom suan anek menuac dalam sang sahanang hatai daok veik. Meng di ini taong abih dom urang dalam sang oh ruak kik, tuk halei jeng khang kajap yau padai barau. Tapa thun njauk hu mbang yau ini tra”

Ông po sang ndom blaoh, abih menuac dalam sang meng mbang lisaiy. Dom urang hu mbaok var lisaiy ini lac dom urang dalam sang, oh brei urang langiu tame mbang, kayua huac suan padai nao tui urang nan. ./.