An Giang lac bhum taneh hu pren khang gah du lịch di bhum taneran krong Cuu Long , abih di nyu nan lac  du lịch tâm linh, du lịch trải nghiệm…Min, tukvak tapa bruk đầu tư patagok du lịch oh ka njauk song pren khang di nyu, cơ sở hạ tầng du lịch dok kurang takik; chất lượng sản phẩm du lịch oh ka hu iek prong, oh ka ngak tabiak hu dom pandap bahrau, pandap karei di drei. Kayua yau nan ye tuai damuai mai tal tỉnh dok takik. Kadha vak di urang vak di rayo sap ndom Viet Nam dok di bhum taneran krong Cuu Long  hu ndom tal bruk ni.

   An Giang lac tỉnh gah akaok krong Cửu Long, hu rilo labik mekre, hu angan, mbon ceik praong glaong  abih dalam bhum. Tapen di nan, An Giang dok lac tỉnh hu rilo bangsa, rilo agama song 4 bangsa adei saai lac Kinh, Khmer, Chăm, Hoa daok jum pataom gauk meng lavik saman, ngak jeng dom yaom glaong ilamu bangsa gheih mekre,  brei mboh tapa dom rija roya ilamu bangsa, dom palei ngak  thủ công meng kan, dom công trình kiến trúc ilamu biak gheih; lac labik hu rilo inem krung sajarah ilamu song  danh thắng; hu bhum Thất Sơn huyền bí; hu nền ilamu Óc Eo - Ba Thê song adat thờ mẫu hu angan dalam negar…
Dalam tỉnh urak ni hu 82 inem krung hu xếp hạng, dalam nan hu 2 inem krung  đặc biệt pakat negar, 28 inem krung pakat negar, 52 inem krung pakat tỉnh... Meng nan, nyu pachreih tuai damuai mai duah thau ka bhum taneh  Thất Sơn ni. Tui kuhria, yaok thun hu labaih 5 triệu tuai damuai dok dalam song langiu negar mai rivang main. Saai Nguyễn Văn Hoàng sa urang tuai mai meng  tỉnh Thái Bình brei thau:

          "Hulin mboh An giang hu rilo labik du lịch biak gheih mekre bo oh tỉnh halei dalam bhum ni hu yau nan, yau labik  du lịch tâm linh Bà Chúa Xứ, pakacah limo,  rivang glai  Trà Sư… mbang camereip hulin mai tal labik ni, mboh biak chreih, biak takre".

      Tukvak tapa, An Giang hu caik rilo jien padai piah patagok du lịch. Min bruk  đầu tư daok takik, oh ka samu haong pren khang di nyu. Urak ini du lịch An Giang bahrau patagok di labik du lịch sinh thái, văn hóa- lễ hội, kurang bruk biak karei di drei, takik hu janih bahrau, nan ye tuai du lịch rilo meng lac mai me-in, mai, hành hương, mai dalam harei bloh nao, oh ndih veik.

Labik du lịch núi Sam,  khu du lịch sinh thái Trà Sư  jeng lac labik  du lịch hu angan je di  tỉnh, min kayua  kurang đầu tư, kurang khik ramik, bruk ngak dok tui jalan tự phát, pandap  du lịch dok kurang takik, tuai du lịch rilo meng lac nao gaiy mong iek glai tràm, mbang dom janih pandap palei ... Taphia di nan jeng dok bruk “chèo kéo” tuai rah tabiak di rilo labik… nan ye , oh ka ngak njauk hatai tuai damuai. Piah plaih nyaih bruk ni, ong Nguyên Văn Lên, Giám đốc Sở ilamu- Thể thao- Du lịch brei thau

         Tuk vak tapa hu bruk dui ieu tuai damuai, ngak brei tuai oh njauk hatai….meng ini nao njauk ngak khang piah cakak bruk ini. Patui bruk pathau khan piah ngak ka  urang An Giang hu hatai sahneng bahrau ka bruk ngak du lịch, tui jalan ngak lac hijao, hacih, mekre, oh hu bruk chèo kéo,kateik greik yaom kaom oh hu bruk oh khik  hacih saat pandap mbang.

      Ong Nguyễn Thanh Bình, Phó Chủ tịch Ubbhap bini tỉnh An Giang brei thau: jalan ngak di  tỉnh dalam tuk vak tal lac, ba du lịch An Giang jeng gah ngak kinh tế praong, dong pasalih bruk ngak kinh tế  song dong ba bruk ngak ka bhap bini. Kayua yau nan ye, tỉnh daok buh jien tabiak padang ngak cơ sở hạ tầng du lịch; pataogk song peih prong dom pandap du lịch, padang ngak dom pandap du lịch “ chuyên nghiệp, chất lượng, meriak gauk”. Abih di nyu nan lac, piah tagok bruk meriak gauk song padang  angan du lịch, tỉnh brei patagok dom nyaom pandap du lịch di dom puk palei piah patagok hu pren khang du lịch urak ni, plaih pandap du lịch dreih gauk song rilo tỉnh dalam bhum taneran krong Cưu Long.

         Taphia dom jalan ngak nan, tỉnh meda patom tame dom jalan pambuak bruk khang kajap di dom bhum, palei, ngak jeng dom dom tour - tuyến du lịch padeih padei pambuak song bruk iek ruak meng phun  jru dược liệu bhum Thất Sơn...piah patagok bruk dui pachreih, patagok pren meriak gauk ka du lịch, piah padang  angan du lịch An Giang dak harei dak pataogk khang kajap./.