An Giang: khik caga ka pala padai Thu Đông hu kein laba

          Bilan padai Thu Dong thun ini, lingik oh siam, ia xua mai aval, ia glaong jang duk saong dom thun dahlau; ruak vàng lùn – lùn bilik hala, jit rầy nâu mai veik hadei di 10 thun…ini lac dom kan kandah praong tal bruk pala drak bilan Thu đông. Piah hu bilan thu dông jayah, gah ngak nong An Giang hu peih ngak rilo bruk ka vụ ini. Kadha vak di Phan Ánh urang vak daok di bhum taneran kraong Cuu Long brei thau ka bruk ini, daa mikva soang grauk yut tui pang:

          -Tui gah ngak nong tỉnh An Giang, urak ini dalam tỉnh hu jaik 450 bhum pala drak caga hu ia xua ngan saong taneh pala drak jaik 200 rabau ha. Kayua lingik oh siam, ia xua thun ini mai aval saong glaong jang duk saong dom thun, yau nan ye vụ ini tok trun pajaih jaik 160 rabau ha. Gah ngak nong tỉnh gam saong dom puk palei sangka meng akaok vụ, pasang iek ramik pasiam veik dom đê bao,  caga  padap pacang ia dauk…taphia nan kakei mikva urang nong trun pajaih tui njauk lịch thời vụ, oh trun pajaih dom libik lingiu đê bao, hu đê bao oh kajap…Urak ini, dalam tỉnh trun pajaih hu jaik 30 rabau ha, urak ini dom puk palei daok kham merat piah ngak ka blaoh blai dom taneh pala drak daok veik. Ông Phạm Thành Tâm, Phó akaok jabat ngak nong huyện An Phú, lac labik đầu nguồn di tinh brei thau: "Thu Đông 2017, An phú trun pajaih labaih 5000 ha, meng akaok bilan 7, gah ngak nong di huyện hu kuhria caga biak tani tanat, ramik psiam dom đê bao, kuac dom kraong ribong piah ia nduac hu saong nduac tabiak langiu dom trạm bơm; khik caga dom trạm bơm piah ginup pren duh njuk ia ka bilan thu đông ini. Urak ini dalam huyện hu yuak blaoh padai hè Thu, daok caga trun pajaih, mikva urang nong ngak njauk tui lịch trun pajaih di huyện, tui bruk ba tabiak lac tal harei 31/8 lac salah blaoh"

-Urak ini halak halin; rầy nâu saong ruak vàng lùn, lùn bilik hala hu biak rilo. Piah pacang caga jit ruak, gah ngak nong An Giang hu padang mban tacei pato pacang caga jit ruak tui  3 pakat piah langyah: ka sa lac bruk caga rầy nâu pambak ruak vàng lùn- lùn bilik hala; ka dua lac caga padam jit rầy nâu meng jru khik caga phun pala, ka klau lac cuh klak dom janih ba tal ruak vàng lùn, lùn bilik hala, pandar trun pajaih njauk tukvak piah plaih rầy, kakei mikva gam gam pasang iek padai,  mboh ruak barau tamuh lac hu jalan caga. Ông Nguyễn Văn Hiền, aakok Chi cục pala drak saong khik caga phun pala tỉnh brei thau: "Bruk rầy nâu, vàng lùn-lùn bilik hala lac sa bruk biak jhak, trun pajaih trễ jeng gaok, trun pajaih aval jang jeng gaok yau nan ye bruk trun pjaaih njauk tukvak di bhapnini lac bruk biak praong. Piah takik rầy nâu, vàng lùn, lùn bilik hala ye lịch thời vụ biak praong, njauk tacei pato khik caga hu lịch thời vụ; taphia nan jak ba urang nong pandar alamu ky thuat ; pandar danakdak 3 trun 3 tagok, sa njauk 5 trun meng hu kein laba.

   -Gah ngak nong tỉnh pambuak bruk khang kajap saong dom gah pambuak tal ba tabiak dom jalan khik caga vụ padai Thu Đông hu atau rilo jang bruk ba tabiak. Tui nan, pandar ky thuat “ 3 trun, 3 tagok” 1 njauk, 5 trun; ramik lịch vụ piah oh ngak kan kandah ka vụ hadei; pandar pajaih tui darak pasal; salih phun pala ka dom bhum oh lagaih ka bruk pala padai… Ông Trần Anh Thư, GĐ Sở ngak nong saong patagok palei pala An Giang brei thau: "Bruk salih phun pala njauk ngak biak thận trọng saong khang kajap. Bruk salih njauk pabak ginup 4 kadha lac: ka sa hu darak pasal, hu doanh nghiep blei; ka dua lac kein laba jang phun padai, ka klau lac hu bhapnini pachreih tui, ka 4 lac njauk saong quy hoạch. Piah trun takik dom khat lihik, padang dom dự án ngak nong cong nghe glaong,  praong meng sa tal dua ratuh hecta piah ngak hạ tầng thuỷ lợi duh ka bruk salih meng padai tapa phun mbang baoh, thủy sản saong njam patam.