Bà Rịa Vũng tàu: tavak tavaiy njauk ramik pasiam dalam padang ngak palei pala barau.

-Dalam 19 tiêu chí negar ka palei pala barau lac tiêu chí ka peih bruk ngak mbang saong mek jien tame hu dom huyện xã dalam tỉnh sangka di abih kayua tuk halei jeng bruk pandiak pambuak tal raidiuk di bhapbini. Ba akaok dalam bruk peih dom tổ ngak mbang saong hợp tác xã nghề hu huyện Đất Đỏ saong huyện Long Điền. Dua huyện ini urak ini hu yaok pluh tổ taong cap, raong pala kaya ikan dalam ia, jien mek tame di viên lac 47 triệu đồng saong 70 triệu đồng / sa thun, rilo jang meng 4,5% tal 59% duk saong tiêu chí jien mek tame di danakdak palei pala barau.

-Daok Hợp tác xã dịch vụ taong cap kaya ikan dalam ia Quyết Thắng di xã Phước Tỉnh, huyện Long Điền hu tal 18 kapal taong cap ikan; 44 sang lồng parabha kaya Ikan dalam ia, ba bruk ngak ka labaih 200 urang ngak dalam palei. Rik tame yaok ratuh triệu đồng ka kadung jien karja. Min, dua huyện nan jeng gaok kan kandah dalam bruk peih praong ngak mbang, rilo meng lac cơ sở hạ tầng. Di xã Phước Tỉnh, kan kandah di abih lac bruk cảng ikan di xã biak sit, oh pabak hu bruk di kapul kapal ikan nan. Ông Nguyễn Trính, Giám đốc Hợp tác xã dịch vụ taong cap kaya ikan Quyết Thắng, lac :’Kan kandah di abih lac bruk dui pachreih xã viên, bo urak ini oh ka hu cảng piah duh bruk hậu cần taong cap ikan, meng bruk lac kapal gilai oh hu cảng lac bruk duah gah pambuak bruk ngak mbang gaok kan kandah, HTX oh tagok hu rilo jang. Hợp tác xã caong rilo di abih lac hu cảng, meyah taneh karja khik, karja oh hu jien ngak ye jao ka HTX ngak piah hu cảng ngak mbang“

-Hợp tác xã hu rilo mbang pok panuac tagok huyện, tỉnh likau brei peih praong cảng ikan ini 370m tatua dẫn piah patrun bruk quá tải kapal angaok cảng ini min tal urak ini jeng oh ka ngak hu.

Daok  xã Lộc An, huyện Đất Đỏ, taphia 5 tổ pambuak gauk taong cap kaya ikan angaok tasik,  xã jeng padang hu sa Hợp tác xã dịch vụ taong cap kaya ikan dalam ia hu 25 xã viên, hu mban tacei bruk saong đề án ngak bruk, min tal urak ini jeng oh ka ngak bruk hu kayua kurang labik ngak bruk. Lingiu di nan, jalan tame tabiak pabah tasik pak ini daok hu rilo guh baok, ngak kan kandah ka bruk nao mai di kapal, ngak jhak tal bruk ngak di dom tổ pambuak gauk ngak mbang angaok tasik jeng ye jien mek tame di dom xã viên. Amuk Nguyễn Thị Hiền, akoak uy mban bhapbini xã Lộc An, lac: Xã Lộc An hu panuac likau huyện drak samal kuac gluh baok pabah tasik saong buh jien ngak veik cảng piah pachreih ghe gilai tame ngak bruk piah Lộc An patagok. Ndom ka tiêu chí 13 urak ini, Lộc An jeng padang hu Hợp tác  xã ngak mbang paje, min tal urak ini cơ sở vật chất ngak bruk oh ka hu, caong khin huyện pasang iek jao brei mặt bằng piah Hợp tác  xã  sản xuất drak samal tame ngak bruk”

-Caong khin jien mek tame di urang bhapbini patagok saong tani tanat lac njauk peih praong ngak mbang. Bruk kan kandah ini oh lac di dua xã Phước Tỉnh, Lộc An bo daok lac bruk di dom puk palei dalam tỉnh. Danakdak padang ngak palei pala barau ba tabiak bruk ka dom Hợp tác xã lac njauk ngak bruk hu kien laba, khang kajap. Min, bruk anak meta lac bruk ngak nong daok pagam pambak tame lingik tasik, tame yaom blei ka kaya nong. Bruk yau Yuan lac “Được mùa rớt giá, được giá mất mùa” dalam ngak nong, taong cap kaya ikan dalam ia daok jeng mboh nao, mboh mai meng livik mai di urang nong Viet Nam, kayua yau nan ye dom Hợp tác xã ngak nong, ngak ikan di tỉnh daok huyn akaok dalam jalan ngak.

-Xã Long Tân huyện Đất Đỏ jeng lac sa xã nao dahlau dalam danakdak padang ngak palei pala barau. Min, urak ini, bruk ba bruk ngak ka urang ngak dalam palei taok caong tame dom doanh nghiep meng gah lingiu tame pah libik ngak mbang. Jien mek tame di mikva puk palei jeng daok pambak tame bruk trun tagok di drak pasal. Ông Tạ Văn Bửu, akaok uy mban bhapbini huyện Đất Đỏ brei thau: Kan kandah bo huyện tacei pato langyah lac tiêu chí ka jien mek tame; tui quy định, tal thun 2018 jien mek tame kuhria tui yaok akaok menuac di palei pala barau lac 49 triệu đồng/ sa urang sa thun bo di palei pala rilo urang bhapbini tok diukrai meng ngak nong, pandap ngak tabiak yaom blei oh tani tanat. Mban tacei pato huyện hu kakei mikva ngak dom pandap takik pagam pambak tame yaom kaom darak pasar saong tacei pato mikva ngak mbang patagok năng suất piah trun takik jien đầu tư, laba glaong.

-Lingiu tiêu chí ka jien mek tame, padang bruk ngak mbang, dom tiêu chí ka  cơ sở vật chất , ka alam môi trường jeng lac dom asal kadha kan si peih ngak di dom xã urak ini. Pagap ye tiêu chí ka 6 ka cơ sở vật chất ilimo qui định : Xã palei pala barau njauk hu sang pakacah thể thao đa năng duh ka bruk ilmo, padhaih dalam xã. Peih ngak asal kadha ini njauk hu phun jien oh takik, nan ye njauk daok cang kadung jien meng angaok. Blaoh tiêu chí ka alam  môi trường, oh mbuan si peih ngak dalam tuk mikva urang nong daok patagok dom cơ sở  raong glang menuk ada, kaya ikan dalam ia. Bruk tuh thaik meng kaya raong di dom cơ sở ini tuk halei jeng ngak jhak tal labik daok.

   -Xã Lộc An huyện Đất Đỏ  daok hu panuac caong huyện qui hoạch libik raong glang menuk ada tập trung piah daong mikva puk palei hu libik raong njauk chuẩn hacih saat, taphia nan padheih bruk raong menuk ada sit sot ngak oh siam tal alam moi truong. Min, tal urak ini bruk ini jeng oh ka peih ngak hu.

   -Dom kan kandah ndom angaok nan  daok pacang jalan padang ngak palei pala barau di tỉnh Bà Rịa Vũng Tàu. Pasang iek tui Bộ tiêu chí negar abih gah ka padang ngak palei pala barau, urak ini dalam tỉnh Bà Rịa Vũng Tàu barau hu  20/45 xã ngak hu chuẩn palei pala barau, meblah 44% abih tih dom xã di tỉnh. Tui kuhria, dom xã, huyện drak samal ngak hu dom tiêu chí ka ilimo, thủy lợi, thông tin, điện pandar, sang bac…Daok dom tiêu chí kan si ngak hu chuẩn lac dom tiêu chí ka peih bruk ngak, ba brei bruk ngak, jien mek tame saong patrun patakik sang kathaot. Ông Nguyễn Tiến Bảy, akaok Chi cục patagok palei pala tỉnh Bà Rịa Vũng Tàu, lac: Kan kandah urak ini dalam padang ngak palei pala barau dahlau abih lac bruk sahneng di dom pakat ủy, meng pakat tỉnh tal pakat huyen, xã; dua lac patagok ngak mbang, paglaong jien mek tame ka urang bhapnini. Bruk anak meta brei mboh, dalam taneh ia hu sa mặt bằng yau gauk, yaom kaya nong trun tagok, ngak njauk ye laik yaom, hu yaom ye ngak oh njauk; angin hajan srau kadau ngak kan kandah tal dom phun công nghiệp, tal libik ngak sara, nan ye bruk praong di abih urak ini lac patagok ngak mbang.

-Nan  lac dom kan kandah, dom tavak tavaiy ba tabiak dalam tuk padang ngak palei parau urak ini di tỉnh Bà Rịa Vũng Tàu. Dom tavak tavaiy ini njauk hu dom pakat, dom nganh dom puk palei dalam tỉnh ba gauk ramik pasiam, meyah oh yau nan, lac bruk kham merat 80% dom xã di tỉnh mek hu chuẩn palei pala barau dalam dua thun tal lac kan si ngak hu./.

                                                                                 Thúy Linh