Ndih tapui tabiak di bhum taneh padai Thái Bình, meng sit Lê Văn Bình caong jeng sa thủy thủ piah hu tabiak tasik. Bình oh var hu bruk bui sambai tuk hu taduan tame ngak bruk di kapal kiểm ngư HP 926. Umo barau 27 thun min Bình hu ralo thun pambuak saong kapal, njauk riyak, njauk ngin, yam tapa dom kan kandah, ngak siam bruk hu jao brei. Lac sa urang thông tin di kapal, Bình kham merat yam tapa kan kandah, khik kajap bruk thông tin di kapal. Yaok mbang nao tasik jeng hu caik veik dalam saai ralo bruk kan var hu. Min meda lac mbang ini, tuk bruk đấu tranh daok rah tabiak catang, hu ba tame đảng angaok kapal HP 926 di “labik pandiak” Hoàng Sa hu jeng bước ngoặt dalam rai ngak menuac di saai.

Lễ ba tame đảng rah tabiak dalam trang nghiêm, ấm áp. Yaok urang mboh biak hadah mbaok meta tuk kadha daoh quốc ca yava tagok di kreh tasik biển đông bak riyak, yaom lac gah langiu dom kapal TQ daok duah jalan gây hấn, khiêu khích. Anak hala dok đảng, hala dok taneh ia, urang đảng ranaih umo angan Lê Văn Bình drut drui lac:

Băng: “Hu tame đảng dalam tukvak ini, dahlak mboh biak uan tabuan saong hadah mbaok meta, jeng lac sa bruk oh var hu dalam rai di drei. Dahalak saneng lac vinh dự dak praong ye trách nhiệm dak glaong, dahlak brei kham merat ralo jang gac”.

Dom harei ngak bruk di bhum tasik Hoàng Sa, kapal HP 926 bhian njauk dom kapal TQ khiêu khích, pandar vòi rồng công suất praong pruh ia tame kapal. Min Lê Văn Bình tuk halei jeng khik ka bruk liên lạc hu thông suốt, gam saong adei saai angaok kapal khang hatai đấu tranh, ndok TQ mek giàn khoang tabiak truh bhum tasik di taneh ia drei. Bí thư chi bộ kapal HP 926 Đinh Kim Thảo brei thau, ni oh njauk lac mbang camereip chi bộ peih bruk ba urang tame đảng angaok kapal. Min bruk ba tame đảng dalam tuk dom kapul chấp pháp di VN daok dấu tranh catang di bhum tasik Hoàng Sa yau tuk ini oh lac bruk hadah mbaok meta di ta-eng Lê Văn Bình bo daok lac bruk hadaah mbaok meta di dom urang kiểm ngư angaok kapal HP 926:

Băng: “Ba urang tame đảng dalam tuk kol dahlak daok đấu tranh khik caga chủ quyền tasik pulao. Ini lac bruk hu makna biak praong, abih di nyu nan lac makna gah chính trị. Pachreih ba chip adei saai dalam tuk ngak bruk. Saong meng nan nyu pambak praong tabiak  menuac urang karei, dom urang đoàn naih gheih karei hu hatai kham merat jang gac, piah hu jeng urang đảng”.

Ba urang tame đảng hu peih ngak di angaok kapal kiểm ngư dalam dom harei biển đông dậy sóng yau urak ini nyu pachreih ba adei saai hu mbaok patui ngak siam bruk đấu tranh khik caga chủ quyền bhum tasik VN./.