Dom labik ar pacang jaleih abih daok veik pasei saoh song dom tảng bê tông trak yaok rituh kg dok seik mai gah labik khik caga sang bhap bini. Nan lac dom khut khat di riyak tasik rah tabiak di dom jalan ar tapen tasik Bạc Liêu dalam dom harei tapa. Ong Đặng Văn Hòa, hu sang daok di tapen ar tasik Gành Hào, ban sit Gành Hào, huyện Đông Hải brei thau: Labik ni riyak tasik tabiak khang, dom tuk ia ndik riyak  paoh khang tapa hành lang khik caga  ngak talah, jaleih tường, ia duah sang, min trak di abih lac dom harei meng bloh riyak tasik paoh tagok glong labaih 10 mét tong jaleih rilo labik ar.Kuhria dalam 5 harei tapa, riyak tasik ngak khut jalan ar tasik atah labaih 60 mét.

” Riyak  nyu glong nyu paoh tame daneing sang ni nyu jaleih abih, jaleih 2-3 mbang, urang bahrau padang ngak veik, riyak nyu paoh glong. Hadei di tuk nyu tong jaleih yau nan, yaok ribau  boh sang di khu vực 1 ni , sang duah abih, pandap panda duah dalam ia abih, nyu ngak kan kandah tal rai duik mik va

Dom mbang riyak praongh paoh khang ngak tayah rilo labik ar dalam dom harei tapa, ngak ka ia tasik duah tame sang, kan kandah prong tal bruk ngak mbang ngak huak jang yau bruk pala drak, pablei salih di mik va.

Anak bruk nan, BL samar peih bruk ginum biai song hu mbaok di rilo urang ilamu di dom viện, sang bac, dom đơn vị tư vấn, dom sở, mban, ngành pambuak tal piah ginum biai duah jalan ngak pasiam veik. Taphia bruk duah thau cambaih makna ngak ka dom jalan ar  tasik ni  glut jaleih khang, dom urang ilamu jeng hu ba tabiak rilo jalan piah pasiam veik, khik caga ar tasik. Tiến sĩ Trần Văn Thái- Phó Viện trưởng Viện thủy công, Viện khoa học thủy lợi Việt Nam ba tabiak panuac caong lac :

 “Ngan song bruk yau urak ni, khol drei brei hu dom jalan ngak piah palahik riyak yau pandar cục Teraphot song dom cục tiêu sóng yau diện thủy công khol hulin dok ngak piah nyu pataom riyak tal ngak jeng sóng phản xạ. Jalan ngak suai lavik  jeng lac padang ar, pala phun di gah langiu piah patrun riyak. Hu rilo jalan ngak hu ba tabiak ye khol hulin gam song tỉnh palih ruah dom jalan ngak karei di gauk piah palih ruah jalan ngak siam di abih, nyu khang  kajap anak meta jang yau suia lavik.

        Njauk hatai song dom urang ilamu ka jalan ngak gây bồi, tạo bãi meng pambah tasik Gành Hào song tasik Nhà Mát, ong Dương Thành Trung- Chủ tịch Ubbhap bini tỉnh Bạc Liêu ndom lac: Tok hu jalan ngak ni meng khik caga siam mekre suai livik ka ar tasik, kayua bruk pala glai padang bồi, ngak bãi dong salih jalan ia nduac, oh ngak brei glut jaleih. Ong Trung jeng brei thau taphia bruk ba tabiak jalan khik caga ar tasik, BL jeng hu jalan paduan ba bhap bini tabiak truh labik glut jaleih kan kandah. Tỉnh hu panuac likau rajaei brei paduan ba dom boh sang dok tapen ar pacang, dalam glai pacang caga tal labik siam mekre song bruk ni hu rajaei njauk hatai. Urak ni BL dok padang ngak 3 khu định cư piah paduan ba dom boh sang tame gam tui nan lac dom sarak piah ka mik va hu jalan patagok KT boh sang./.