Pathau mik va song tong abih gauk! Nghệ sĩ Sơn Dem Sam Bô, daok di  phường 8, ban sit  Trà Vinh, tỉnh Trà Vinh lac sa urang jakar padeih hưu, min ong dok ba abih pren yava rik dong ka bruk nghệ thuật, dong khik ramik ilamu meng kan di bangsa Khmer. Ngọc Tươi, urang vak di rayo sap ndom Việt Nam dok di bhum taneran krong CL hu kadha vak khan ka bruk rik dong song dom bruk bo ong ngak hu. Daa mik va song tong abih gauk tui pang.

Nghệ sĩ Sơn Dem Sam Bô, angan biak lac Sơn Phước Thành, thun ni umo 68 thun, palei daok di phum Som Đách, xã Lương Hoà, huyện Châu Thành; urak ni lac phường 8, ban sit Trà Vinh. Meng sit ong biak takre nghệ thuật. Thun 1976, tuk nan umo 27 thun,  ong ngak bruk di  Đoàn  nghệ thuật tỉnh Minh Hải (urak ni lac  tỉnh Cà Mau). Tal thun 1986, ong mai palei saong tame ngak di Pasak ilamu tỉnh Trà Vinh mbiah tal harei padeih hưu. Dalam luac tukvak nan, langiu di bruk parang me-in, nghệ sĩ Sơn Dem Sam Bô hu paneh rilo kadha doh,tiểu phẩm kịch ngắn song thể loại Cham riêng cha pây… Ong jeng hu paneh panuac daoh bahrau ka yaok pluh kadha doh Aday đối đáp – sa janih  daoh biak gheih di bangsa Khmer.

Dom kadha doh di ong paneh hu pok meyaom Đảng, Wa Hồ, pok meyaom taneh ia palei negar, pathau khan ka chủ quyền tasik, pulao v.v… meng dom panuac daoh biak mbuan kanal, mbuan njom tame hatai menuac. Rilo kadha doh di ong hu dom đơn vị nghệ thuật palih ruah ba tame dom mbang hội thi, hội diễn song mek hu hạng glong. Dalam nan hu kadha doh Aday hu angan “Khik ramik ilamu bangsa” kayua ong song aruah nghệ sĩ Thanh Ly daoh di harei patom ilamu thể thao bangsa Khmer Nam Bộ mbang ka 3 di tỉnh Trà Vinh thun 2005 mek hu Huy chương meh. Ndom ka jalan ba ong tal nghệ thuật Aday, nghệ sĩ Sơn Dem Sam Bô khan lac:

Thun 1990, mboh bruk daoh  Aday ni hu mbuan si lahik nao, nan ye hulin nao blei radio song  tai nghe piah bac megru ilamu paneh kadha daoh… Labaih sa thun hadei, hulin meng paneh piah daoh dalam harei patom ilamu bhap bini di  huyện song  tỉnh.Tapa nan mek hu jak jeng ..

Nghệ sĩ ranaih umo Thạch SaRinh urak ni dok ngak bruk di Đoàn nghệ thuật Khmer Ánh Bình Minh, tỉnh Trà Vinh, hu rilo mbang daoh Aday đối đáp brei thau,  saai biak takre daoh Aday song biak takre dom  sáng tác di nghệ sĩ Sơn Dem Sam Bô, dom kadha doh di ong paneh hu ndung bak asal pato pakai biak glong. Nghệ sĩ ranaih umo Thạch SaRinh daok brei thau lac:

Aday đối đáp biak jiak song rai duik yaok harei, panuac aday di wa Dem Sam Bô paneh, mik va pang biak takre song var abih gleih glar hadei di sa harei ngak bruk. Kadha daoh hu asal pato pakai song khik ramik ilamu nghệ thuật bangsa, pagap yau khik ramik khan aow meng kan, nao baha cuh ngui yau habar ka lagaih song bruk anit ranam palei negar, palao tasik tra. Hulin biak takre song kham bac tui wa nan. 

Yaom lac padeih hưu rilo thun,  min nghệ sĩ Sơn Dem Sam Bô jeng daok abih hatai song nghệ thuật, daok paneh tabiak song hu rilo đơn vị yau: Đoàn nghệ thuật Khmer Ánh Bình Minh, tỉnh Trà Vinh; Đoàn nghệ thuật Khmer tỉnh Cà Mau; Đoàn nghệ thuật Khmer tỉnh Bạc Liêu… đặt hàng dom kadha doh bahrau. Tapa nan brei mboh bruk tín nhiệm di dom đơn vị brei ka ong.

Urak ni, sang nghệ sĩ Sơn Dem Sam Bô hu blei bộ nhạc meng kan piah duh ka mik va atah jaik. Tong yaom ka dom rik dong di nghệ sĩ Sơn Dem Sam Bô ka nghệ thuật, ong Trần Thanh Tâm - Phó hiệu trưởng sang bac Trung cấp ilamu Nghệ thuật Trà Vinh ndom lac:

Tapa tukvak ngak bruk dalam Đội thông tin lưu động Khmer tỉnh Trà Vinh, ong Dem Sam Bô biak abih hatai dalam bruk ngak. Dom danak dak doh tamia di Đội hu ong biên tập, dàn dựng. Thun 2002 tuk sang bac Trung cấp VHNT Trà Vinh hu mbaok  di Liên hoan âm nhạc  song  kịch hát bangsa pakat negar, kayua Mintri ilamu  TT peih ngak  di Huế, sang bac khol hulin hu nghệ sĩ Dem Sam Bô paneh kadha daoh Aday đối đáp ka 2 học viên parang main song mek hu  Huy chương pariak. Meda lac nghệ sĩ Dem Sam Bô biak joi  paneh kadha daoh Aday đối đáp, dui pachreih urang maong iek.

Piah ba Aday đối đáp tame dalam rai duik yaok harei song abih di nyu nan lac dui pachreih hu urang ranaih umo, nghệ sĩ Sơn Dem Sam Bô kakei lac:

 Hulin likau kakei tal dom urang ngak nghệ thuật njauk ba gauk tame khik ramik ilamu nghệ thuật di bangsa, jang yau Aday đối đáp. Urang halei gheih ye kham merat sáng tác song pachreih ba rairah ranaih umo hu mbaok tame. Rup hulin jeng yau nan. 

Nghệ sĩ Sơn Dem Sam Bô halan hatain klah rabha ilamu sáng tác song cong khin  abih menuac sia, dalam nan hu urang ranaih umo ba gauk tame dong khik ramik song patagok nghệ thuật meng kan di bangsa. Meng dom rik dong yau nan, nghệ sĩ Sơn Dem Sam Bô taduan hu hatai anit ranam di mik va, jang yau dom urang ngak nghệ thuật./.