Dom thun tapa, gam saong ngak siam bruk khik  kajap an ninh quốc phòng, dom urang jakar, urang lin mBan chỉ huy quân sự huyện biên giới Buôn Đôn (di Bộ chỉ huy quân sự tỉnh Đắk Lắk) daok kham merat daong brei karja, daong bhap bini dom xã di huyện Buôn Đôn padang ngak palei pala bahrau. Tapa nan, daong ka ia mbaok palei pala hu rilo salih bahrau, raidiuk bhap bini dak harei siam tgaok, pakhang pakajap "tình quân dân", ba gauk dak padang saong khik caga taneh ia. Kadha vak di Tuấn Long, urang vak di rayo sap ndom VN daok di bhum Tây Nguyên. 

 Jalan pambuak palei 10  saong palei 11 di xã Ea Bar, huyện Buôn Đôn, tỉnh Đắk Lắk atah labaih meteh mbaik jalan hu tuh bê tông samu tapak, praong labaih 3 mét; 2 gah jalan jeng hu la-ua biak samu, tapak, hacih, mekre. Nao angaok jalan yaok harei, sa-ai Phùng Văn Thời, daok di palei 11, xã Ea Bar, huyện Buôn Đôn khan lac, hu jalan ini nyu ngak brei salih bahrau mbaok meta di 2 palei, daong ka bhap bini nao mai mbuan lagaih, pajeng ba kaya nong jeng hu mbuan lagaih jang dahlau daih biak rilo. Ini lac jalan Karja saong bhap bini ba gauk ngak, abih di nyu nan lac dom urang lin di mBan chỉ huy quân sự huyện Buôn Đôn hu daong pren ngak jalan. Sa-ai Phùng Văn Thời khan lac:"jalan ini dahlau daih lac jalan haluk, gluh baok mikva nao mai biak kan kandah. Hadei di tuk hu bộ đội daong pren ngak jalan bê tông, urak ini mikva nao mai mbuan lagaih, pajeng ba kaya nong bilan hajan oh daok kan kandah yau dahlau daih tra. Meng hu bruk daong di bộ đội dalam padang ngak palei pala bahrau, nan ye ia mbaok palei pala urak ini hu hadah hadai tagok"

Xã Ea Bar di huyện Buôn Đôn hu UBND tỉnh Đắk Lắk pilih ruah lac xã điểm di tỉnh ka padang ngak palei pala bahrau. Tal tukvak ini, xã ngak hu bloh 16/19 tiêu chí. Ong Nguyễn Văn Đức, Phó bí thư Đảng ủy xã Ea Bar, huyện Buôn Đôn brei thau, meng ini tal abih thun 2018 ini, xã kham merat ngak ka pahu 3 tiêu chí daok veik nan lac: môi trường, sang kathaot saong labik bac da-a. Piah ngak hu kadha ini, biak caong hu bruk daong pren di dom pakat, dom ngành, bol bhap rahra, dalam nan hu bộ đội daok dalam xã: "Huyện đội dahlau daih hu rik daong biak rilo bruk yau ye: ngak jalan bê tông nao mai dalam palei, pasiam jalan, padang ngak sang anit ranam. Anak tal, xã jeng hu panuac  tagok mBan chỉ huy quân sự huyện daong pato pakai gah dân quân tự vệ piah khik kajap an ninh chính trị: sangka padang ngak sang anit ranam ka urang kan kathaot. Tapa nan, daong ka xã khik kajap hu tiêu chí sang kan kathaot tui tiêu chí bahrau."

Tui kuhria mboh di mBan chỉ huy quân sự huyện Buôn Đôn, meng thun 2011 tal urak ini, hu daong 750 harei ngak bruk piah ngak jalan, pasiam dom kraong ribaong thủy lợi, rami ramik sang bac, bilai iek ruak, ngak bahrau 8 baoh sang yaom 560 triệu đồng brei ka dom sang kan kandah, urang dalam sarak karja. Thượng tá Hồ Lương, Chính trị viên Ban chỉ huy quân sự huyện Buôn Đôn lac: "Patui danak dak bruk ngak negar di gah pan phao kraong daong pren padang ngak palei pala bahrau, kol dahlak daok brei daong bhap bini ngak bahrau dom jalan, pasiam dom kraong ribaong thủy lợi piah khik kajap bruk patagok pala drakt. Dalam thun 2018, kol dahlak daok ieu pataom dom doanh nghiệp, dom urang ngak pahla piah hu jien padang ngak sang jum pataom ka urang kan kathaot. Patui bruk daong, tham mưu, tacei pato dom xãngak siam bruk khik kajap an ninh quốc phòng piah khik kajap tiêu chí ini."

Meng dom bruk ngak siam dalam bruk daong padang ngak palei pala bahrau, dom thun tapa, dom urang jakar, urang lin mBan chỉ huy quân sự huyện Buôn Đôn hu Bộ chỉ huy quân sự tỉnh Đắk Lắk, dom pakat, dom ngành di puik palei pok brei rilo harak meyaom./.

 Thúy Linh