Ban raya HCM jhul khang patagok ngak nong do thi

 
       Pathau mikva saong grauk yut ! 
       Urak ini, dom hội viên urang nông ban raya Hồ Chí Minh daok kham merat hu mbaok tame bruk dak padang saong patagok ngak nong đô thị. Tapa nan, hu mboh dom bruk ngak mbang ba mai kein laba glaong ka urang nong yau : bruk pala phun phong lan, pala njam an toàn dalam sang lưới; kapul pambuak bruk raong limo ia tasau, raong baya tui quy trình công nghệ glaong. Thúy Linh – urang vak di rayo sap ndom VN daok di ban raya Hồ Chí Minh hu kadha vak brei thau ka bruk ini, daa mikva saong grauk yut tui pang : 

      Bruk pala bingu lan di saai Đặng Thị Thanh Thủy daok di khu phố Long Bửu, phường Long Bình, quận 9 hu maong lac sa điển hình di bruk ngak nong  đô thị.  Bruk njauk ndom nan lac saai Thủy khang hatai salih bruk ngak kiak ba tal nerak alam môi trường tapa pala labaih 100 rabau phun phong lan tui quy trình công nghệ glaong. Tui nan, saai hu buh jien tabiak ngak phòng cấy mô piah pabam pajaih phun lan; ngak jalan pruh ia, pruh jru saong pruh khak tự động; ngak sang lưới piah khik ẩm saong nhiệt độ ka labaih 100 rabau phun phong lan. Meng bruk pasang iek siam, kỹ thuật njauk, nan ye bingu lan di sang hu biak rilo janih saong gheih mekre, hu darak pasal takre. Bruk pala phong lan di saai urak ini daok hu pambak praong kayua kein laba saong yaom jien mek tame yaok ratuh triệu đồng sa thun “ Hu karja pachreih ba peih dom tan pato ka ky thuat pala lan, bac di uy mban bhapbini Phường, trạm pachreih nông blaoh daong phun pajaih; daong lãi suất di ban raya . Meng hu kapul urang nong brei pambuak pagam dom mbang darak, piah dom adei saai pablei pandap saong taom gaok gauk piah duah thau gauk,  hu jalan piah pablei salih, pablei pandap”
 
      Langiu bruk pala bingu lan di saai Đặng Thị Thanh Thủy di quận 9 daok njauk ndom tal dom bruk njauk caik hatai yau bruk raong limo ia tasau di ông Trần Văn Dinh di ấp Dân Thắng 1, xã Tân Thới Nhì, huyện Hóc Môn; bruk pala saong pablei salih dom pandap meng bimao di hội viên Lê Hà Mộng Ngọc daok di xã Phú Hoà Đông, huyện Củ Chi; bruk pala njam an toàn di ông Vũ Văn Hưng daok di xã Xuân Thái Thượng, huyện Hóc Môn… 

                                               

      Trang trại limo ia tasau di ông Trần Văn Dinh, di ấp Dân Thắng 1, huyện Hóc Môn urak ini hu labaih 45 drei.  Yaok harei, sang ông Dinh mek hu labaih 700kg ia tasau piah pablei ka Công ty Vinamilk. Ndom ka bruk jak jeng, ông Dinh brei thau, hu yau nan meng hu pataom mbaok tame dom tan pasram, ginum biai ka raong limo ia tasau, meng di nan ong ngak njauk quy trình công nghệ glaong dalam bruk pilih ruah anek pajaih siam, haci hacih var raong; ngak hầm khí bioga xử lý ia nerak khik caga alam môi trường ; padang mblang hareik piah pabak pandap mbang hijao ka limo; taphia nan, ông daok pambuak bruk saong dom sang raong limo ia tasau di puk palei piah klah rabha alamu raong glang dak harei dak siam jang. Ông Dinh lac : Urak ini ban raya drei daok hu jalan ngak nong đô thị, limo ia tasau meyah caong khik ramik ye ngak habal drei xử lý hu ia nerak piah oh ngak brei nerak alam môi trường yau nan ye dom sang raong limo njauk hu hầm bioga; taphia nan jeng njauk pandar dom alamu kỹ thuat,  cơ giới hóa di tapol limo piah năng suất ia tasau di limo dak harei dak glaong jang ”  
                                              
        Hu peih ngak labaih sa thun ini mai, bruk urang nong hu mbaok tame dak padang saong patagok gah ngak nong đô thị ngan saong bruk salih barau jalan ngak piah paglaong yaom, parilo pandap panda kaya nong, taphia nan pasiam raidiuk ka yaok sang, trun khoảng cách ka bruk daok, jien mek tame di thành thị saong palei pala hu rilo tín hiệu siam. Urak ini, dalam ban raya hu 72 Hợp tác xã saong  251 Tổ hợp tác hu mbaok tame bruk, jien mek tame tagok tal yaok ratuh trieu dong. Ndom ka kein laba kinh te di bruk salih janih phun pala dalam gah ngak nong  đô thị, ông Nguyễn Sỹ Phước, Phó akaok kapul urang nong huyện Hóc Môn brei thau : “ Urak ini ngan saong taneh jaik 500 mét vuông meyah pala njam mầm ye kein laba nyu ba mai meda sumu 10 hecta pala padai; atau lac bingu lan, phun kiểng di taneh ngak jaik 1000 tal 2000 mét vuông jeng meda ba mai kein laba glaong jang dom mbang duk saong ngak dom bruk karei di gah ngak nong.
 
      Anak tal, piah patagok ngak nong đô thị khang kajap, Kapul urang nong ban raya Hồ Chí Minh hu ba tabiak dom bruk ngak cambaih laih, nan lac: patagok talei pambuak bruk saong dom Sở, ngành piah ngak veik dom dankadak yau : ndom biai, ginum biai, pasram megru piah ngak habal paglaong akaok sahanneg di urang nong dalam bruk pataom tame ngak nong tui công nghệ glaong; jak ba urang nong pambuak bruk ngak praong, ngak tabiak pandap pandap tui chuỗi giá trị …piah pandar công nghệ glaong tame ngak ngak mbang, paglaong jien mek tame. Jeng tui  ông Trần Trường Sơn – Phó akaok kapul urang nông ban raya  Hồ Chí Minh, ban raya sangka pataom tame dom nhóm ngành nghề, pandap chủ lực,  khik caga hu siam ka urang blei . Ông Sơn brei thau : “ Gah bingu lan hu kapul urang nong gam saong dom Sở ngành sangka, meyah thau pambuak bruk veik saong thau pandar dom janih pajaih barau, pandar công nghệ glaong tame ngak jia lac bingu lan ban raya oh lac pablei hu yau domn thun dahlau bo meda hu angan karei; bruk ka dua lac pala njam an toàn; kol dahlak jeng pataom tame ka dom urang raong ikan kiểng pandar dom phần mềm khik ramik raong glang, meda ba tabiak sa quy trình piah khik caga tiêu chuẩn pablei tabiak taneh ia lingiu. Kol dahlak jeng mboh dom tiềm năng ini saong kol dahlak daok ba tabiak jalan piah urang nong meda pasang iek dom bruk ngak nan piah patagok. 

      Meng bruk kham merat hu mbaok tame di dom hội viên urang nông gam saong bruk tacei pato di dom pakat kapul urang nong ban raya Hồ Chí Minh, bruk pambuak gauk siam di dom urang alamu, jia lac, gah ngak nong ban raya Hồ Chí Minh samal patagok khang; rik daong mbeik drei tame drah samal saong bruk ngak nong hijao, an toàn, khang kajap di dom taneh ia dalam khu vực. /.

Thúy Linh