Ban raya Ho Chi Minh: Urang nong ngak meda meng raong ikan cảnh

Ông Nguyễn Văn Thạch daok di xã An Phú Tây, huyện Bình Chánh hu kak kajap saong bruk raong ikan cảnh memg labaih 7 thun ini mai. Meng raong sit, ông Thạch gam duah thau, gam pambakh praong dom janih ikan quý ye: ikan Dĩa, ikan La Hán, ikan chép Nhật, ikan Kim Hoàng, ikan 7 sambo màu. Urak ini, di taneh raong tok labaih 500 m2, ông Thạch hu labaih 100 rabau drei ikan cảnh yaom abih tih labaih 1 tỷ đồng. ông Thạch brei thau, meng 3 thun ini mai, tuk pandar hệ thống tuần hòan  raong ikan, sang ông mek jien tame labaih 300 trieu dong yaok thun. He thong ini hu dom thiet bi biak dơn giản ye: mac bơm ia, điện tử điều khiển dom van ia, dom thùng ia meng nhựa, bể padang, bộ lọc saong dom ống nhựa piah ba ia. Ông Nguyễn Văn Thạch, po cơ sở  raong ikan cảnh An Phú Tây, huyen Bình Chánh, ban raya Ho Chi Minh khan lac: “Dahlak eng drei duah piah ngak tabiak dom he thong ini kayua drei caong blei jeng oh hu, kayua langiu darak pasal oh hu. Tuk dahlak raong ikan dahlak mboh njauk hu. Dahlak ngak rilo quy trinh saong tal harei ini dahlak meng ngak tabiak hu nyu. Dahlak hu ba dom thiet bi ini ngak biak mbuan piah pandar tui jalan cơ học. tuk khut thiet bi halei nan, urang nong meda salih hu”

Ban raya Ho Chi Minh urak ini hu labaih 500 sang raong ikan cảnh, dalam nan jaik 300 sang hu laba meng 100 triệu dong tagok yaok thun. Ban raya jeng hu jaik 600 cửa hàng pablei salih ikan cảnh di grauk 24 quan, huyen. Meng mbaok ia praong saong bruk pablei salih dak harei dak glaong, bruk raong ikan cảnh daok hu rilo sang bhapbini patagok khang di dom huyen Củ Chi, Hóc Môn, Bình Chánh, Quận 9, Thủ Đức. Piah paglaong chat luong saong san luong raong ikan cảnh, rilo urang nong di ban raya hu ngak tui jalan khik ramik siam dalam raong ikan cảnh (ieu katut lac GMP). Tiến sỹ Vũ Cẩm Lượng, Chủ nhiệm đề tài padang ngak quy phạm raong ikan cảnh di ban raya Ho Chí Minh brei thau: Bruk pandar quy phạm GMP dalam raong ikan cảnh meda daong ka gah raong iakn cảnh jak jeng saong kein laba jang, pagap ye dalam khik ramik chat luong ia, khik ramik anek pajaih…kol dahlak hu ngak dahlau quy pham ini di bruk raong.

Tui ông Nguyễn Hoài Hữu Phú, akaok uy mban bhapbini huyen Củ Chi lac labik nao dahlau dalam bruk raong ikan cảnh di ban raya Ho Chi Minh, ye bruk raong ian cảnh oh caong ralo taneh yau pala dom janih njam patam, nyu lagaih saong bruk di urang nong do thị. Yau nan ye di sa taneh raong, meyah raong ikan cảnh meda ba mai kein laba urang nong rilo jang 10 mbang duk saong pala njam. Urak ini, di huyen Củ Chi hu 560 ha taneh ngak nong, dalam nan taneh raong ikan cảnh tok hu 35 ha, brei sản lượng 110 trieu drei ikan cảnh yaok thun, mek hu yaom jien lac 120 ty dong. Ông Nguyễn Hoài Hữu Phú, akaok Ủy mban bhapbini huyện Củ Chi khan lac: Kol dahlak mboh lac hu siam lagaih biak praong lac libik ia taba di Kênh đông, meng siam lagaih ini kol dahlak pandar ngak pajaih ikan piah pablei ka darak pasal gah timul saong Tây Nam bộ. Dom libik lac kol dahlak qui hoạch piah raong ikan cảnh. Hu dom công ty sa thun meda pablei tabiak taneh ia langiu dom pluh trieu drei ikan cảnh saong mek mai dom trieu đô, bruk nan lac biak mbuan.

Uy mban bhapbini ban raya Ho Chi Minh barau phe duyet quy hoach patagok raong pala saong pablei ikan cảnh tabiak taneh ia lingiu tal thun 2020, kham merat mek hu san luong meng 150 tal 180 trieu drei. Dalam nan, ikan cảnh caik piah pablei tabiak taneh ia lingiu hu 40 tal 50 trieu drei ngan saong kim ngach hu 40 tal 50 trieu do la Mỹ. Piah ngak hu bruk ini, abih dom labik raong ikan cảnh di ban raya meda pataom tame danakdak tui iek an toan jit ruak piah pabak bruk pablei tabiak dom darak pasal dalam khu vuc saong dunya.