Ong Kiều Văn Thành daok di palei Cam Văn Lâm, huyện Thuận Nam, tỉnh Ninh Thuận biak uan tabuan tuk 5 sào nho di sang ong daok caga paik baoh njauk di tuk Ninh Thuan peih le hoi Nho saong vang thun 2016. Ong Thành ndom lac: Bruk lễ hội Nho rah tabiak dalam tuk mbang Kate  di urang bangsa Cam nan ye hu rilo tuai damuai mai rivang iek bein nho. Yau nan ye, ong kham merat iek glang, rami ramik bein nho ka nyu siam brei ka tuai damuai tame rivang iek, duah jien tame ka baoh sang. Ong Thành lac:

“Dahlak pala nho lavik thun. Hu Festival njauk di tuk Kate, dahlak biak uan tabuan kayua hu rilo urang thau tal nho Ninh Thuan. Caong khin dom jabat yaih khan rilo jang piah hu rilo tuai damuai atah jaik thau tal nho Ninh Thuan.”

Nho nan lac janih phun pala rilo ba mai kein laba kinh tế glaong ka bhap bini Ninh Thuan dalam nan hu urang bangsa Cam. Di huyen Ninh Phước, taneh pala nho labaih 400hecta. Ini lac palei hu palih ruah piah yaih khan saong tuai damuai tame rivang dom bein nho bak baoh, mbang iek baoh nho pahe, yamen bingi, duah thau ka bruk pala nho jeng yau urang pala nyu. Dom urang ndam gam saong phun nho lavik thun yau ong Báo Nùng tuk halei jeng caong khin, tapa le hoi nho, Ninh Thuan duah hu jalan piah cak rok patagokkhang kajap ka phun nho. Abih di nyu nan lac bruk darak pasar piah ka urang nong hu labik pablei nho. 

Ông Báo Nùng- xã Phước Nam, huyện Thuận Nam, tinh Ninh Thuận brei thau:

 “ Sa urang ngak nong yau dahlak caong khin di abih nan lac hadei di le hoi nho ini ngak habar cong ty khan brei ka urang nong khol dahlak thau ilamu ka jru cavao, khah drah hu tani tanat.”

Hadei di rilo thun roh dauh, pala iek,bahrau ini,Viện roh duah phun kapah saong patagok ngak nong Nha Hố hu ba tabiak saong jao brei pajaih nho birau NH01-152. Meng dom siam lagaih lac baoh praong, tuk tathak sambo bhong jangaih, pajaih nho NH01-152, caong lac peih tabiak jalan siam mekre ka urang apla nho di Ninh Thuan. Saong ini lac dom janih siam di abih piah ka urang pala nho Ninh Thuan yaih khan saong urang tuai dalam Le hoi Nho saong Vang anak tal.

Ong Bạch Văn Nguyên, phó akok UB bhap bini huyen Ninh Phuoc, tinh Ninh Thuan lac:

“ Tapa le hoi Nho saong Vang Ninh Thuan jia lac bruk pala nho hu hadah hadai jang. Anak meta, hu  bruk sangka daong di Karja, dalam nan hu ilamu công nghệ, phun jien saong darak pablei pandap ngak meng  nho.” 

Le hoi nho saong vang Ninh Thuan 2016 daok mai tal. Bhap bini Cam jeng yau urang pala nho Ninh Thuan daok chreih chrai salam uan bruk praong ini./.