Bhapbini Khmer di phun sóc barau An Bình

          Pathau mikva saong grauk yut !

        Hadei di labaih 10 thun mai daok di libik barau, raidiuk bhapbini Khmer di xã An Bình, huyện Phú Giáo, tỉnh Bình Dương hu rilo salih barau, rilo urang yam tagok tabiak truh kan kathaot, jeng dom sang ngak mbang pablei salih naih joi. Kadha vak di Aí Nghiêm, urang vak di rayo sap ndom VN daok di ban raya Hồ Chí Minh ndom ka bruk salih barau ini :

Tui taha palei Ngưu Ngọt di ấp Nước Vàng, xã An Bình, huyện Phú Giáo, tỉnh Bình Dương, hadei di labaih 10 thun ini mai, raidiuk bhapbini Khmer hu lahei jang, oh daok sahanneg ka bruk kurang mbang, kurang cuk, thei jeng biai gauk ngak meda. Thun 2004, tỉnh Bình Dương patabiak Quyết định ka 7391brei padang libik định canh định cư bhapbini bangsa takik An Bình, huyện Phú Giáo. Libik daok barau hu taneh praong 200ha, piah daong ka bhapbini  bangsa takik hu libik daok tani tanat, patagok ngak mbang, patruh eik patrun kathaot saong paglaong mbang ngui, daok dang : Bhapbini  Khmer kol dahlak hu karja , Đảng sangka brei taneh pala drak, brei sổ đỏ. Bhapbini kol dahlak sahanang hatai pala drak, pala cao su, pala pa ok blait, tani tanat raidiuk.

     Mbaok meta libik định canh định cư bhapbini bangsa takik An Bình urak ini lac bruk takik urang libik ini sahaneng tal. Ralo sang hu padang ngak praong, mekre,  nội thất sang trọng, daning ốp kayau, patau trang trí, tabung sang hu gom chùm…Amuk Kim Thị Nguyệt daok di libik định canh định cư bhapbini bangsa takik An Bình brei thau : Dahlau thiah, sang dahlak lac sang kathaot, thun 2004 hu karja palei sangka brei 1hecta taneh di libik tái định canh định cư ini. Dahlak pala cao su di taneh hu brei nan, yaok thun laba hu yaok pluh triệu đồng. Urak ini, sang dahlak tabiak truh kathaot.

      Urak ini, hu 112 sang bhapbini Khmer hu brei taneh ngak mbang, abih tih labaih 116 hecta. Dom sang daok hu daong pajaih phun pa ok blait, khak drak saong dom janih phun pala katut harei piah pala pablak. Rilo sang bhapbini Khamer di ini daok hu brei limo pajaih piah rik daong ba brei bruk ngak saong patagok jien mek tame. Sang ông  Kim Phước dahlau thiah kayua kurang taneh pala drak nan ye sang ông biak kan kandah, ông njauk nao ngak pah ngak pajoa piah duah jien raong diuk anek. Kuhria meng tuk hu brei libik daok barau, ông oh daok sahaneng bruk kurang taneh pala drak. Langiu di nan, sang ông jeng hu brei limo binai. Meng bruk pala pa ok blait, cao su, raong limo, yaok thun sang ông mek tame hu labaih 80 triệu đồng. Thun ini , cao su tabiak rilo katak, pablei hu yaom glaong, sang dahlak hu jien mek tame ralo. Hu karja brei taneh pala drak, barau ngak blaoh baok jalan tra yau nan ye bruk nao mai, pajeng ba di mikva kol dahlak biak mbuan lagaih.

          Dahlau di tuk hu dự án mai daok labik barau, raiduk bhapbini Khmer di xã An Bình biak kan kandah, abih 218 sang lac sang kathaot. Urak ini, sang kathaot tok daok jaik 2%. Jien mek tame kuhria tui akaok menuac di dom sang bhapbini Khmer lac 25 triệu đồng yaok urang sa thun. Ông Võ Văn Lợi, akaok Ủy ban bhapbini xã An Bình, huyện Phú Giáo, tỉnh Bình Dương brei thau : Meng tuk karja brei taneh tal ini, bhapbini kham merat ngak mbang, rilo sang hu yam tagok ginup, meda. Min, jeng daok hu dom sang kathaot daok kham merat yam tagok. Karja palei jeng daok jak ba mạnh thường quân, công ty, xí nghiệp… dalam puk palei daong bhapbini yau: padang sang anit ranakm ka bhapbini hu libik daok tani tanat.

-Bhapbini Khmer di xã An Bình daok chreih bui kayua raidiuk dak harei dak ginup meda jang. Yaok urang di labik ini daok hu jalan piah yam tagok ngak meda, ba gauk dak padang phum sóc barau trei sir./.