Mong tame dom mblang hamu bậc thang siam yau rup cih di xã bhum ceik Xím Vàng, oh thei sahaneng lac dahlau daih, labik ini lac dom glai tạp atau dom mblang hamu klak saoh. Meng tuk hu phun jien 30a di karja dong tui  yaom 10 triệu đồng sa ha taneh bilau song 5 triệu đồng sa ha pasiam veik, bhap bini hu pala drak tui mùa vụ.

Ong Hạng A Vừ lac: “ Dahlau deih bhap bini bangsa Mông bhian randap haong bruk nao mai tự do, oh dok lavik di sa bhum taneh halei. Min, meng di tuk hu bruk pathau khan, dong ba di karja ka sarak peih taneh bilau ngak hamu, khol hulin oh dok nao yau dahlau deih tra.

Tui kuhria yaok thun, bhap bini xã Xím Vàng peih taneh bilau hu labaih 10 ha hamu ngak padai ia. Hu karja dong pajaih, ilam, pabak ia pruh, nan ye padai tamuh sia, năng xuất tui kuhria hu meng 40-50 tạ  sa h, rilo hamu hu labaih 50 tạ sa ha,sản lượng tui kuhria hu labaih 1.700 tấn. 

Padai ia ngak njauk, mik va bui sambai. Saai Mùa Thị Sua brei thau “ sang hulin tam padai meng lavik ye. Sang urak ni hu labaih 1 ha padai, padai dom thun ni ngak njauk, hu yaom, urang nong bui sambai lô, oh dok huac iek lipa yau dahlau deih.

          Xã Xím Vàng  daok di labik glong jiak 1.500m dut song mbaok ia tasik. Kayua taneh rija hu độ dốc prong, nan ye bhap bini bhian palih ruah dom baoh mbon ceik beir, mek ia meng ceik glong ba trun piah peih taneh bilau ngak hamu bậc thang. Xã hu 7 palei, labaih 400 boh sang, mblang hamu prong labaih 800 ha. Xã kham merat tal thun 2017, yaok boh sang hu sa ha padai ia, khik ginup padai brah di labik./.