Xã  Long Phú, huyện Long Phú, lac xã bhum atah bayah di tỉnh Sóc Trăng hu jiak 80% urang Khmer. Bruk kuhria caga ka harei palih ruah dok chreih chrai tagok. Băng - rôn, pa – nô pathau khan ka harei palih ruah hu tual grauk dom phum sóc . Sap loa papar sap yava tagok 3 mbang yaok harei… Gam tui nan, bruk pathau khan ka harei palih ruah tapa dom kapul, nyaom, dom mbang ginum biai ngak ka puk palei biak chreih chrai. Ong Thạch Sopho, cử tri urang bangsa Khmer Khmer palei  Bưng Thum xã Long Phú lac:

Nao pathau khan ye mban palih ruah hu sangka, kakei cử tri ngak yau habar drei kham ngak siam nghĩa vụ song quyền di drei. Drei brei nao pilih ruah tapak, oh nyim urang karei nao ka drei, piah drei peih ngak quyền dân chủ di drei, palih ruah njauk urang naih gheih piah lambaok ka drei.

Labaih 2 bilan ni mai, dom bhum hu rilo urang Khmer di tỉnh Trà Vinh gam gam hu pabak khau tin ka harei palih ruah urang ka QH song hội đồng bhap bini. Ong Thạch Ngàn,urang dalam Ban quản trị  baha xã Đa Lộc, huyện Châu Thành brei thau: cử tri biak caik hatai tal ilamu, bruk bac da-a di dom urang tabiak ứng cử. 

Hulin mboh ilamu di dom ứng cử viên mbang ni glong jang dut song dahlau deih song cử tri biak sangka. Tapa nan, Mban quản trị baha jeng hu pathau khan brei phật tử, nao palih ruah hu dom urang naih gheih siam hatung hatai piah dak padang taneh ia dak harei dak tagok.

Piah mik va urang Khmer di 4 huyện Gò Quao, Hòn Đất, An Biên song Châu Thành thau cambaih ka harei palih ruah, tỉnh ni hu ngak tài liệu pathau khan tui jalan tangi sua katut panak piah ka mik va mbuan thau. Ong  Danh Ngọc Hùng, Trưởng ban bangsa tỉnh Kiên Giang brei thau, hu in băng đĩa CD meng sap Khmer brei ka 76 boh baha Khmer dalam tỉnh song dom xã hu rilo urang Khmer daok, brei ka rayo papar sap dom huyện papar sap dom băng đĩa ni.

          Tapa pathau khan dong ka mik va, cử tri urang bangsa hu tha, peih ngak njauk dom quy định di hukum ka quyền song nghĩa vụ di bhap bini dalam bầu cử, ứng cử. Abih di nyu nan lac dom tanut chuẩn ka urang QH, hội đồng bhap bini, saong bruk palih ruah dom urang hu ginup tiêu chuẩn ngak urang QH mbang 14 song hội đồng bhap bini dom pakat, piah mik va kham merat hu mbaok tame pilih ruah, piah ka hrei bầu cử njauk lac harei roya di bhap bini 

        Baha lac labik piah mai tal di urang Khmer Nam bộ. Nan ye dom baoh baha hu karja palei mek ngak labik pathau khan ka bầu cử song lac labik plaik phiếu. Thượng toạ Lý Long Công Danh, Trụ trì baha Thuỷ Liễu, huyện Gò Quao, tỉnh Kiên Giang brei thau: baha hu patagok bruk peih băng pathau khan ka mik va mai baha thau cambaih jang dom quy định ka bruk bầu cử.

        Dalam harei rằm, harei 30 yaok bilan mik va phật tử mai baha biak rilo. Hulin lac trụ trì di labik ni, tuk ngak lễ bloh, hulin jak ba mik va, khan brei phật tử dalam xã thau ka harei 22/5 anak tal lac harei bầu cử hội đồng bhap bini dom pakat. Tapa nan mik va biak sangka palih ruah dom urang hu đức, hu tài

      Grauk labik di bhum taneran krong CL, urang Khmer dok chreih chrai caga ka harei pilih ruah urang ka Qh mbang 14 song urang ka Hội đồng bhap bini dom pakat tuk vak 2016-2021./.