Lac huyện tapen negar, hu rilo urang bangsa takik, huyện Bù Gia Mập, tỉnh Bình Phước peih bruk palih ruah lagaih song yaok urang, yaok puk palei. Thau lac  pathau nan sa bruk prong, huyện kham merat tacei pato ủy ban palih ruah dom xãban sit tagok bruk pathau khan ka mik va thau ka harei palih ruah, quyền lợi song nghĩa vụ di cử tri tuk hu mbaok palih ruah. Ủy ban bầu cử huyện hu brei bruk cambaih laih ka yaok thành viên piah jhul pakhang bruk pathau khan

Ong Tạ Hồng Quảng – Phó Chủ tịch Ủy ban bầu cử huyện Bù Gia Mập, tỉnh Bình Phước brei thau:

 Mbiah tal tuk vak ni, bruk pathau khan dalam huyện hu peih ngak siam tapa dom jalan thông tin đại chúng  yau khẩu hiệu, pa-nô, áp-phích, pathau khan lưu động, pablak tame dom mbang ginum biai. Tacei pato dom pakat ủy cơ quan, đơn vị, xã, thôn, palei pathau khan dalam dom mbang ginum biai di  chi ủy, chi bộ.

Meng hu pathau khan dalam, lagaih song ilamu, akaok sahaneng, adat cambat, hatung hatian di bhap bini, abih di nyu nan lac mik va bangsa takik  dok di bhum atah bayah, bhum tapen negar hu thau cambaih ka makna di harei palih ruah jang yau peih ngak quyền song nghĩa vụ di urang pan hala phiếu.  Ong Điểu Cường daok di palei  Đăk Son 1, xã Phú Nghĩa, huyện Bù Gia Mập, tỉnh Bình Phước brei thau: urang jakar tual khẩu hiệu di labik ni ye thei jeng thau harei 22/5 anak tal lac harei palih ruah, hulin jeng mboh angan di drei dalam danh sách cử tri. Urang S’tiêng khol hulin daok chreih chrai cang tal harei nao plaik phiếu. Dok ong  Điểu Năm – akaok palei  Đăk Son 1, xã Phú Nghĩa, huyện Bù Gia Mập ndom lac, kayua tuk vak ni mik va biak jar var haong bruk paik paaok blait, yau nan ye urang jakar njauk nao tal yaok boh sang langyah, jak ba mik va piah ngak siam bruk palih ruah anak tal. Oh lac nao tal yaok boh sang pathau khan, jak ba tapa loa papar sap bo dok peih ngak tui rilo jalan karei. Ong Điểu Năm khan lac :

           Kayua mik va palei Đăk Son 1 tui agama yau nan ye pablak song sang nguyện pathau khan tal mik va thau ka jalan ngak, makna di harei palih ruah, quyền song nghĩa vụ di bhap bini.Mik va thei jeng bui sambai, jia lac  tuk vak bahrau meda hu rilo jalan ngak barhau dalam bruk patagok KT, XH, jang yau rai duik di bhap bini.

Meng hu kuhria caga tani tanat ka bruk palih ruah nan ye  Ủy ban Bầu cử huyện Bù Gia Mập hu peih ngak siam dom bruk gah cơ cấu, số lượng, thành phần urang tabiak ứng cử hội đồng bhap bini dom pakat dalam tuk vak bahrau, peih bruk pasang iek danh sách cử tri dok dalam huyện, abih di nyu nan lac dom puk, palei bahrau padang, khik ka taobng abih cử tri hu peih ngak  quyền lợi song  nghĩa vụ di drei. Taphia di nan, bruk khik caga an ninh ka harei palih ruah jeng hu UB  bầu cử huyện sangka, abih di nyu lac 2 xã tapen negar Bù Gia Mập song Đăk Ơ. Ni lac sa dalam dom kadha piah khik hu jak jeng ka harei palih ruah. Ndom ka bruk ni, ong Điểu Beo – Bí thư Đảng ủy xã Đăk Ơ, huyện Bù Gia Mập, tỉnh Bình Phước lac:

Bruk trật tự, an ninh bhum tapen negar hu tani tanat. Kayua khol hluin bhian pambuak bruk song dom đồn biên phòng song đảng ủy, ủy ban xã.Urak ni, khol hulin hu padang sa chốt dân quân bhum tapen negar. Yau nan ye, bruk an ninh trật tự di bhum tapen negar mbiah tal tuk vak ni oh hu bruk hagait.

Bình Phước hu labaih 260 km jalan tapen negar haong Cam-Pu-Chia, song hu 41 bangsa adei saai, meblah labaih 20% menuac sia dalam tỉnh. Ngak siam bruk kuhria caga, dalam nan pataom tame bruk pathau khan, jak ba mik va dom bangsa takik song bhap bini bhum tapen negar tỉnh Bình Phước lac jalan piah ka tỉnh ni peih ngak hu siam bruk palih ruah urang ka Quốc hội mbang 14 song urang ka Hội đồng bhap bini dom pakat anak tal./.