Huyện Hưng Nguyên, tỉnh Nghệ An nan lac sa dalam địa danh daneiy angan dalam Cao trào Xô viết Nghệ Tĩnh atah di ini 87 thun. Harei ini, Hưng Nguyên daok salih bahrau dalam bruk padang ngak palei pala bahrau njauk haong bhummi  cách mạng. kadha vak di urang vak  Quốc Khánh ndom tak bruk ini.

    Di huyện Hưng Nguyên jeng daok baoh kabo di 217 liệt sĩ Xô Viết Nghệ Tĩnh dalam mbang trun jalan biểu tình atah di ini 87 thun. Ini lac inem mek di harei 12/9, kaol Pháp brei kapal haok parah bom trun dom urang trun jalan, ngak metai 217 urang, cuh metai 30 urang, ngak ka 120 urang njauk rambuis. Tabung glaong Xô viết Nghệ Tĩnh tuk nan, meng bilan 5 tal bilan 12 thun 1930, hu labaih 1.300 mbang trun jalan ngan haong jaik  300.000 urang nong hu mbaok tame, hu 625 urang nong njauk kapal haok palaik bom saong phao cuh metai, 8 palei tayah tayiac abih, labaih 1.000 bol lin najuk cap mek, yaok rituh urang njauk kaol Pháp mek ba nao kareik guk. Xô viết Nghệ Tĩnh yaom lac tok tamuh tabiak dalam 5 bilan, min nyu lac mbang pathram ka Tổng khởi nghĩa meblah mek karja tuk bruk pal akaok di Đảng dalam harei 2/9/1945. Urang dahlau diah ngak bol lin Phan Đăng Dũng, daok di xã Hưng Tân, huyện Hưng Nguyên, mai cuh gilau di labik pahadar liệt sĩ Xô viết Nghệ Tĩnh, klah rabha. Pato pakai ilamo nan lac bruk biak quan trọng piah ka khaol dahlak patui veik hu lực lượng siam dak padang palei pala bahrau saong patagok hu dom baoh jeng siam mekre bo Đảng pal akaok saong karja ba mai ka puk palei.

  Urak ini, di labik rah tabiak mbang trun jalan biểu tình hu nao tame dakrai sajarah 87 thun dahlau, rai diuk di bhap bani hu biak biai trei sil, ngan haong 13 dalam 22 xã hu padang ngak blaoh palei pala bahrau. Ralo mô hình ngak mbang naih jioy tamuh tagok yau Mô hình ngak padai chất lượng glaong xã Hưng Tây, Hưng Thắng, Vụ đông cao sản xã Hưng Tân, mblang beik di Hưng Tiến.... baoh sang kathaot dalam huyện trun daok jaik 7%, jien mek tame kuhria tui akaok manuac mek hu 24,5 triệu đồng. Dom tiêu chí ilamo, pato megru, y tế mek hu siam saong njauk tanut chuẩn. Bruk khi hacih alam môi trường, palei pala sa-at mat. Abih di nyu lac pak xã Hưng Tân nan lac xã oh hu tavak sre jien padang ngak palei pala bahrau. Sa-ai Phan Trọng Sơn, 37 thun, daok di  Xóm 2, Hưng Tân, brei thau, kayua thau pandar ilamu khoa học kỹ thuật padang ngak lò karam baoh saong ngak tabiak tabiak pajaih menuk ada hu brei jien mek tame glaong, ba brei bruk ngak ka 3 tal 5 urang ngak hu jien mek tame meng 3 tal 4 triệu đồng yaok bilan: Adei ngak hu 15 thun paje, ye sa bilan hu 15- 20 triệu, kaoh abih jien brei ka urang ngak paje. Jalan duan hacih sa-at, laneng lanoi nan ye drei pablei salih nyu siam jang. Bhap bani dom labik mai pak ini thei jeng poj sap meyaom lac jalan mbak laneng lanoi.

Bac megru hu di xã Hưng Tân tapa bruk padang ngak palei pala bahrau nan lac bhap bani  taduan hu kein laba hu yau nan thei jeng pachreih tui bruk jak ba. Ong Nguyễn Trọng Thục, Akaok UB bhap bani xã Hưng Tân brei thau: Akaok mereip Hưng Tân nan lac 1 xã daok kurang rilo oh hu brei ngak xã điểm di huyện saong tỉnh, min hadei di tuk mong mboh hu ye bhap bani njauk hatai haong gauk. Dalam tukvak padang ngak palei pala bahrau khaol dahlak njauk ngak meng gah ala tagok, nan lac njauk padang ngak pasak ilamo chính trị di palei, hadei di nan peih bruk ngak jalan mbak nao mai dalam palei, blaoh peih jalan ka nyu tapak ka nyu prong, meng nan tacei pato patagok bruk ngak mbang pala drak, blaoh tacei pato ilamo khoa học kỹ thuật, yau nan dalam tukvak padang ngak palei pala bahrau Hưng Tân bhap bani thei jeng pachreih tui.

     Hưng Nguyên oh lac bhummi Xô Viết Nghệ Tĩnh bo daok lac bhummi di dom urang dahlau diah nao ngak cách mạng saong urang hu angan je dalam dak sajarah yau aruah Tổng bí thư Lê Hồng Phong, Nguyễn Trường Tộ, Phạm Hồng Thái. Kayua nan ye, Hưng Nguyên hu brei thau ka mục tiêu chính trị nan lac kham merat hu jeng sa dalam dom huyện kaya meda di tỉnh Nghệ An./.